Ӕрæджы Владимир Путин йæ раныхасы Федералон æмбырдмæ сæйрагыл банымадта традицион æргъæдтæм уæлдай хъусдард аздахын. Йæ ныхæстæм гæсгæ англисаг аргъуанты ныридæгæн дзырд цæуы, ома, Хуыцауæн æрд нæй æмæ йæ кой хъуамæ кæной гендерон-нейтралон хуызы.
«Хуыцау адæймаджы бафхæрынмæ куы фæхъавы, уæд ын фыццаг йæ зонд байсы», – дзырдта кæддæр англисаг филолог Джошуа Барнс æмæ ацы цитатæйæ иттæг хорз æвдыст цæуынц хурныгуылæйнаг къухдариуæгады æнæсæр митæ. Абоны бон англосаксты фæндыл чидæриддæр цæуы, уыдон барвæндонæй ныллæууыдысты деградацийы фæндагыл, сæхи тæрын кæнынц монон катастрофæмæ, сæрсæфæнмæ. Хурныгуылæйнаг æхсæнады цы æргъæдтæ уыд ныры онг, сæхи иннæ адæмтæй уæлдæр цæмæй хатыдысты, уыдоныл суæлæхох сты æмæ фидиссæгты фæндаг равзæрстой. Сауджын иугъуызон æрдтæн къайады цæуыны бар куы дæтта, уæд ма уымæй диссагдæр цы хъуамæ уа.
Сæ антиæхсæнадон архайд æмбæхсынц уымæй, ома, адæймагæн йæ цард йæхи бар у, цы йæ фæнды, уый хъуамæ араза. Иумæйагæй та æппæт ацы æнæсæрфат митæ хонынц «демократи». Ӕмæ кæд исчи афтæ æнхъæлы, зæгъгæ, хурныгуылæйнаг къухдариуæггæнджытæ æцæгæйдæр сæрра сты, уæд тынг рæдийы. Ахæм политикæ уадзынц барæй æмæ йын ис сæрмагонд нысан.
Лесбиянкатæ, гейтæ, бисексуалтæ æмæ трансгендертæ АИШ-ы разамынады æнцой кæй лæууынц, уый рагæй бæрæг у. Сæ пропагандæ кæныныл егъау финансон фæрæзтæ хардз кæнынц АИШ æмæ ма сæ дæлбар бæстæтæй дæр ахæм политикæ уадзын домынц. 2021 азы америкæйаг къамис, кæцы контроль кæны биржаты æмæ зынаргъ гæххæттытимæ чи кусы, уыдоны, бахæсджын кодта, цæмæй алы компанийы директорты советы дæр æнæмæнг уа ахæм уæнг, кæцы хицæн кæна хуымæтæг адæймагæй, ома, уа æнæтрадицион орентации-мæ. Ӕмæ сæ коммæ чи нæ фæкæсы, уыцы компанитæн цæлхдуртæ фæаразынц сæ куысты, кæнæ сæ ныбанкрот кæнынц. Ацы хъуыддагæн йæ нысан у, цæмæй алы фадыджы дæр «сæхи» минæвæрттæ уой æмæ контроль кæной дунейы финанстæ – биржаты уылты цæуынц финансты фылдæр хай.
Ӕнæтрадицион ориентацийыл хæст гоймæгты никæцы æхсæнад уадзы йæхимæ, алыран дæр нымад цæуынц фидиссæгтыл. Ӕрмæстдæр сæ сæрыл хæцынц АИШ-ы къухдариуæгад, размæ сæ кæнынц, финанстæй сæ ифтонг кæнынц, æмæ, кæй зæгъын æй хъæуы, кæддæриддæр архайдзысты АИШ-ы пайдайæн. Сæ минæвæрттæ ныридæгæн сты алы къабазы дæр – суанг ма Уæрæсейы æмæ Китайы къухдариуæгады хсæн дæр. Афтæмæй æвзæрырдæм æндавынц паддзахадты хъомысадыл – акæсæм ма Евроцæдисы бæстæтæм, сæ къухдариуæггæнджыты фылдæр хай сты ЛГБТ-йы æхсæнадæй, кæнæ та æды-лыдзæфтæ. Ахæм хуызы контроль цæуынц дунейы экономикæ æмæ финанстæ, лæ-мæгъ кæнынц конкурентты, аразынц конфликттæ.
Ацы пропагандæйæн ма ис ноджы иу нысан – адæмы нымæц фæкъаддæр кæнын. Зæгъæм, нæлгоймаг нæлгоймагтæм куы бацæра, уæд сын зæнæг нæ рацæудзæнис æмæ сæ фæдыл никæй ныууадздзысты. Ӕнæуый дæр ма бирæ азты дæргъы кæнынц сывæллон ма рауадзыны пропагандæ æрыгон бинонты хсæн, ома сывæллон ницы пайда хæссы. Афтæмæй фæсивæды лæууын кæнынц рæдыд хъуыдыйыл.
ЛГБТ-идеологи ахæм карз у æмæ æндæр идеологиты бындуронæй куынæг кæны, æхсæнады фосы уавæрмæ тæры, æгæрыстæмæй сæ Хуыцау дæр нал фæуырны. Ӕмæ ахæм æнæзæрдæ, хъæддаг гоймæгтæ дæ «хæстонтæ» куы суой, уæд дын бирæ бантысдзæнис саразын.
Хурныгуылæйнаг бæстæты æхсæнады цардмæ куы бакæсæм абоны бон, уæд дзы ныййарджытæн бынтондæр ницыуал бартæ ис. Сывæллоны фæндоныл ныййарджытæ куы нæ уой разы, уæд сын тæрхондон сæ ныййарæджы бартæ дæр байсы. Зæгъæм, сывæллон ЛГБТ-мультикмæ бакæсыны фæстиуæгæн фæндон куы рахæсса, цæмæй йæ æрд фæива, уæд ныййарджытæ дæр æнæмæнг йемæ хъуамæ сразы уой, кæннод сæ ахæстонмæ дæр арвитынц. Ӕмæ дзы æцæгæй ахæм факттæ дæр æрцыдис. Зæгъæм, Канадæйы чызг йæ æрд фæивыны фæнд скодта, фæлæ йæ фыд йæ ныхмæ рацыд æмæ йæ æрцахстой.
АИШ-ы фæнды ис, цæмæй ЛГБТ-йы пропагандæйы фæрцы иуæй контроль кæной фæсарæйнаг бæстæты æхсæнадон процесстæ, финанстæ, иннæмæй та адæмы нымæц дæр къаддæр кæнынц. Алыварсонæй дæр æй куы сисæм, уæд бæрæг у, ЛГБТ æхсæнадæн фидæн кæй нæй. Ацы къорд адæм куы базæронд уой, уæд сын элементаронæй пенси дæр ничи фиддзæнис – сæ фæстæ æрыгон фæлтæр нæ лæудзæнис æмæ кусгæ та чи хъуамæ кæна.
Абоны бон регистраци цæуынц ахæм факттæ, куыд европæйаг бæстæты цæр-джытæ сæ бинонтимæ цæрынмæ лидзынц Уæрæсемæ. Ӕмæ сæ нымæц азæй-азмæ фылдæр кæны. Социологтæ куыд раиртæстой, афтæмæй 2035 азтæм Уæрæсе суыдзæнис иууыл æдасдæр бынат сывæл-лæттæ хъомыл кæнынæн, бинонты сабыр цардæн.
ДЖИОТЫ Алыксандр
Comments are closed, but trackbacks and pingbacks are open.