2022 азы Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы реализацийы фæлгæтты горæт Цхинвалы реконструкцигонд æрцæудзысты дæс уынджы. Уый тыххæй фехъусын кодта Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард.
Йæ ныхæстæм гæсгæ, горæты уынгты капиталонæй цалцæг кæнын райдайдзысты апрелы мæйы, боныгъæдтæ бахынцгæйæ.
«Ацы аз план цæуынц Ирæтты уынгыл дыууæ тупичы реконструкци æмæ Цоцийы фырты фæрсуынг, Сабанты фырты, Санахъоты Гришикы, Инæлар Сланты фырты, Хъуылайы фырты, Козоны фырты, Гæззаты Валерийы уынгтæ æмæ Вокзалгæрон фæзуат», – загъта Зæгъойты Эдуард.
Министр куыд банысан кодта, афтæмæй капиталон цалцæгмæ хауынц зæххыбын коммуникацитæ кæрон-мæ реконструкци æмæ уынгты хæрзарæзтад.
2020-2022 азты Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы реализацийæн Уæрæсе рахицæн кодта 4,5 миллиард сомы. Уыйас æхцайы фæрæзтæ рахицæн кодта 2018-2019 азты Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы реализацийæн. 2015-2017 азтæн та рахицæн кодта 9,1 миллиард сомы.
ИА «РЕС»
Comments are closed, but trackbacks and pingbacks are open.