Фæкъаддæр кодта уæрæсейаг

Спортсменты нымæц

Дунеон Олимпион комитет фæкъаддæр кодта уæрæсейаг спортсменты нымæц, кæцытæ хайад райсдзысты  Пхенчханы 2018 азы зымæгон Олимпион хъæзтыты нейтралон тырысайы бын.  Уæрæсейы Олимпион комитеты развæлгъау номхыгъды уыд 500 спортсмены, фæлæ сын сæ нымæц фæкъаддæр кодтой 439 адæймаджы онг.

Сербийы президент бабæрæг кодта Косовойы

Александр Вучичы балц райдыдта Баньскы моладзандонæй, цыран Сербийы хицауады æххуысæй реализаци æрцыд цалдæр экономикон проекты, уыцы нымæцы хосгæнæн дæтты хæрзарæзтад. Уый фæстæ Сербийы Президент ацыд Косовска-Митровицамæ æмæ дидинджытæ сæвæрдта Ивановичы кæм амардтой, уыцы бынаты. Вучич фембæлд горæты цæрджытимæ æмæ семæ ныхас кодта æртæ сахаты бæрц. Уый бацыд Грачаницайы хъæумæ, цыран ис сербаг рагондæр моладзандæттæй сæ иу.  Йæ программæ фæцис Косовойы центры сербаг анклав поселок Лапле-Селомæ бацæуынæй, цыран цæрынц 853 сербаджы. Йæ визиты рæстæджы Александр Вучич банысан кодта, зæгъгæ,  сербæгты сæйраг интерес у сабырдзинад æмæ Косовойы сербæгты бахъахъ-хъæнын.

Африны хæстон операци

Турчы  премьер-министр Бинали Йылдырым бафидар кодта, зæгъгæ, бæстæйы гарзджын тыхтæ сурзæххон операци райдыдтой Сирийы цæгаты курдаг кантон Африны. Турчы Гарзджын тыхты сурзæххон дæлхæйттæ сирийаг Афринмæ бацыдысты 21 январы 11.5 сахатыл. Премьеры ныхæстæм гæсгæ операци æххæст цæудзæн цыппар этапæй 3-километры «æдасдзинады зонæ» саразыны æмæ сирийаг курдты уырдыгæй асыгъдæг кæныны нысанæн, кæцыты Анкара нымайы террористон организацитыл. Йæ рады Турчы вице-премьер Хкан Чавушоглу агентад AnadoIu йæ интервьюйы фехъусын кодта, зæгъгæ, операци «Оливкавая ветвь»-ы æнтыстджынæй сæххæст кæнын фадат ратдзæн арæнгæрон туркаг горæттæ æмæ бынæттон арабаг  цæрджыты æдасдзинад сифтонг кæнынæн.

АИШ-ы хицауад æрурæдта йæ куыст

20 январы АИШ-ы Хицауад æрурæдта йæ куыст æбæрæг æмгъуыдмæ. Ахæм цау æрцыд, америкæйаг конгрессментæ æмæ президентæн сæ бон кæй не ссис сразы уæвын федералон ведомствоты архайдæн бюджетон хæрдзтыл. Конгрессментæн сæйраг ныхдур ссис Дональд Трампы инициативæ программæ DACA  аивыны фæдыл, кæцы райста йæ раз Барак Обама. DACA-йы архайд æруромыны фæстиуæгæн бæстæйæ æрвыст æрцæудзысты 800 мин адæймаджы. Америкæйы историйы ахæм цау ныр æрцыд æнудæсæм хатт.

Улæфынмæ ацыд сусæггаг

паспортæй

Украиинæйы президент Петр Порошенко æмæ йæ бинонты уæнгтæ ногазон улæфтыты Мальдиватæм ацыдысты,  æрымысгæ нæмттæ кæм уыд, ахæм паспорттимæ. Агентады куыд хъусын кæнынц, уымæ гæсгæ, ахæм документтæ уыдонæн сарæзта Украинæйы æдасдзинады службæйы паддзахадон хъахъхъæныны управленийы хистæр Валерий Гелетейы куырдиатмæ гæсгæ. Программæ «Схема»-йы журналистты фæдагуырды хъусынчындæуыд, зæгъгæ,  уыдон атахтысты бизнес-къласы хæдтæхæгыл. Порошенко йæ бинонтимæ Мальдиваты сакъадахы улæфыд 1-8 январы. Йемæ уыдысты 9 адæймаджы æмæ бахардз кодтой æрдæг милуан доллары.

Банысан кодтой

республикæйы бон

20 январы Хъырымы сакъадахы цæрджытæ банысан кодтой республикæйы бон. 2014 азы 20-æм январы референдумы хъырымæгтæ бафидар кодтой сæ историон равзæрст – фæстæмæ Уæрæсемæ æрбаздæхын.

Фæмардуæвджыты нымæц схызт 20 адæймаджы онг

Афганистаны Кабулы стырдæр отель Intercontinental-мæ бабырстой террористтæ. Атакæйы фæстиуæгæн фæмард сты 20 адæймаджы бæрц, уыдон ‘хсæн уыдысты украинæйаг æмбæстæгтæ дæр. Отель ссæрибар кæныны операци цыд 18 сахаты,  теракты хайадисæг боевктæ куынæг æрцыдысты. «Талибаны» боевиктæ сæхимæ райстой æрцæугæ цауы  тыххæй бæрндзинад.

Æрцахстой Махачкалайы мэры

Махачкалайы тæрхондон æрцахста Муса Мусаевы, зæххытæ дæттыны рæстæджы йæ куысты æххæстбартæ кæй бæрзонддæр кодта, уымæ гæсгæ. Мусаев йæхи аххосджыныл нæ нымайы. Йæ кабинеты æмæ хæдзары йын баджигул кодтой.

Фехстой автобус

Украинæйы æфсæддон службæгæн-джытæ фехстой бæлццæттæласæн автобус уадзæн пункт «Еленовка»-йы районы. Æхстыты фæстиуæгæн иу адæймаг фæмард, иу та цæф фæцис. Донецкы Адæмон Республикæйы минæвæрттæ бахатыдысты ЕÆÆО-мæ, цæмæй равзарой æрцæугæ инциденты. Иумиагæй, суткæйы дæргъы Украинæйы гарзджын тыхтæ 11 хатты фехæлдтой æхстытæ æруромыны режим, авд цæрæн пункты фехсгæйæ.

 

Цæгат Кореяйы делегаци ацæудзæн Сеулмæ

Хуссар Кореяйы хицауад хорзыл банымадта Кореяйы Адæмон Демократон Республикæйы делегаци 25 январы аст адæймаджы скондæй Сеулмæ кæй ацæудзæн, уый. Балцы нысан у цæгаткорейæйаг спортсменты Пхенчханы зымæгон Олимпион хъæзтыты хайад райсынмæ бацæттæ кæнын. 20 январы Лозаннайы цыппарфарсон фембæлд уыд Цæгат Корея æмæ Хуссар Кореяйы национ Олимпион комитеттæн. Фæрстæ æруынаффæ кодтой цæгаткорейæйаг спортсменты Олимпион хъæзтыты  хайад. Саразæн ис ахæм хатдзæг, зæгъгæ, Кореяйы цæгат æмæ хуссар аскъуыддзаг кодтой ахастытæ фæхуыздæр кæнын, уый тыххæй Олимпиадæйæ спайда кæнгæйæ.

 

Ссæрибар кодтой аэродром

Идлибы сирийаг æфсад æмæ адæмон хæцæг къордтæ æрхъула кодтой «Джабхат ан-Нусра»-йы егъау къордыл æмæ боевиктæй ссæрибар кодтой аэродром Абу-Духуры, кæцы 2015 азы сентябрæй фæстæмæ уыд бандитон къордты контролы бын.

 

Атлантикон циклон Сыбырмæ æрбахаста аномалон уазæлттæ

Сыбыры цалдæр регионы у тынг уазал, температурæ æрхауы 50 градусы онг. Иуæй-иу горæтты боныгон дæр уынгты фенæн нæй нæдæр адæмæн æмæ нæдæр машинæтæн.

Информацион агентадты

 хъусынгæнинæгтæм гæсгæ

Comments are closed, but trackbacks and pingbacks are open.