Цыфæнды уавæрты дæр ма хъуамæ уа куысты къуылымпыдзинад

Республикæ Хуссар Ирыстоны Президент Бибылты Анатоли ауагъта 2020 азы Республикæ Хуссар Ирыстоны социалон-экономикон рæзтæн ахъазгæнæг Инвестицион программæ реализаци кæныны фарстыты фæдыл штабы рабадт.

Рабадты райдиан Финансты министры хæстæ æххæстгæнæг Хæбæлаты Азæ фехъусын кодта программæ æххæст кæныны финансон хайы тыххæй. Йæ ныхæстæм гæсгæ, абоны бон 2020 азы программæйы лимиттæй хардз æрцыд 58 проценты. Аивгъуыйгæ азы баззайæггæгтæ хынцгæйæ хардз æрцыд суммæйы 56 проценты, кæцы уыд Инвестицион программæ реализаци кæнынæн.

Арæзтад, архитектурæ æмæ цæрæнуатон-коммуналон хæдзарады министры хæстæ æххæстгæнæг Зæгъойты Эдуард банысан кодта, зæгъгæ, æввахс рæстæджы бавдыст æрцæудзæн 137 милуан сомы фæдыл æххæст куыстыты документаци.

Бибылты Анатоли æмæ штабы рабадты хайадисджытæ æруынаффæ кодтой программæйы алы объектыл дæр.

Горæт Цхинвалы аст уынджы, Паддзахадон унитарон куыстуат «Дорэкспострой»-йы генералон директор Мæхъиты Семены ныхæстæм гæсгæ цæттæ уыдзысты 25 ноябрмæ фидаргонд графикмæ гæсгæ. Арæзтадон куыстытæ уагъд цæуынц Революцийы, Белинскийы, Плиты Ароны, Нæузæхонты, Хъай-тарты, Табуйы фырты æмæ Базарадон уынгтыл.

Гуфта-Къуайсайы автомобилон фæндагыл æвæрд цæуы асфальт, баззад ма дзы 1,5 километры бæрц фадыг.

Уанат-Цхинвалы магистралон донуадзæн бæстыхæйтты куысты-тæ æххæст цæуынц графикмæ гæсгæ. Арæзтадон фирмæ арæн-гонд бæрндзинады æхсæнад «СТМ-Юг»-ы къухдариуæггæнæг Коцты Олегы ныхæстæм гæсгæ, физикон куыстытæ фæуыдзысты 15 декабрмæ, уый фæстæ æнæмæнг-хъæуæг у хæтæлтæ ссыгъдæг кæ-нын æмæ бæстыхай басгарын.

Хъайтарты уынджы, 118 цæ-рæнуаты арæзтад цæуы графикæй раздæр. Афтæ хорз темптимæ уагъд цæуы Гуыбаты æфсымæрты уын-гыл хæдзæртты арæзтад дæр. Ис фæстæзаддзинад Ирæтты уынджы хæдзар аразыны графикы.

Бибылты Анатоли йæ дызæрдыгдзинад загъта Знауыры поселочы бирæфатерон хæдзар аразыны тыххæй.

«Объект кæд иу æмгъуыдæй ин-нæмæ лæвæрд æрцæудзæн, уæддæр æнæмæнгхъæуæг у азы кæронмæ бæрæг куыстытæ ауадзын. Ацы объекты темптæ фæбæрзонддæр кæнын æнæмæнг у», – банысан кодта уый.

Ахæм объект ма у Дзауы поселочы бирæфатерон хæдзар дæр. Ам, подрядоны ныхæстæм гæсгæ, хицæнгонд æхцайы фæрæзтæй спайда кæныны проблемæ нæй.

Рабадты хайдисджытæ æруынаффæ кодтой брæтты полигон æмæ Паддахадон резервы бæстыхайы куыстыты цыдыл.

Президент банысан кодта, зæгъгæ, объектты фылдæр хайты документацитæ арæзт кæй æрцæудзысты азы кæрон. Уый æрдомдта контролгæнæн организацитæй, цæмæй максималонæй бакусой æппæт документтыл.