Цхинвалы гарнизоны æфсæдты æмæ республикæйы тыхон ведомствоты парадон расчеттæ ауагътой фыццаг репетицитæ Республикæ Хуссар Ирыстон расидыны 27 азы цытæн æфсæддон парадмæ бацæттæ кæныны фæдыл. Уый тыххæй фехъусын кодтой РХИ-йы Хъахъхъæнынады министрады   пресс-службæйы.

РХИ-йы Гарзджын тыхтыл сæйраг командæгæнæг Бибылты Анатоли парадмæ бацæттæ кæнын бахæс кодта РХИ-йы Хъахъхъæнынады министрадæн.

«Репетицитæ уагъд цæуынц УФ-йы Хъахъхъæнынады министрады 4-æм гвардион æфсæддон базæйы плацыл, кæцы дислокацигонд у Хуссар Ирыстоны. Тренировкæты рæстæджы куыст цæуы парадон расчеттимæ», – радзырдтой ведомствойы.

Парады хайад райсдзысты РХИ-йы Гарзджын тыхты, РХИ-йы Мидхъуыддæгты министрады, Паддзахадон æдасдзинады комитеты, Уæлвæткон уавæрты министрады, УФ-йы Хъахъхъæнынады министрады 4-æм гвардион æфсæддон базæйы парадон расчеттæ, РХИ-йы Хъахъхъæнынады æмæ Мидхъуыддæгты министрадты сылгоймæгты парадон расчеттæ, РХИ-йы Хъахъхъæнынады министрады кадетон скъолайы курсанттæ.

Парадон расчетты, тырысахæсджыты къордты æмæ æфсæддон техникæйы хайадистæй парад уагъд æрцæудзæн Цхинвалы Театралон фæзуаты 20-æм сентябры.

Ацы æрмæджытæ дæр бакæс:

Default ThumbnailЦæттæ кæнын райдыдтой æфсæддон парадмæ Default ThumbnailБæрæгбонон мадзæлттæм цæттæ кæныны фæстиуæгæн горæты цалдæр уынджы æхгæд æрцæудзысты Æфсæддон парады репетици Хъахъхъæнынады министрады хыгъдон æмбырд Default ThumbnailХуссар Ирыстоны æрæвнæлдтой Уæлахизы парадмæ цæттæ кæнынмæ

Comments are closed, but trackbacks and pingbacks are open.