ÆВЗÆРСТЫТÆ АЦЫДЫСТЫ ÆНТЫСТДЖЫНÆЙ
18-æм мартъийы Уæрæсейы Федерацийæн Президенты æвзæрстыты рæстæджы Цæгат Ирыстоны æвзæрстытæй рауад Ирыстоны иумæйаг стыр бæрæгбон.
Æвзарæн фадгуытæй бирæ рæтты концерттæ равдыстой Ирыстоны аивадон коллективтæ, кæм та репродукторæй хъуыстысты ирон мелодитæ. Æвзарæн фадгуытæм бахизæнты æвзарджытæн сæ бон уыд нывты равдыст фенын, буфетмæ фездæхын, сывæллæтты нывты конкурсмæ бакæсын. Ацы бон зæрдылдарæн лæвæрттæ истой Фыдыбæстæйы хæсты ветерантæ æмæ фæсивæдæй фыццаг хатт чи хъæлæс кодта, уыдон. Уымæй уæлдай бирæ рæтты арæзт æрцыд ирон хæринæгты мастер – къластæ, архайдтой сæ кæй фæндыд, уыдон се ‘ппæт дæр. Дзæуджыхъæуы, стæй республикæйы æппæт районты та рæстæгмæ армукъаты сæ продукци равæрдтой Цæгат Ирыстоны коммерцион куыстуæттæ “Бавария”, “Дюбуа”, “Мясной дар”, “Птицефабрика Михайловская”, “Молпродукт”, “Березка”, “Любава”, “Шоколадница”, “Меркада”, “Жираф”, “Премьер – Крю”, “Искра”, “Гурман”, “Дамзофф”, “Сладкая жизнь”, “Перо и кисть”, “Ника-7”, “Городские цветы” æмæ бирæ æндæртæ. Ацы армукъаты продукци балхæнæн уыди аслам аргъæй.
Знон райсомæй Цæгат Ирыстоны Центрон æвзарæн комитеты сæрдар Моргуаты Жаннæ куыд фехъусын кодта, афтæмæй æвзæрстытæ ацыдысты æмбæлон уагыл. Республикæйы 347 æвзарæн фадыджы схъæлæс кодтой цæрджыты 89, 94%.
Цæгат Ирыстоны Æвзарæн къамисы хатдзæгтæм гæсгæ республикæйы æвзарджыты фылдæр хъæлæстæ райста архайæг президент Владимир Путин – 81, 5%, комунистты минæвар Павел Грудинин – 11, 01%, ЛДПР-ы лидер Владимир Жириновский – 3, 01%, Максим Сурайкин – 1, 81%, Борис Титов – 1, 23%, Сергей Бабурин – 0, 23%, Григорий Явлинский æмæ Ксения Собчак – фæйнæ 0, 22%.
Нæ уацх.
Comments are closed, but trackbacks and pingbacks are open.