***

Уæрæсейы ахуырады системæйы стыр конкуренци нымайгæйæ, специалистты зæрды ис ацы къабазы исты аивын æмæ ног æмвæзадмæ схизын. Федералон проект «Молодые профессионалы»-йы фæлгæтты 2024 азы кæронмæ Цæгат Ирыстоны фæзындзæн 39 кусæн æрмадзы. Уыдон арæзт æрцæудзысты астæуккаг профессион училищеты бындурыл фондз дæсныйады къабазы: «Искусство, дизайн и сфера услуг», «Информационно-коммуникационные технологии», «Строительство», «Сельское хозяйство» æмæ «Социальная сфера». Ацы æрмадзтæй уал фондз арæзт æрцæудзæн фидæн 2022 азы, Дзæуджыхъæуы электроникæйы колледжы, Цæгат Кавказы арæзтадон техникумы, Дзæуджыхъæуы базарадон-экономикон техникумы, Цæгат Кавказы аграрон-технологон колледжы æмæ медицинон колледжы. Дарддæр уыцы куыст цæудзæн Уæрæсейы регионты ʻхсæн конкурсы хуызы, гранттæ райсгæйæ.

Училищеты бындурыл æрмадзтæ саразынæн ис стыр нысаниуæг. Специалисттæ куыд нымайынц, афтæмæй астæуккаг профессион ахуыргæнæндæтты сæйрагдæр у теори нæ, фæлæ практикон ахуыртæ. Уый бæрзонд æмвæзадмæ сисдзæн ахуыры системæ дæр, ахуыргæнæндæттæ та уадздзысты цæттæ специалисттæ практикон зонындзинæдтимæ.

 

*       *       *

Æрæджы компаниты къорд «Бавари» сси футболон клуб «Алани»-йы спонсор. Уый фæдыл  спонсорон контракты фæлгæтты, донуадзæн компани «Тбау» рауагъта иумæйаг продукт – нуазыны доны ног серийы этикеткæ «ФК «Алани», зæгъгæ, ахæм эмблемæимæ.

– «Бавари»-имæ æмгуыстад махæн кады хос у. Мах хъуамæ бацархайæм, цæмæй нæ нæ ног спонсор йæ сæр бæрзæндты хæсса. Ис нæм æмгуыстады фæлгæтты бирæ ног фæндтæ, фæлæ уыдоны тыххæй фæстæдæр зæгъдзыстæм, – загъта футболон клубы коммерцион директор Гæлуаты Алан.

 

*       *       *

Республикæйы социалон-экономикон рæзты программæ æнтыстджынæй æххæст цæуы. Федералон фонды фæрæзтæй бындуронæй ивд цæуы цæрæн коммуналон хæдзарады  системæ. Дзæуджыхъæуы лифты хæдзарад кæй базæронд æмæ сыл сбадын тæссаг кæй ссис, уымæ гæсгæ уал ацы азы кæронмæ æвæрд æрцæудзæн 64 ног лифты. Эксплуатацийы æмгъуыды кæронмæ, 2022 -23 азты ма сыл хъуамæ бафта 170. Уый фæстæ та арæзт æрцæудзæн ног программæ.

Нæ уацх.

 

Comments are closed, but trackbacks and pingbacks are open.