Æрæджы Дзæуджыхъæуы ацыд Цæгат Кавказы федералон зылды фыццаг регионалон форум «Æмæхсæнад». Архайдтой дзы нæ бæстæйы 23 регионæй 600 адæймаджы бæрц. Форум у æхсæнады уæнгты ‘хсæн æргом ныхасы фæз. Йæ нысантæ сты практикон архайды ахадгæдæр мадзæлттæ аразын, фæлтæрддзинад парахат кæнын, æхсæнадон цæстдардмæ фылдæр æргом здахын, æнæкоммерцион къабазы лыггæнинаг фарстатыл биноныгдæр архайын æмæ æндæртæ.
Форумы сæйрагдæр ныхас цыд коммуналон хæдзарады, транспорты куыстыл, скъоладзауты хæлцыл, туризмыл, медицинæ æмæ социалон-экономикон фарстатыл.
Республикæйы Сæргълæууæджы хæстæ рæстæгмæ æххæстгæнæг Сергей Меняйло йæ раныхасы куыд загъта, афтæмæй æхсызгон хъуыддаг у фыццаг форум махмæ арæзт кæй æрцыд. Уый канд кады хос нæу нæ рес-публикæйæн, фæлæ ма алыггæнæн ис бирæ ахсджиаг уынаффæтæн дæр.
Æмбырд уыди секцитæм гæсгæ. Форумы дыккаг хайы та йæ ар-хайджытæн арæзт цæудзæн «тымбыл фынгтæ», фембæлдтытæ æмæ мастер-класстæ.
***
Республикæйы разамонæг Сергей Меняйло фембæлд, йе сконды 30 национ-культурон иугонды кæмæн ис, уыцы æхсæнадон змæлд «Нæ Ирыстон»-ы уæнгтæ æмæ культурон центрты минæвæрттимæ. Архайдтой дзы Уæрæсейы Æхсæнадон палатæйы къамисы сæрдар Владимир Зорин, йæ хæдивæг Лагкуты Владимир, Национ ахастдзинæдты фарстаты фæдыл министр Цуциты Аслан…
Боны фæткмæ хаст æрцыдысты: граждайнаг æхсæнады хъомысы рæзт, алы адæмыхæттыты æмæ дины минæвæртты ‘хсæн фидыд æмæ хæлардзинад тауын, мадæлон æвзаг æмæ культурæйы райрæзты фарстатæ, национ диаспорæты куыстæн æххуыс кæнын…
Фембæлды архайджытæ боны фæткы фарстаты фæдыл загътой сæ хъуыдытæ, бахастой бæлвырд æмæ ахсджиаг фæндæттæ.
***
Æрæджы республикæйы Сæргълæууæг Сергей Меняйло комкоммæ эфиры фембæлд дзыллон хабархæссæг фæрæзты кусджытимæ. Пресс-конференцийы сæйрагдæр ныхас цыд культурæ æмæ социалон къабазыл, хъæууон хæдзарады рæзтыл, спорты æнтыстытыл, медицинон кусджытæ æмæ ахуыргæнджыты мыздыл, карантины рæстæджы цæлхдуртыл, спорты æнтыстытæ æмæ йæ лыггæнинаг фарстатыл…
Сергей Меняйло журналистты алы фарстæн дæр радта бæлвырд дзуаппытæ. Куыд банысан кодта, афтæмæй сфæлдыстадон кусджытæй бирæ аразгæ у æхсæнады уавæр æмæ адæммæ цас фылдæр хæццæ кæной рæстдзинад, бæрнон дæр уой сæ куысты, уыйас бæстæ сабырдæр уыдзæн.
Загъта ма, ныхасы æхсызгонæй кæй архайдта, нырæй фæстæмæ уацхæсджытимæ ахæм фембæлдтытæ арæхдæр кæй уыдзысты, уый тыххæй.
Нæ уацх.
Comments are closed, but trackbacks and pingbacks are open.