Хуссар Ирыстоны паддзахадон университеты типографы 2020 азы кæрон мыхуырæй рацыд Къуезерты Петры чиныг «Они были первыми». Чиныгмæ æдæппæт хаст æрцыдис фондзсæдæ дыууын ирон æмбæстагæй фылдæр, кæцытæ хицæн æмæ хицæн хъуыддæгты уыдысты фыццæгтæ.
Ныхас кæуыл цæуы, уы-доны ‘хсæн сты фыццаг ирон дамгъуат саразæг Ялгъузи-дзе-Гæбæраты Иуане, зындгонд поэт, прозаик, драматург, этнограф, публицист, ирон литературон æвзаджы бындурæвæрæг æмæ фыццаг ирон профессионалон нывгæнæг Хетæгкаты Къоста, Советон Цæдисы фыццаг ирон хъайтар Остъаты Алекси, фыццаг ирон инæлар Плиты Иссæ, атомон ихсæттæг нау «Арктикæ»-йы фыццаг капитан Кучиты Юри, дунейы фыццаг сылгоймаг-дирижер Дудараты Вероникæ æмæ бирæ æндæртæ.
Чиныгмæ ма хаст æрцыдис бирæ æндæр æмбæстæгтæ, кæцытæ сæ хъуыддæгты уыдысты фыццæгтæ, фæлæ зындгонд не сты уæлдæр загъдгонд æмбæс-тæгтау. Ацы чиныг фæахъаз уыдзæнис уыдоны хуыздæр базонынæн.
Ахæм чиныг рауадзын домдта фæндондзинад, фæразондзинад æмæ стыр куыстуарзондзинад. Уыцы хорз миниуджытæ разындысты чиныгаразæгмæ æмæ йæ разы цы зын хæс сæвæрдта, уый сæххæст кæнын ын бантыст.
Чиныг кæй бацымыдис кæ-на, уыдонæн сæ бон у æмæ дзы балхæной Цхинвалы газеттæуæйгæнæн киоскты.
Гæззаты Иван
Comments are closed, but trackbacks and pingbacks are open.