РХИ-йы Президент Бибылты Анатоли хайад райста фыццаг хæрзаудæн згъорды. Сывæллæтты дунеон боны сæраппонд акци сорганизаци кодтой хæрзаудæн фонд «Подари крылья», дунеон информацион агентад «Спутник Южная Оестия», фитнес-клуб Pioner Fitness æмæ РХИ-йы Фæсивæдон политикæ, спорт æмæ туризмы комитет.
Акцийы фæстиуджытæм гæсгæ, æрæмбырдчындæуыд 81 мин сомы, кæцыты бахардз кæндзысты рынчын сывæллæттæн схос кæныны тыххæй. Организаторты ныхæстæм гæсгæ, æдæпптæй згъорды хайад райстой 150 адæймаджы бæрц. Уыдон лыгъдысты 2 километры дистанцийы.
Паддзахады сæргълæууæг лыгъд 001 номыры бын. Маршрут кæронмæ алидзгæйæ, уый банысан кодта акцийы хорз организаци æмæ ахæм акциты пайдайы тыххæй. «Уый уыд физкультурон бæрæгбон. Мах хъуамæ пропагандæ кæнæм физкультурæ, спорт, æмæ архайæм, фылдæр адæм сæм æрбакæныныл. Æнæниз наци æнæниз æхсæнад. Æнæниз цардуаг царды биноныг кæны æмæ мæ ныфс ис, нæ къухты кæй бафтдзæн, цæмæй физкультурæ суа дзыллон», – загъта Президент.
Уый ма бузныджы ныхæстæ загъта акцийы организатортæн.
«Стыр бузныг хæрзаудæн фонд «Подари крылья», информацион агентад «Спутникæн», кæцытæ бацæттæ кодтой призтæ æмæ адæмæн фехъусын кодтой акцийы тыххæй, РХИ-йы Фæсивæдон политикæ, спорт æмæ туризмы комитет æмæ фитнес клуб Pioner Fitness-æн», – загъта Бибылты Анатоли.
Хæрзаудæн згъорды уæлахиздзаутæ хорзæхджын æрцыдысты кубоктæ, грамотæтæ, зæрдылдарæн лæвæрттæ æмæ сувениртæй.
Comments are closed, but trackbacks and pingbacks are open.