Мæскуыйы уыд Хуссар Ирыстоны фæдыл Амонæн чиныджыы презентаци. Мадзалы хайад райстой РХИ-йы Президент Бибылты Анатоли, Цæгат Ирыстон-Аланийы Сæргълæууæг Сергей Меняйло æмæ Уæрæсейы Федерацийы Республикæ Хуссар Ирыстоны Æххæстбарджын минæвар Гасситы Знауыр.

«Полиглот – Русский гид»-ы серийæ чиныджы рауагътой 2021 азы мæскуыйаг раугъдад АЯКС-ПРЕСС-ы. Мыхуыр дзы æрцыдысты афæлгæсты картæтæ, Республикæ Хуссар Ирыстоны районты æмæ йе столицæйы фæдыл маршруттæ, афтæ ма æрбынат кæныны фæдыл фæдзæхстытæ, контактон æмæ æндæр пайдайы информаци туристтæн. Чиныг мыхуыр æрцыд Республикæ Хуссар Ирыстоны Экономикон рæзты министрады æмæ Уæрæсейы Хуссар Ирыстоны Базарадон минæварады æххуысæй.

БИБЫЛТЫ АНАТОЛИ ХАЙАД РАЙСТА ПРЕЗЕНТАЦИЙЫ

Йæ арфæйы ныхасы Уæрæсейы Федерацийы Республикæ Хуссар Ирыстоны базарадон минæвар Таймураз Гогинов банысан кодта, зæгъгæ, фæндагамонæг фадат ратдзæн уырыссаг æвзагыл æппæт дзурджытæн паддзахад Аланийы истори, культурæ, географи æмæ къæбицимæ базонгæ уæвынæн.

«Æз сæрыстыр дæн мæ Райгуырæн бæстæйæ. Æмæ абон мæнмæ æрхаудта уырыссаг æвзагыл Хуссар Аланийы фыццаг амонæн чиныджы презентаци саразыны æхсызгон мисси. Адæмы уарзондзинад у уазджытыл аудындзинад, кæцытæ фæнд кæнынц бæстæ бабæрæг кæнын. Уый у уазæджы йæ мадæлон æвзагыл информациимæ базонгæ кæныны фадат са-разын. Растдæр уый тыххæй арæзт æрцыд Хуссар Ирыстоны фæдыл ахæм чиныг уырыссаг æвзагыл. Автортæ сарæзтой æппæт дæр, цæмæй, æгæрыстæмæй, нæ бæстæимæ фæсаууонмæ базонгæ уæвынæн дæр уа максималон æгъдауæй æххæст æмæ комфортон уавæртæ», – банысан кодта Таймураз Гогинов.

Йæ рады, Бибылты Анатоли банысан кодта, зæгъгæ, Хуссар Ирыстоны туризмы рæзтæн ацы чиныгæн ис стыр нысаниуæг. Уый ма радзырдта, зæгъгæ, республикæйы туризмæн ис стыр перспективæтæ æмæ Хуссар Ирыстоны къухдариуæгад нымайы ацы здæхт приоритетонтæй сæ иуыл.

 

Comments are closed, but trackbacks and pingbacks are open.