Президент Бибылты Анатоли раарфæ кодта Æхгæд акционерон æхсæнад «Остелеком»-æн,  13 азы йыл кæй сæххæст, уый цытæн.

Президент æрбацыд «Остелеком»-ы офисмæ, цыран ын радзырдтой зæронд ифтонггæрзты ног технологитæй раивыны хъуыддаджы сæ бакæнгæ куысты æмæ бастдзинады лæггæдтæ фæхуыздæр кæныны тыххæй.

Бибылты Анатоли компанийæн загъта размæцыды фæндиæгтæ æмæ сæ бафæдзæхста, цæмæй ма рох кæной абонентты комфорт.

«Интернеты тагъдад бæрæг бæрцæй сырæзт, хорз уаид тарифты æргътæ дæр ахæм тагъдадæй куы асламдæр кæниккой», – загъта Президент, компанийы къухдариуæгадимæ йæ фембæлд æмæ тарифон политикæйы тыххæй цы фарстатыл уынаффæ кодтой, уый зæрдыл æрлæууын кæнгæйæ.

Паддзахады сæргълæууæг ма сын загъта абонентты нымæц фæфылдæры фæндиæгтæ, «республикæйы цæрджыты нымæц бахынцгæйæ, цæмæй абонентты нымæц тагъд рæстæджы схизын кæнат 500 мины онг».

Æхгæд акционерон æхсæнад «Остелеком»-ы генералон директор Роман Коврига радзырдта, зæгъгæ, Хуссар Ирыстоны территорийыл абон компанийæн ис иууыл раззагондæр лæггæдтæ.

«Мах иууылдæр кусæм ууыл, цæмæй ам комфортон уа, фыццаджы фыццаг нæ абоненттæн, уымæн æмæ нæ абоненттæ сты республикæйы цæрджытæ иууылдæр. Фæнды нæ, цæмæй уыдон æхцондзинад æнкъарой бастдзинады лæггæдтæй», – загъта уый.

Роман Коврига бамбарын кодта, зæгъгæ, абон цы лæггæдтæ ис, уыдоныл куыст цыд зæронд ифтонггæрзтæ æмæ фадæттæм гæсгæ.

«Мах кусдзыстæм тарифтыл дæр, инициативæтыл ныридæгæн бакуыстæуыд, сæ реализацийы рæстæджы бахынцдзыстæм аргъы фæдыл республикæйы къухдариуæгады фæндиæгты дæр», – ныфс бавæрдта генералон директор.

Президент æмæ æрхонгæ журналисттæн ауагъдæуыд презентаци. Компанийы кусæг лæмбынæг радзырдта бастдзинады ног ифтонггæрзты, базæйон станцты æмæ оптимизацийы тыххæй.

Республикæ Хуссар Ирыстоны

Президенты официалон сайт

Comments are closed, but trackbacks and pingbacks are open.