Республикæ Хуссар Ирыстоны Президент Бибылты Анатоли йæхимæ райста Дунеон æхсæнадон змæлд «Ирæтты Уæлдæр Совет»-ы Координацион советы уæнгты.
Фембæлды Цæгат Ирыстоны фарсæй хайад райстой, Дунеон æхсæнадон змæлд «Ирæтты Уæлдæр Совет»-ы Координацион советы сæрдары хæдивæг профессор Æлборты И. Д. æмæ горæт Дзæуджыхъæуы Хуссар-Ныгуылæн районы Дунеон æхсæнадон змæлд «Ирæтты Уæлдæр Совет»-ы сæрдары хæдивæг Санахъоты И. В., Хуссар Ирыстоны фарсæй та – Дунеон æхсæнадон змæлд «Ирæтты Уæлдæр Совет»-ы Координацион советы сæрдары хæдивæг Гаглойты Р. Х., Дунеон æхсæнадон змæлд «Ирæтты Уæлдæр Совет»-ы Координацион советы уæнгтæ Дудайты А. А., Зассеты М. И. æмæ Хъоцыты А. А.
Уынаффæ цыд, 2017 азы октябры ирон адæмы IX cъезд ауадзыны хæдразмæ республикæйы районон æмæ горæтон конференцитæ ауадзынмæ хауæг къорд фарстатыл. Президент фæндон бахаста, цæмæй бындзарæй ивд æрцæуой Дунеон æхсæнадон змæлд «Ирæтты Уæлдæр Совет»-ы Хуссар Ирыстоны хайады куысты стиль æмæ оперативондзинад нырыккон реалитæм гæсгæ. Куыд банысан кодта, афтæмæй фæтыхджындæр кæнын хъæуы куыст «Ирæтты Уæлдæр Совет»-ы рæнхъытæм цæрджыты фылдæр хай бакæныны фæдыл.
РХИ-йы Президент Бибылты Анатоли ныфс бавæрдта, «Ирæтты Уæлдæр Совет»-ы Хуссар Ирыстоны хайады разылæууæг хæстæ æмæ алыгъуызон гуырахстджын программæтæ æххæст кæныны хъуыддаджы сын кæй баххуыс кæндзæн алыварсонæй дæр.
Фембæлды кæрон РХИ-йы Президент фембæлды хайадисджытæн загъта æнтыстыты фæндиæгтæ, банысан ма кодта, зæгъгæ, йæ ныфс ис, Дунеон æхсæнадон змæлд «Ирæтты Уæлдæр Совет» цы мадзæлттæ уадздзæн, уыдон кæй фæахъаз уыдзысты, куыд Уæрæсейы Федерацийы, афтæ Æввахс Скæсæны æмæ Дард Фæсарæнты нæ диаспорæты ‘хсæн бастдзинæдты рæзт фæцырддæр кæнынæн.
Президент Бибылты Анатоли бахахх кодта, зæгъгæ, цæттæ у, не ‘взонг паддзахадмæ, Республикæ Хуссар Ирыстон – Паддзахад Аланимæ хауæг æппæт фарстатыл дæр Дунеон æхсæнадон змæлд «Ирæтты Уæлдæр Совет»-ы уæнгтимæ æруынаффæ кæнынмæ.
Comments are closed, but trackbacks and pingbacks are open.