Хуссар Ирыстоны районты кæронмæ æфснайд фæци нæмыгон культурæты тыллæг. Знауыры районы администрацийы хъæууон хæдзарады хайады хистæр Дзанайты Гиви куыд фехъусын кодта, уымæ гæсгæ районы 340 гектарæй къухты бафтыд 1538 центнеры фæззыгæнд мæнæуы тыллæг райсын, æмæ 240 гектарæй та райстой 1198, 1 центнеры уалдзыгæнд мæнæу.

«Уымæй дарддæр ма, хъæбæрхоры тыллæг 409 гектарæй райстой 2983, 7 центнеры», – загъта уый.

Цхинвалы районы администрацийы статистикæйы хайады хистæр Джиголаты Аннæ банысан кодта, зæгъгæ, 107 гектарæй райстæуыд 1355 центнеры фæззыгæнд мæнæу æмæ 176 гектарæй та – 1774 центнеры хъæбрæхор.

Цъинагары зонæйы Ленингоры районы администрацийы сæргълæууæг Дриаты Гамлет загъта, зæгъгæ, районы 1200 гектары фæзуатæй бафснайдтой хъæбæрхор æмæ фæззыгæнд мæнæуы тыллæг.

«Астæуккаг нымадæй, уалдзыгæнд хъæбæрхор иу гектарæй райстой 18 центнеры æмæ фæззыгæнд мæнæу та – 20 центнеры», – банысан кодта уый.

Банысан кæнын хъæуы уый дæр, æмæ аграриты æнæмæнгхъæуæг техникæйæ кæй ифтонг кæны паддзахадон унитарон куыстуат «Ир-Агропромсервис».

Comments are closed, but trackbacks and pingbacks are open.