Бирæ дзырд цæуы æмæ арæзтæуы нæ горæты бирæуæладзыгон хæдзæрттæм хæстæг æнæзакъонæй цы мæнгагъуыстытæ æмæ гаражтæ арæзт æрцыд, уыдон сисыны тыххæй. Уыдон горæт кæй æвидыц кæнынц, уымæ гæсгæ горæты администраци рахаста уынаффæ, цæмæй ахæм арæзтæдтæ пырх æрцæуой, æфсæн гаражтæ та сæ хицæуттæ аласой æндæр бынæттæм.
Æрæджы та горæты администрацийы архитектурæ æмæ цæрæнуатон-коммуналон хæдзарады кусджытæ бацыдысты Плиты Харитоны уынджы бирæуæладзыгон хæдзæртты кæртмæ. Ам цы æнæзакъонон мæнгагъуыст æмæ æфсæн гаражтæ ис, уыдон хицæуттимæ аныхас кодтой. Цæрджытæй ноджыдæр æрдомдтой, цæмæй сæ айсой æмæ ссæрибар кæной уыцы хæдзæртты алыварс территори. Гаражтæ кæм саразой, ахæм фæзуат уыдонæн цалдæр азы размæ горæты цæрæнуатон-коммуналон хæдзарады кусджытæ рахицæн кодтой. Ахæм æнгæс фæдзæхстытæ цæрджытæ кæд ныр цалдæр хатты баййæфтой, уæддæр æй ницæмæ æрдарынц. Ныр горæты администрацийы кусджытæ карзæй фæдзæхсынц, цæрджытæ куынæ айсой сæ гаражтæ, уæд сæхæдæг кæй бакæндзысты уыцы куыст. Горæты сæйраг архитектор куыд зæгъы, афтæмæй цалдæр азы размæ горæты администраци цы фæзуæттæ рахицæн кодта гаражтæн, уым æртæ азы æмгъуыдмæ йæ хицау капиталон гараж куынæ сараза, уæд йæ тых сæфы, горæты администрациимæ цы бадзырд сарæзта, уымæ. Закъонон гаражыл та, зæгъгæ, нымад цæуы ахæм арæзтад, кæцы дзуапп дæтты арæзтадон нормæтæн. Цæвит-тон, бирæ цæрджытæ сæ гаражты сæртыл самадтой дыккаг уæладзгуытæ дæр. Уый тыххæй уыдонмæ нæй бары гæххæттытæ. Уымæ гæсгæ, горæты администраци курæг у цæрджытæй, цæмæй æнæ æмбæлон гæххæттæй æмæ æнæ архитекторы разыйæ ма аразой æнæзакъон арæзтадтæ.
УАЗÆГТЫ Марфа
Comments are closed, but trackbacks and pingbacks are open.