Сылгоймæгты дунеон бон банысан кодтой Цхинвалы централон библиотекæйы коллектив дæр. Уыдон фæхуыдтой сæ активондæр чиныгкæсджыты – 5-æм скъолайы, аивæдты лицейы, Альбионы, кадетты скъолайы ахуырдзауты. Мадзал байгом кодта библиотекæйы директор Прокопенко Иринæ. Уый сылгоймаджы абарста уалдзæгимæ æмæ банысан кодта, зæгъгæ, нæм сылгоймæгты дунеон бæрæгбон æрцæуы уалдзæджы, æрдз хъал кæнын куы райдайы, уæд, æмæ Хуссар Ирыстоны æппæт сылгоймæгтæн загъта бузныджы ныхæстæ Райгуырæн бæстæйы хæрзиуæджы тыххæй сæ æвæллайгæ куысты, республикæйы размæцыд æмæ дидинæфтыдмæ се стыр хайбавæрды тыххæй.
«Нæ сылгоймæгтæ æнтыстджынæй архайынц куыд политикæйы, афтæ ахуырады, культурæйы, спорты фадгуыты дæр», – загъта библиотекæйы директор æмæ бæрæгбоны цытæн раарфæ кодта æрæмбырдуæвджытæн, йæ коллекти-вæн, загъта сын фидар æнæниздзинады, хæрзиуджыты фæндиæгтæ.
Уый фæстæ мадзал уагътой ахуырдзаутæ Тедеты Арсен æмæ Багаты Алан.
Мадзаламонджытæ кæрæдзи ивгæйæ радзырдтой бæрæгбоны нысаниуæджы, йæ историйы тыххæй, банысан кодтой æхсæнадон царды сылгоймаджы нысаниуæг. Уыдон ма радзырдтой дунейы хицæн фысджытæ, поэттæ, нывгæнджытæ, композитортæ сылгоймæгты тыххæй цы загътой, уыдоны тыххæй. Æрхастой, уырыссаг фысджытæ сылгоймаджы тыххæй цы загътой, уыдоны тыххæй.
Банысан кодтой сылгоймаг сгуыхтдзинæдтæм, хъæбатырдзинæдтæм нæлгоймæгты цырын-гæнæг кæй у, уый дæр. Мадзаламонджыты алы раныхас дæр-иу фæцис сылгоймаджы тыххæй æмдзæвгæйæ, зардæй, кафтæй, ауагътой-иу викторинæ дæр. Ахуыргæнинæгтæ цы æмдзæвгæтæ кастысты, уыдон иууылдæр уыдысты сылгоймаджы тыххæй.
Æмдзæвгæтæ аив бакастысты ахуырдзаутæ Джиоты Дианæ, Гуыззыдтаты Аринæ, Къæбысты Кристинæ, Еналдыты Элинæ, Плиты Изодбег æмæ æндæртæ. Мады тыххæй рæсугъд зарæг та азарыд кадетты скъолайы ахуыргæнинаг Сиукъаты Иринæ.
Мадзалы вальс аив акафыдысты Дудайты Ацæмæз æмæ Къæбысты Дианæ.
Библиотекæйы методист Гуыззыдтаты Этери дæр æрæмбырдуæвджытæн загъта хæрзиуджыты фæндиæгтæ, цæмæй кæддæриддæр Ирыстоны алы къуымæй дæр хъуыса цины зæлтæ, хъæлдзæг хъæлæба, сылгоймæгтæн та сæ цæсгæмттыл зына æрмæстдæр цины цæссыгтæ. Радзырдта, адæймаджы царды мадæн цы стыр нысаниуæг ис, ирон адæм сылгоймагæн цы стыр кад кодтой, куыд дзы аргъуц кодтой, æппæт уы-дæтты тыххæй.
Гуыззыдтаты Этери ма банысан кодта Хуссар Ирыстоны уæззау азты нæ республикæйы сыл-гоймæгты ахсджиаг архайд.
Бæрæгбонон мадзæлтты активон хайад чи райсы, уыдонæн Прокопенко Иринæ горæты централон библиотекæйы номæй радта Кады грамотæ-тæ æмæ зæрдылдарæн лæвæрттæ, бузныджы ныхæстæ загъта Букуылты Лолитæ æмæ Габодзе Маринæйæн, мадзал кæй бацæттæ кодтой, уый тыххæй.
Нæ уацх.
Comments are closed, but trackbacks and pingbacks are open.