Хуссар æфсæддон зылды æфсæдтыл командæгæнæг, инæлар-булкъон Александ Дворников 58-æм иумиагæфсæддон армийы баиугæндтæ æмæ æфсæддон хæйттæм инспекцион балцы фæлгæтты бабæрæг кодта Хуссар Ирыстоны дислокацигонд æфсæддон базæйы дæлхæйтты хæстон цæттæдзинад, – хъусын кæны Хуссар æфсæддон зылды пресс-службæ.
Æфсæддон базæйы радгæс сменæйæн лæвæрд æрцыд хæстон барамынд мотоæхсæг, танкон, артиллерион дæлхæйтты, уæлдæфон хъахъхъæнынад æмæ материалон-техникон ифтонгады хæйтты хæстон цæттæдзинадмæ æркæныны фæдыл.
Æфсæддон базæйы къорд дæлхайы сарæзтой марш штатон техникæйыл снысангонд районтæм. Бæрзондхæххон полигон «Дзарцъем»-ы æфсæддон дæлхæйттæ сæххæст кодтой хæстон æхстытæ танктæ Т72А, фистæг æфсады хæстон машинæтæ БМП-2, хæддзæугæ артиллерион ифтонгæдтæ «Гвоздика», минометтæ «Сани», автоматон æмæ къухы гранатæхсæнтæ АГС-17 æмæ РПГ-7 æмæ æхсæн хæцæнгæрзтæй.
Дæлхæйттæ бакуыстой тактикон архайдтытæ хæхты маневргæнæн хъахъхъæнынад æххæсткæнгæйæ æмæ «ныхмæлæууæджы» фылдæр тыхты атакæ фæстæмæ аппарынæй.
Басгæрсты архайдтой 500 æфсæддон службæгæнæгæй фылдæр æмæ 100 иуæджы хæцæнгæрзтæ æмæ æфсæддон техникæ.
Comments are closed, but trackbacks and pingbacks are open.