Æрæджы Дзæуджыхъæуы мыхуыры рацыд ног чиныг, зонадон рауагъд «Исследование электровибрационных машин и их применение в производстве строительных материалов», зæгъгæ. Йæ автортæ сты Джиоты Владимир – завод «Электровибромашинæ»-йы сæйраг конструктор, ХИПУ-йы Технологон машинæты æмæ ифтонггæрзты кафедрæйы доцент; Гобозты Станислав – техникон зонæдты кандидат, профессор, ХИПУ-йы ахуырады фæдыл проректор; Тыбылты Вадим – техникон зонæдты кандидат, профессор, Цæгат Кавказы хæххон-металлургион институты арæзтадон конструкциты сæргълæууæг.
«Фæстаг рæстæджы сæудæджерадон куыстуæтты уæлдай уæрæхдæрæй пайда кæнынц вибрацион механизмтæй. Райдианы вибрацион машинæтæй пайда кодтой æрмæстдæр згъæлгæ æрмæджытæ бакусыны тыххæй. Фæлæ уæлдай баххæстгонд ног вибраторты фæзындимæ вибрацион машинæтæй уæрæхдæрæй пайда кæнын райдыдтой сæудæджерады æппæт фадгуыты дæр. Электровибрацион машинæты тыххæй конструктивон æмæ уæлдай баххæстгонд у электромагнитон змæлынгæнæг…», – дзырдæуы чиныджы разныхасы.
Чиныг конд у æртæ сæрæй – «Исследование электровибрационных машин», «Расчет и проектирование электровибрационных машин с продольным зазором электромагнита» æмæ «Применение вибрационных машин в строительстве.
Чиныг стыр ахъаз фæуыдзæн, ацы ахсджиаг æмæ хъæуæг фадыджы чи архайы, уыдонæн.
ДЖИОТЫ Екатеринæ
Comments are closed, but trackbacks and pingbacks are open.