Цæгат Ирыстоны Сæргълæууæджы хæстæ рæстæгмæ æххæстгæнæг Битарты Вячеслав цы ног хæстæ сæвæрдта йæ разы, уымæ гæсгæ нырæй фæстæмæ æрвылкъуыри æмбæлдзæн барадхъахъхъæнæг органты разамонджытимæ.

«Ахæм иудадзыгон фембæлдтыты фæрцы Мидхъуыддæгты министрады, Æдасдзинады федералон службæйы, Арæнхъахъхъæнæг æмæ Таможнæйон службæты, прокуратурæйы, Слестгæнæг комитеты, Наркотикты зилдухмæ цæстдарды службæ æмæ æндæр федералон структурæтæ æмæ Цæгат Ирыстоны хицаудзинады органты æмгуыстад уыдзæн æнгомдæр, уый фæрцы хуыздæр хъусдард здæхт уыдзæн адæмы куырдиæттæм», — загъта Битары фырт.

Республикæйы Сæргълæууæджы фембæлд барадхъахъхъæнæг органты минæ-вæрттимæ уыдзæн хæстæгдæр бонты. Битарты Вячеслав йæ цæст лæмбынæг дары, дардыл цы фыдракæндтæ айхъуыст, уыдоны фæдыл слест куыд цæуы, уымæ. Уыцы уголовон хъуыддæгты нымæцы — Цъыккаты Владимиры мæлæт. Битары фырт фембæлд Цъыккаты бинонтимæ дæр æмæ сын ныфс бавæрдта, уголовон хъуыддаджы фæдыл слестыл иудадзыг контроль кæй уыдзæн, уымæй.

 

Нæ уацх.

Comments are closed, but trackbacks and pingbacks are open.