Арæнхъахъхъæнæджы  боны цытæн

1918 азы 28 майы Адæмон къамисарты советы Декретмæ гæсгæ арæзт æрцыд УСФСР-ы Арæнхъахъхъæнджытæ. Уæд арæзт æрцыд арæнхъахъхъæнынады Сæйраг управлени. Уырдæм баконд æрцыдысты Уæрæсейы раздæры Арæнхъахъхъæнджыты хицæн корпусы управленийы офицертæ. Ацы структурæйы фæстæ Уæрæсейы Президенты Указмæ гæсгæ 1993 азы 30 декабры арæзт æрцыд Уæрæсейы Федералон Арæнгæрон службæ. 2003 азæй майы мæйæ Федералон Арæнгæрон службæ баконд æрцыд Федералон æдасдзинады службæмæ æмæ йæ схуыдтой Федералон æдасдзинады службæйы Арæнгæрон æфсад.

2008 азы Гуырдзыстоны агрессийы фæстæ Хуссар Ирыстонмæ æххуысмæ æрцыдысты  2009 азы 30 апрелы уæрæсейаг арæнхъахъхъæнджытæ Гуырдзыстонимæ Хуссар Ирыстоны арæнтæ хъахъхъæнынмæ. Иумæйаг тыхтимæ арæзт æрцыд системæ, цæмæй хъахъхъæд цæуой арæнтыл æдасдзинад.

Ацы аз Уæрæсейы Федерацийы Федералон æдасдзинады службæйы Арæнгæрон управлени нысан кæны йæ авдазон службæ нæ республикæйы. Уæрæсейы арæнхъахъхъæнджытæ нæ бæстæмæ æрцыдысты УФ æмæ Хуссар Ирыстоны ‘хсæн 2009 азы Мæскуыйы республикæйы паддзахадон арæнтæ иумæйаг тыхтæй хъахъхъæныны фæдыл Сразыдзинадмæ гæсгæ. Уæдæй абоны онг уæрæсейаг арæнхъахъхъæнджытæ намысджынæй хуссарирыстойнаг æнгæс æфсадимæ хъахъхъæнынц Хуссар Ирыстоны арæнтыл æдасдзинад.

УФ-йы Арæнгæрон управлени службæ кæны республикæйы æгас территорийыл. Службæгæнджытæн арæзт æрцыд хæрзвадат уавæртæ службæ кæнынæн æмæ цæрынæн дæр. Уыимæ иумæ сын фадат ис бæрзонд, эффективонæй оперативон-службæйон хæстæ æххæст кæнынæн. Бæрæггæнæнтæм гæсгæ арæнты фæтк хæлд цæуы, фылдæр бæрцæй хæдзарадон-цардуагон нысанæн æмæ цæрджытæ фаг информаци кæй нæ исынц арæнтыл хизыны хъуыддаджы, уый аххосагмæ гæсгæ.

Иумæйагæй сисгæйæ, æгас республикæйы службæ хæссынц 20 уæрæсейаг арæнхъахъхъæнæг хайады, уыдонæй сæйраг комплекс ис горæт Цхинвалы, иннæтæ та сты республикæйы районты. Управленийы къухдариуæгад райгонд у бынæттон цæрджытæй, уыдон æвдисынц æмбаргæ ахаст. Æнæхъуаджы не сты ацы ныхæстæ: «Арæнтæ хъахъхъæнынц æгас адæм».

Кæрæдзиæмбарынад, хæларадон ахастытæ æмæ сын сæ службæйы дарддæр дæр æххуыс кæнынц сæ хуссарирыстойнаг коллегæтæ. Уыдон – сæ уæрæсейаг коллегæтæн систы ныфсы æнцойад бынæттон цæрджытимæ кусыны хъуыддаджы.

Уæдæ куыд Уæрæсейы арæнхъахъхъæнæг управлени, афтæ Хуссар Ирыстоны Паддзахадон æдасдзинады комитеты Арæнгæрон управлени иумæ сты нæ æдасдзинады сæйраг гарант. Уадз, æмæ сæ службæ Ирыстоны зæххыл хæссæд сабыр æмæ æмбаргæ уавæртæ.

Къæбулты М.

Comments are closed, but trackbacks and pingbacks are open.