Арфæтæ – Сæудæджерад æмæ транспорты кусджытæн

Зынаргъ хæлæрттæ!

Арфæ уын кæнын уæ профессионалон бæрæгбоны цытæн!

Сæудæджерад æмæ транспортон хæдзарад бармæ гæсгæ нымад у экономикæйы сæйраг фадгуытæй сæ иуыл.

Автотранспортон комплекс у экономикæйы сæйраг бындур, кæцы ахъаз кæны ахсджиаг хæдзарадон æмæ социалон фарстытæ скъуыддзаг кæнынæн.

Экономикæйы æнæбайсгæ сконд у сæудæджерады фидар рæзт. Æддаг æмæ мидæгаггон базарады ног куыстуæтты баконд æмæ продукцийы хай фæбæрзонддæр кæнын у республикæйы æнæмæнгхъæуæг рæзтæн сæйраг хæстæй сæ иу.

Хуссар Ирыстоны къухдариуæгад аразы æппæт дæр, цæмæй транспортон хæдзарад æмæ сæудæджерад динамикон æгъдауæй рæзой.

Ныфс мæ ис, профессионализм æмæ бæрндзинады фæрцы сымах кæй фæтых уыдзыстут уæ разылæууæг хæстыл.

Ацы нысаниуæгджын бæрæгбоны уын мæ цæст уарзы фидар æнæниздзинад, амонд, дарддæры æнтыстытæ Фыдыбæстæйы хæрзиуæгæн! Сабырад, хорздзинад æмæ фæрныгад уæхицæн æмæ уæ бинонтæн!

Республикæ Хуссар Ирыстоны Президент

БИБЫЛТЫ Анатоли

 

***

Республикæ Хуссар Ирыстоны сæудæджерад æмæ транспорты цытджын кусджытæ!

Республикæ Хуссар Ирыстоны Парламент æмæ уын сæрмагондæй мæхи номæй арфæ кæнын уæ профессионалон бæрæгбоны цытæн.

Сæудæджерады рæзтыл дзургæйæ, банысан кæнын хъæуы транспортон инфраструктурæйы рæзты ахсджиаг нысаниуæг. Сæудæджерад æмæ транспорт сты республикæйы экономикæйы æнæбайсгæ хай, кæцыты раз абон лæууы ахсджиаг хæстæ. Уыдон сты архайгæ куыстуæттæ рауæрæх кæнын, уæвæг амалиуæгадон хъомысад рауæрæх кæнын æмæ ногтæ бакæнын ног нырыккон технологитæй пайда кæнгæйæ, базарадон бастдзинæдтæ æрбæстон кæнын æмæ ног æддагон базарадтæ бакæнын, республикæйы уагъд продукцийы рекламæ æмæ уæй кæнын æмæ æндæртæ. Ацы æппæт масштабон хæстæ гæнæн ис æмæ царды мидæг æххæст æрцæуой æрвылбонон фæллойæ, арæзтадон конструктивон куыстæй, бæрзонд профессионализм, кусджыты куыстуарзондзинад, транспортон системæйы æмæ амалиуæгадон объектты æмбæлон куыстæй.

Мæ цæст уын уарзы фидар æнæниздзинад, амонд, фæрныгад æмæ куысты ног æнтыстытæ.

Республикæ Хуссар Ирыстоны

Парламенты Сæрдар ТАДТАТЫ Алан