Арфæтæ – Фыдыбæстæйы хъахъхъæнæджы боны цытæн

Президент Бибылты Анатоли раарфæ кодта Уæрæсейы Федерацийы Президент Владимир Путинæн Фыдыбæстæйы хъахъхъæнæджы боны цытæн.

Арфæйы дзырдæуы:

«Цытджын Владимир Владимиры фырт!

Зæрдиаг арфæ кæнын дæуæн æмæ дæ номæй Уæрæсейы Федерацийы æппæт бирæнацион адæмæн Фыдыбæстæйы хъахъхъæнæджы боны цытæн.

Ацы бæрæгбон у, Гарзджын тыхты чи службæ кодта, службæ кæны æмæ службæ кæндзæн, йæ Райгуырæн зæххыл чи тох кодта, Фыдыбæстæйы арæнтæ чи хъахъхъæны, йæ адæмы сабыр царды хъахъхъæныныл чи лæууы, уыцы адæмæн кад кæныны бæрæгбон.

Нæ адæмæн ацы бæрæгбон ассоциаци кæны уæрæсейаг æфсæддонты удуæлдайдзинад æмæ хъайтардзинадимæ, кæцытæ 2008 азы æрцыдысты Хуссар Ирыстонæн баххуыс кæнынмæ æмæ гуырдзиаг агрессоры сабырадмæ æркодтой.

Ацы нысаниуæгджын бæрæгбоны дын, цытджын Владимир Владимиры фырт, мæ цæст уарзы фидар æнæниздзинад, сабырад, амонд æмæ ног æнтыстытæ стыр бæстæйы хæрзиуæгæн!

***

Бибылты Анатоли ма Фыдыбæстæ хъахъхъæнæджы боны цытæн раарфæ кодта: Уæрæсейы Федерацийы Хицауады Сæрдар Михаил Мишустин, Уæрæсейы Федерацийы Æдасдзинады Советы Сæрдар Дмитрий Медведев, Уæрæсейы Федерацийы Хъахъхъæнынады министр Сергей Шойгу, Республикæ Цæгат Ирыстон-Аланийы сæргълæууæг Битарты Вячеслав, Республикæ Абхазы Президент Аслан Бжания, Уæрæсейы Федерацийы Паддзахадон Ду-мæйы Сæрдар Вячеслав Володин, Уæрæсейы Федерацийы Президенты Администрацийы къухдариуæггæнæг Антон Вайно, Уæрæсейы Федерацийы Президенты Администрацийы къухдариуæггæнæджы хæдивæг Дмитрий Козак, Уæрæсейы Федерацийы Президенты Арæнгæрон æмгуыстады фæдыл управленийы хистæр Алексей Фи-латов, Луганскы Адæмон Республикæйы сæргълæууæг Леонид Пасечник, Донецкы Адæмон Республикæйы сæргълæууæг Денис Пушилинæн.

***

Президент Бибылты Анатолийæн Фыдыбæстæ хъахъхъæ-нæджы боны цытæн раарфæ кодтой: Луганскы Адæмон Республикæйы сæргълæууæг Леонид Пасечник, Донецкы Адæмон Республикæйы сæргълæууæг Денис Пушилин, Республикæ Абхазы Президент Аслан Бжания.

***

Республикæйы цытджын цæрджытæ æмæ уазджытæ, Фыдыбæстæйы зынаргъ хъахъхъæнджытæ!

Хицауады номæй уын зæрдиаг арфæ кæнын Фыдыбæстæ хъахъхъæнæджы боны цытæн.

Бæстæйы æппæт фæлтæртæн ацы бæрæгбон у æхсардзинад, удуæлдайдзинад, хорздзинад, намыс æмæ  аккаг хæстон традициты символ.

Мах кад кæнæм æмæ нæ зæрдыл дарæм не ‘мзæххонты сгуыхтдзинæдтæ, кæцытæ бахъахъхъæдтой нæ Советон Райгуырæн зæххы сæрибардзинад æмæ хæдбардзинад, стæй та нæ бирæ тухитæ бавзарæг Республикæйы, стыр кад кæнæм, абоны бон æмбæстæгты сабырад æмæ æнцойдзинад хъахъхъæнгæйæ Фыдыбæстæйы арæнтыл чи лæууы, уыдонæн.

Ацы нысаниуæгджын бæрæгбоны мæ цæст уарзы æнæниздзинад, сабырад æмæ фæрныгад алы бинонтæн дæр! Уадз æмæ ацы бæрæгбон алыхатт дæр уæт сабырдзинад æмæ циндзинад хæссæг!

Республикæ Хуссар Ирыстоны Хицауады Сæрдары хæстæ æххæстгæнæг БЕКЪОЙТЫ Геннади