РХИ-йы Президент Бибылты Анатоли раарфæ кодта Хуссар Ирыстоны адæмон нывгæнæг æмæ Уæрæсейы Федерацийы сгуыхт нывгæнæг Козаты Ушангæн, Республикæ Цæгат Ирыстон-Аланийы йæ нывты равдыст кæй байгом, уый сæраппонд, – хъусын кæны РХИ-йы Президенты нымæрдар Гасситы Динæ.

Козаты Ушангы сæрмагонд равдыст «Цвет Осетии» цытджын æгъдауæй байгом  майрæмбоны, 25 ноябры, Дзæуджыхъæуы Тугъанты Махарбеджы номыл музейы.

Бибылты Анатоли, мадзалы раныхас кæнгæйæ, банысан кодта, зæгъгæ, Козаты Ушангы сфæлдыстад хорз зындгонд у Ирыстоны æддейæ дæр, æмæ йæ Райгуырæн бæстæйы та Козайы фырт зындгонд у æрмæст куыд курдиатджын нывгæнæг афтæ нæ, фæлæ ма куыд хæстон  дæр.

«Хуссар Ирыстонæн иууыл уæззаудæр рæстæджыты Козаты Ушанг уыд Фыдыбæстæ хъахъхъæнджыты фыццаг рæнхъыты. Уый хъахъхъæдта йæ адæмы æмæ республикæйы сæрибардзинад», – загъта Бибылты Анатоли.

Равдысты æвæрд æрцыдысты Козаты Ушангы 30 куыстæй фылдæр, кæцыты сфæлдыста 2008 азæй фæстæмæ. Йæ куыстыты нывгæнæг фылдæр хъусдард здахы хуызмæ, Ирыстоны историимæ, раздæры азты æмæ ныры хъайтартимæ баст сюжетты руаджы сæ æвдисгæйæ.

Козаты Ушанг у Республикæ Хуссар Ирыстоны адæмон нывгæнæг, Уæрæсейы сгуыхт нывгæнæг, Цæгат Ирыстон-Аланийы сгуыхт нывгæнæг аивæдты Уæрæсейаг академийы кадджын акадмеик, аивæдты Уæрæсейаг академийы уæнг-уацхæссæг. Хуссар Ирыстоны бахъахъхъæныны хайад кæй райста, уый тыххæй Козаты Ушанг хорзæхджын æрцыд республикæйы уæлдæр паддзахадон хорзæх  «Уацамонгæ»-йы орденæй.

Comments are closed, but trackbacks and pingbacks are open.