Республикæ Хуссар Ирыстоны Президент Бибылты Антоли раарфæ кодта Уæрæсейы Федерацийы Хъахъхъæнынады ми-нистр Сергей Шойгуйæн йæ райгуырды боны цытæн.
Арфæйы телы дзырдæуы:
«Цытджын Сергей Кужугеты фырт!
Айс иууыл зæрдиагдæр арфæтæ дæ юбилейы – дæ райгуырдыл 65 азы сæххæсты цытæн.
Ацы цытджын бæрæгбоны мæ фæнды зæгъын стыр кад кæныны ныхæстæ дæуæн, бæрзонд намысы адæймагæн, кæцыйæн Фыдыбæстæйæн лæггад кæнын у сæйраг нысан. Цахæмфæнды паддзахадон бынаты ма кусай, дæуæн, стыр профессионал, фæлтæрдджын æмæ курдиатджын къухдариуæггæнæгæн, алы хатт дæр вæййы стыр æнтыстытæ, æнтыстджынæй скъуыддзаг кæныс вазыгджын зын паддзахадон хæстæ.
Хуссар Ирыстоны стыр аргъ кæнынц дæ хайбавæрдæн Республикæ Хуссар Ирыстоны паддзахаддзинады æндидзынад æмæ рæзтмæ, республикæйы цæрджытæ дæ бузныг сты 1991 азы зæххæнкъуысты фæстиуджытæ ликвидаци кæныны рæстæджы æххуысы тыххæй, хорз хъуыды кæнынц дæ хайбавæрд 1992 азы гуырдзиаг-ирон конфликт æрбæстон кæнын æмæ 2008 азы гуманитарон мисси реализаци кæныны хъуыддагмæ.
Стыр аргъ кæнын нæ сæрмагонд хъарм ахастытæн, мæнæн тынг зынаргъ сты нæ фембæлдтытæ æмæ хæларадон ахастытæ мысын.
Мæ цæст дын уарзы, цытджын Сергей Кужугеты фырт, фидар æнæниздзинад, амонд, плæнттæ реализаци кæнын æмæ куысты ног æнтыстытæ, иууыл хуыздæр фæндиæгтæ дæуæн æмæ де ‘ввахс хиуæттæн».
***
Республикæ Хуссар Ирыстоны Президент Бибылты Анатоли раарфæ кодта Араик Арутюнянæн Республикæ Арцахы Президенты бынатмæ бахизыны цытæн.
Арфæйы телы дзырæдуы:
«Цытджын Араик Владимиры фырт!
Республикæ Хуссар Ирыстоны къухдариуæгады, йæ адæмы æмæ дын сæрмагондæй мæхи номæй арфæ кæнын Республикæ Арцахы Президенты бынатмæ официалонæй бахизыны цытæн.
Ауадзгæ æвзæрстыты дæ фидар уæлахиз равдыста, Республикæ Арцахы адæмы раз дæ лæггæдтæн стыр аргъ кæй кæнынц, се ‘ууæнк дыл кæй бафтыдтой, йæ бæрзонд æууæнкдзинад æмæ дæ программæйы æвварс кæй хæцынц, кæцы здæхт у бæстæйы æппæтварсон рæзтмæ.
Ныфс мæ ис, дæ паддзахадон архайæджы миниуджытæ кæй лæггад кæндзысты республикæйы размæцыдæн, Арцахы адæмы фæрныгады рæзтæн, нæ бæстæты ‘хсæн ахастытæ та райсдзысты рæзты ног импульс.
Мæ цæст дын уарзы, цытжын Араик Владимиры фырт, фидар æнæниздзинад, ног æнтыстытæ æмæ æппæт плæнттæ æххæст кæнын, кæцытæ здæхт сты Республикæ Арцахы дидинæфтыдмæ, æфсымæрон арцахаг адæмæн та сабырад, фæрныгад æмæ дидинæфтыд».
Comments are closed, but trackbacks and pingbacks are open.