Хуссар Ирыстоны 2018 азы январы мæйы уæрæсейаг æфсæддон службæгæнджытæ æмæ сæ бинонтæн эксплуатацимæ лæвæрд æрцæудзæн ноджы иу æмдзæрæндон.

Хуссар æфсæддон зылды пресс-службæ куыд хъусын кæны, уымæ гæсгæ Хуссар Ирыстоны дислокацигонд Уæрæсейы Хъахъхъæнынады министрады 4-æм æфсæддон базæйы кæронмæ арæзт фæци нырыккон дыккаг æмдзæрæндоны арæзтад уæрæсейаг æфсæддон службæгæджытæн. Уым æрцæрдзысты 32 бинонтæ.

«Уыимæ алы фатер дæр æххæст у хъæдын хæдзарон дзаумæттæй, телевизортæ æмæ æнæмæнг-хъæуæг коммуналон ифтонггæрзтæй, цæмæй спутникон телеуынынад æххæстæй куса. Афтæ ма дзы арæзт æрцыдысты хатæнтæ спортæй архайынæн, хæрæндон, улæфæн хатæн æмæ сывæллæтты хиирхæфсæн хатæн», – банысан кодтой æфсæддон зылды пресс-службæйы.

Æмдзæрæндон арæзт æрцыд ног нырыккон стандарттæ æмæ технологитæм гæсгæ экологион æгъдауæй сыгъдæг арæзтадон æрмæджытæй, хæххон бынаты спецификæ хынцгæйæ.

Уый размæ, 2017 азы 16 декабры уæрæсейаг 4-æм æфсæддон базæйы æфсæддон службæгæнджытæн лæвæрд æрцыд æнгæс æмдзæрæндон. Горæт Цхинвалы æмæ Дзауы поселочы 2018 азы план цæуы эксплуатацимæ радтын инфраструктурæйы 20 объектæй фылдæр. Уыдоны нымæцы цæрæн хæдзæрттæ, салдаттæн æмæ афицертæн æмдзæрæндæттæ, скъолатæ, ахуырадон корпустæ, материалон æмæ техникон ифтонгады æфтауцдæттæ, куыйтæн кинологон городок, афтæ ма æфснайæн-дæттæ, æфсæддон техникæйæн ангартæ.

Comments are closed, but trackbacks and pingbacks are open.