Не ‘хсæн, хъыгагæн, нырма бирæ ис, цæрын чи нæ фæразы æмæ æххуысы сæр кæй хъæуы, ахæм бинонтæ. Уыдонæн рæстæгæй рæстæгмæ паддзахады æмæ хицæн фæрæзджын адæймæгты ‘рдыгæй дæр æххуыс цæуы.

Цхинвалы районы ахæм æвæрæз бинонтæн æрвыл азы райдианы хæлцадон продукттæй баххуыс кæны районы администраци. Ацы хæрзиуæгон традици адарддæр кодтой ацы аз дæр. Бирæ бинонты бабæрæг кодта районы сæргълæууæджы хæстæ æххæстгæнæг Бибылты Валери æмæ сын уыцы æххуыстæ хæдзармæ бахаста йæхæдæг. Иннæ æххуыстæ та, ацы категоримæ хауæг æмбæстæгтæ райстой хъæуты бынæттон администрациты кусджыты къухтæй. Уый тыххæй нын радзырдтой районы администрацийы пресс-службæйы.

Цхинвалы районы администраци, æмткæй сисгæйæ, баххуыс кодта районы хъæутæй 30 сывæллонæн. Ахæм цыбыркъух æмæ æвæрæз бинонты фарс балæууын у хæрзиуæгон хъуыддаг æмæ уый нысанмæздæхтыл нымайы районы къухдариуæгад дæр. Æрхъуыдыйæн та бирæ нæ хъæуы, æмæ ацы чысыл, фæлæ бинонтæн пайда чи у, уыцы æххуысы тыххæй, бузныджы ныхæстæ дзырдтой алы бинонтæ дæр.

Нæ уацх.

Comments are closed, but trackbacks and pingbacks are open.