Уæгъдибар хъæбысхæст
Смоленскы уагъд æрцыд уæгъдибар хъæбысхæстæй 18 азы онг кæуыл цæуы, уыцы чызджыты ’хсæн æппæтуæрæсейон турнир. Ерысты æвзист майдан рамбылдта Ирыстоны хъæбысхæсты скъолайы хъомылгæнинаг Брытъиаты Алинæ. Уымæн ахæм æнтыст йæ къухты бафтыд 61 кг уæзы категорийы.
Футбол
Дзæуджыхъæуы футболон командæ «Алани»-йы тренерон штаб командæйæн радта иу мæй æмæ æрдæг улæфт. Фæлæ уыцы рæстæджы хъазджытæ райстой индивидуалон куысты план. Командæ тренировкæтæм æрæвналдзæн 13 январы. Азы райдианы футболисттæ Мæскуыйы рацæудзысты бæстон медицинон басгæрст. Уый фæстæ атæхдзысты Туркмæ. Развæлгъау планмæ гæсгæ командæ 15-æм январæй 3-æм мартмæ цæттæгæнæн сбортæ рацæудзæн горæт Белекы.
Хуриты Батрадз
