Республикæ Хуссар Ирыстоны Россотрудничествойы минæварады цур зонад æмæ культурæйы уæрæсейаг центры ауагъд æрцыд «Æвзарджыты клуб»-ы рабадт Уæрæсейы Федерацийы Паддзахадон Думæмæ æвзæрстыты цытæн, кæцытæ уагъд цæудзысты 18 сентябры.
Мадзалы хайад райстой РХИ-йы уæрæсейаг æмфыдыбæстæйонты æхсæнадон организацийы сæрдар Сергей Липин, «Уæрæсейаг æмбæстæгты цæдис»-ы уæрæсейаг æмфыдыбæстæйонты æхсæнадон организацийы сæрдары хæдивæг Лиана Тишина, Паддзахадон радиостанц «Ир»-ы директор Цхуырбаты Алан, Хуссар Ирыстоны уырыссаг æвзаг æмæ литературæйы ахуыргæнджыты ассоциацийы президент Тедеты Заирæ, дунеон форум «Уæрæсеимæ иумæ»-йы хайадисæг Пухаты Нино, парти «Иууон Ирыстон»-ы фæсивæдон секторы сæрдары хæдивææг Бежанты Æхсар, Уæрæсейы минæварады уы-наффæгæнæг Сергей Манько, Уæрæсейы минæварады консулон хайады сæргълæууæг Цидаты Сослан, Россотрудничествойы минæварады къухдариуæггæнæг Михаил Степанов, РХИ-йы уæрæсейаг æмфыдыбæстæйонты Координацион советы уæнгтæ, уæрæсейаг æмфыдыбæстæйонтæ, уырыссаг æвзаг æмæ литературæйы ахуыргæнджытæ, Хуссар Ирыстоны паддзахадон университеты студенттæ.
Мадзал байгом кодта РХИ-йы Россотрудничествойы минæварады къухдариуæггæнæг Михаил Степанов, кæцы æрæмбырдуæвджытæн радзырдта «Æвзарджыты клуб»-ы архайды тыххæй æмæ банысан кодта 2016 азы æвзæрстыты компанийы тыххæй бынæтты цæрджыты зонгæ кæныны фæдыл клубы уæнгты бæрзонд активондзинад. Райгондæй сæмбæлдысты РХИ-йы Президент Тыбылты Леониды сæргълæудæй хуссарирыстойнаг делегацийы æмæ дунеон форум «Уæрæсеимæ иумæ»-йы уæрæсейаг æмфыдыбæстæйонты фæсивæдон хайады уæнгты хайадистыл.
Уæрæсейы минæварады консулон хайады сæргълæууæг Цидаты Сослан æрæмбырдуæвджытæн фехъусын кодта, Уæрæсейы Федерацийы территорийæн æддейæ æвзарæн фадгуыты хъæлæс дæттын сорганизаци кæныны фæдыл ахсджиаг домæнты тыххæй, радзырдта æвзарæн къамисты архайды æргомдзинады тыххæй.
Стыр цымыдис равзæрын кодта Уæрæсейы минæварады уынаффæгæнæг Сергей Манькойы доклад Читайы 43-æм æвзарæн зылды депутатты тыххæй, кæцытæн хъæлæс дæтдзысты Хуссар Ирыстоны территорийыл цæрæг уæрæсейаг æмбæстæгтæ.
Рабадты фæлгæтты уæрæсейаг дипломатон миссийы кусджытæ дзуапп радтой æвзарджыты бирæнымæц фарстытæн, радзырдтой, республикæйы план чи цæуынц, уыцы æндæр мадзæлтты тыххæй, кæцытæ организаци цæуынц Уæрæсейы инициативæ-мæ гæсгæ, цымыдисон ныхас рауад, уæрæсейаг æмфыдыбæстæйонтæ цы бæстæты цæрынц, уым сæ уавæры тыххæй.
Æрæмбырдуæвджыты хъуыдымæ гæсгæ Республикæ Хуссар Ирыстоны æдзух цæрæг уæрæсейаг æмбæстæгтæ æмæ уæрæсейаг æмфыдыбæстæйонтæ æххæстæй баконд æрцыдысты уæрæсейаг æхсæнадон-политикон, социалон æмæ культурон процесстæм. Активон куыст цæуы Хуссар Ирыстоны цæрæг уæрæсейаг æмбæстæгты 2016 азы 18 сентябры æвзæрстытæм сорганизаци кæныны фæдыл. Традицион æгъдауæй Хуссар Ирыстоны æвзарджытæ активонæй хайад фæисынц æв-зæрстыты. VII сæвзæрст Паддзахадон Думæйы депутаттæ æвзарын у ахсджиаг политикон мадзал æмæ «Æвзарджыты клуб»-ы архайд ахъаз кæны сæ ауадзыны цæрджыты активондзинадæн.
Зонад æмæ культурæйы уæрæсейаг центры уазджытæ ма базонгæ сты, ам цы фото-равдыст уыдис «Уæрæсейаг Парламент», зæгъгæ, уыимæ.
Республикæ Хуссар Ирыстоны
информацион портал
Comments are closed, but trackbacks and pingbacks are open.