Уæрæсе æмæ Хуссар Ирыстоны хицауадтæ дарддæр дæр кусынц экономикон фарстаты фæдыл бадзырдты реализацийыл.

16-æм октябры Мæскуыйы кусæгон балцы уыдысты РХИ-йы Экономикон райрæзты министр Кокойты Геннади, йæ хæдивæг Тадтаты Дзамболат, нефтепродукты департаменты директоры хæдивæг Витали Юлусов æмæ балансты хайады хистæр Евгени Бочков.

Мæскуыйы Хуссар Ирыстоны делегацийыл фембæлд Уæрæсейы энергетикæйы министры хæдивæг Павел Сорокин. Уыдон æрдзырдтой энергетикон фадыджы æмгуыстадыл, сæрмагондæй та æртаджы продукты гъæд æмæ бæрцуаты фарстаты фæдыл. Афтæ ма сфидар кодтой 2019 азы æнæфиддон нефтепродукцийы бæрцуат дæр. Куыд зонæм, афтæмæй ацы аз æнæфиддон товарты номхыгъдмæ бахаудта æрдзон газ дæр. Уымæ гæсгæ РХИ-йы Экономикон  райрæзты министр йæ уæрæсейаг коллегæтимæ къухтæ æрфыстой 2019 азæн æнæфиддонон нефтепродукттæ æрвитыны фæдыл суагъæйыл.

Экономикон райрæзты министрады пресс-службæйы куыд зæгъынц, афтæмæй Павел Сорокин стыр аргъ кæны дыууæ фарсы æмгуыстады æмвæзадæн. Йæ хъуыдымæ гæсгæ, уæрæсейаг специалисттæ, сæ ирон коллегæтимæ цы организацион документацийыл бакусынц, уыдон æрвыл хатт дæр вæййынц нысанмæздæхт.

Æрдзон газы фæдыл цы организацион фарстатæ æмæ техникон документацийыл куыст æрцыд, уыцы комплексон гæххæтмæ гæсгæ ныр æрдзон газ дæр ссис æнæфиддон. Уый ахъаз уыдзæн республикæйы газифтонгадæн, ратдзæн хорз фæстиуæг экономикæ, социалон фадыг райтынг кæнынæн, афтæ ма фæхуыздæр уыдзæн республикæйы инвестицион уавæр дæр.

Уазæгты М.

Ацы æрмæджытæ дæр бакæс:

Æртæ боны куыстæн сарæзтой фæстиуджытæ 2018 АЗ. ЦÆМÆЙ ЙÆ БАДАРДЗЫСТÆМ НÆ ЗÆРДЫЛ? БИБЫЛТЫ Анатоли: «Ныфс мæ ис, æввахс азтæн цы плæнттæ æмæ хæстæ снысан кодтам, уыдон иууылдæр æххæст кæй æрцæудзысты» Боны фæткы – 2018-2019 азтæн Инвестпрограммæйы реализаци кæныны фарстытæ Default ThumbnailХуссар Ирыстон рæзын кæны йæ инвестицион хъомыс

Comments are closed, but trackbacks and pingbacks are open.