Политолог Санахъоты Инал:

— Республикæ Хуссар Ирыстоны Президент æмæ Уæрæсейы Федерацийы Президентæн фембæлд уыдис, уый уыд ахсджиаг æмæ йын, мæнмæ гæсгæ, уыдис иттæг ахсджиаг геополитикон, стратегион æмæ æфсæддон-политикон нысаниуæг. Фембæлд аиуварс кодта, дыууæ бæстæйы президенттæн раздæр чи хъуамæ уыдаид, уыцы фембæлды фæдыл хуссарирыстойнаг æхсæнады æхсæн фæзынæг скепсисы. Фæлæ уæддæр уыдис æмæ зынгæ оптимизм æмæ ныфс бахаста позитивон зæрдæйыуагмæ, Хуссар Ирыстон æмæ Уæрæсейы Федерацийы ’хсæн дыууæфарсон ахастыты позитивон рæзт-мæ.

Иумæйагæй сисгæйæ, паддзахадты сæргълæуджыты фембæлдтытæн ис иттæг стыр поли-тикон æмæ стыр историон нысаниуæг, иугæр фембæлдтыты скъуыддзаг цыдысты глобалон историон, стратегион фарстатæ. Дыууæ бæстæйы ’хсæн кæй æнкъардæуы кæрæдзимæ алыварсонæй æввахс кæныны, максималон интеграцийы политикæ, ууыл дзурæг дæр у фембæлд. Æмæ æппæт уыцы процесстæ та цæуынц иумæйаг интересты бындурыл. Нæ ситуацийы дзурæн ис дыууæ фарсы интересты иумæйагдзинадыл æмæ ма иттæг ахсджиаг культурон-цивилизацион ориентиртыл дæр, кæцытæ бæттынц Уæрæсейы Федераци æмæ Хуссар Ирыстоны. Уыцы ориентиртæ, хауынц ахæм ахсджиаг æргъадтæм, куыд чырыстонад, этникон æнгæсдзинæдтæ, иумæйаг культурон-цивилизацион системæйы арæзтад, кæцыты тыххæй ныртæккæ дзурынц эксперттæ. Уыдæттæ та дзурæг сты, нæ ахастытæ Уæрæсейы Федерациимæ бындуронæй кæй рæзынц: æфсæддон-политикон æмæ культурон-цивилизацион фæдыздæхтыты.

Фæстаг аспектæн ис нысаниуæгджындæр бындур. Уый, цыма æндон кæны æмахастыты æфсæддон-политикон аспектты, кæцытæ гæнæн ис ивой, конъюнктурæ куыд ива, афтæ. Культурон-цивилизацион аспектæн ис бирæ-рæстæгон характер. Нæ ивы практикон æгъдауæй Уæрæсеимæ нæ æмахастыты æппæт исто-ри дæр. Цахæмфæнды катаклизмтæ ма цæуой нæ адæмты, нæ паддзахадты историйы, уæд-дæр Хуссар Ирыстон æмæ Уæрæсейæн характерон у æмцæдисад æмæ интеграцимæ, кæрæ-дзимæ æввахсдæр лæууынмæ тырнындзинад.

Махæн нæ зæрдыл хорз лæууы, Уæрæсейыл-иу иууыл уæззаудæр историон замантæ куы ныккодта æмæ-иу дзы йе ’мцæдисонтæ сæхи куы иуварс кодтой, уæд-иу Хуссар Ирыстон, Ирыстон æгасæйдæр та кæддæриддæр æнувыд кæй уыд йæ æмцæдисон хæстыл æмæ бадзырдтытыл. Уымæн æмæ Уæрæсеимæ нæ ахастытæ кæддæриддæр арæзт цыдысты æрмæст æфсæддон-политикон æгъдауæй нæ, фæлæ культурон-цивилизацион æгъдауæй дæр. Дыууæ бæстæйы Президентты ныры фембæлдыл дзургæйæ, ацы аспекттæ ноджыдæр бафидаргонд æрцыдысты. Ноджыдæр бæлвырд æрцыд, Уæрæсе æмæ Хуссар Ирыстоны ’хсæн ахастытæ фидар стабилон кæй сты, цавæрдæр конъюнктурæмæ гæсгæ кæй нæ ивынц æмæ сын кæй нæй альтернативæтæ.

Хуссар Ирыстоны адæмæн ахсджиаг у уый фехъусын æмæ бамбарын, ныры рæстæджы, дунеон-политикон æмæ регионалон-политикон ситуаци тынг тагъд кæй ивынц уый зынгæ тасдзинæдтæ æвзæрын кæны Уæрæсейы æмæ Хуссар Ирыстоны адæмты æдасдзинадæн дæр. Ахсджиаг у, фембæлд ноджыдæр кæй фенын кодта, дунейы æмæ регионалон политикæйы æмвæзады ситуаци куыдфæнды ма ива, уæддæр нæ ахастытæ Уæрæсеимæ нæ фæивдзысты. Мах дæр æмæ Уæрæсе дæр кæддæриддæр æнувыд уыдзыстæм кæрæдзийыл политикон æмæ культурон-цивилизацион къабæзты.

Афтæ, æмæ дыууæ Президенты фембæлды фæстæ мах ноджыдæр райстам Уæрæсейæ æдасдзинады гарантитæ. Æмæ уый та ахсджиаг хъуыддаг у нæ бæстæйы цæрджытæн.

Президенты Администрацийы информацион-аналитикон управленийы къухдариуæггæнæг Уазæгты Юри.

Украинæйы цаутæ равзæрын кодтой серьезон геополитикон ивындзинæдтæ, кæцытæ анхъæвзтой Хуссар Кавказы регионтæм дæр. Уымæ гæсгæ, уæрæсейаг-хуссарирыстойнаг æмахастытæ сты актуалон, фыццаджы фыццаг Хуссар Ирыстоны æдасдзинад сифтонг кæныны аспекты.

Сæвзæргæ уавæрæй экономикон дивидендтæ райсыны тыххæй кæд Гуырдзыстоны официалон хицауиуæгад прагматикон курсы фарс хæцы, уæддæр гуырдзиаг æхсæнады активондæр кæнынц радикалон тыхтæ.

Ивгъуыд азы дæргъы бæрæгæй зынд гуырдзиаг æхсæнады реваншистон зæрдæйыуаджы рæзт. Ис, уавæрыл чи æндавынц, ахæм политикон тыхтæ, кæцытæ тырнынц, цæмæй сæ къухы бафта Гуырдзыстон æмæ Уæрæсейы ’хсæн æндыгъддзинады эскалаци, уыцы нымæцы Хуссар Ирыстон æмæ Абхазимæ арæнтыл провокацитæ организаци кæныны руаджы.

Абоны бон ис ахæм тасдзинæдтæ, кæцыты банысан кодтой уæрæсейаг дипломаттæ дæр официалон комментариты. Сæвзæргæ æддагполитикон уавæры Хуссар Ирыстон æмæ Уæрæсейы президентты фембæлдæн ис сæрмагонд нысаниуæг.

Хуссар Ирыстонимæ ахастыты рæзты фарстатæ раздæрау сты приоритетон Уæрæсейы Федерацийы къухдариуæгадæн. Уымæ гæсгæ уæрæсейаг-хуссарирыстойнаг æмахастытæ дарддæр дæр рæздзысты, Хуссар Ирыстоны разылæугæ проблемæтæ æмæ хæстæ скъуыддзаг кæныныл ориентаци кæнгæйæ.

Традиционæй ахæм фембæлдтыты фæдзурынц Инвестпрограммæйы фарстатыл, кæцытæ здæхт сты Хуссар Ирыстоны пырх хæдзарады сæндидзын кæнынмæ, инфраструктурæ саразынмæ, экономикæ æмæ æнæниздзинад хъахъхъæныны фадыджы рæзтмæ. Бæлвырддæрæй та акцент æвæрд цæуы Хуссар Ирыстонæн серьезон нысаниуæгджын фарстатыл. Уыдон ахъаз сты республикæйы царды æмвæзад фæбæрзонддæр кæнынæн. Дзырд цæуы æндидзынадæй экономикæйы рæзты процессмæ рахизыныл.

Раздæры бадзырдтæ здæхт сты ацы проблемæ аскъуыддзаг кæнынмæ, фыццаг рады уый хауы Хуссар Ирыстоны социалон-экономикон рæзтæн ахъазгæнæг программæмæ. Уыцы программæ Хуссар Ирыстонæн тынг ахсджиаг у, уымæн æмæ дзырд цæуы экономикæйы реалон секторыл, ног кусæгон бынæтты рæзтыл. Мах ныфс ис, бæрзонд æмвæзадыл фембæлд феххуыс уыдзæн уæвæг проблемæтæ оперативондæрæй аскъуыддзаг кæнынæн.

Comments are closed, but trackbacks and pingbacks are open.