Цхинвалы Театралон фæзуаты РХИ-йы хъахъхъæнынады министры хæстæ æххæсгæнæг инæлар-лейтенант Гассеты Ибрагимы къухдариуæгадæй уагъд æрцыд Стыр Уæлахизы 73 азы бæрæгбоны цытæн æфсæддон парады репетици.

Репетицийы хайад райстой Донецкы уæлдæр иумæйагæфсæддон командон ахуыргæнæндоны курсанттæ. Донецкаг æфсæддон службæгæнджытæ ацы аз фыццаг хатт хайад райсдзысты 9 майы Хуссар Ирыстоны сæйраг горæты æфсæддон парады. Уый тыххæй æмбæлон сразыдзинад къухты бафтыд РХИ-йы Президент, Гарзджын тыхтыл Сæйраг командæгæнæг Бибылты Анатоли æмæ Донецкы Адæмон Республикæйы сæргълæууæг Александр Захарченкоимæ фембæлды рæстæджы, кæцы уыд ацы аз январы Донецкы.

Хуссар Ирыстоны Хъахъхъæнынады министрады парадон расчеттæ та хайад райсдзысты Донецкы Адæмон Республикæйы æфсæддон парады. Хуссарирыстойнаг æфсæддон службæгæнджытæ ныридæгæн æрцыдысты Донецкмæ æмæ знон хайад райстой парады репетицийы.

Цхинвалы сæйраг фæзуаты рæнхъæй рацыдысты Хъахъхъæнынады министрады, Мидхъуыддæгты министрады, РХИ-йы Æдасдзинады комитеты арæнгæрон службæйы æмæ Уæлвæткон уавæрты министрады, УФ-йы Хъахъхъæнынады министрады 4-æм гвардион æфсæддон базæйы тырысахæсджыты къордтæ æмæ парадон расчеттæ, афтæ ма республикæйы тыхон структурæты сылгоймæгты парадон расчеттæ æмæ кадетон скъолайы курсанттæ.

Парады генералон репетицитæ хæстон техникæйы хайадистæй уагъд æрцæудзысты 5 æмæ  7 майы.

Ацы æрмæджытæ дæр бакæс:

Default ThumbnailБæрæгбонон мадзæлттæм цæттæ кæныны фæстиуæгæн горæты цалдæр уынджы æхгæд æрцæудзысты Æфсæддон парады генералон репетици Default ThumbnailХайад райстой Донецкы парады Бибылты Анатоли йæхимæ райста бæрæгбонмæ æрцæуæг делегациты Цæттæ кæнын райдыдтой æфсæддон парадмæ

Comments are closed, but trackbacks and pingbacks are open.