Ныр 15 азы нæ республикæйы уæвынад кæны бастдзинады иунæг оператор компани Мегафон. Рæстæгæй-рæстæгмæ уый фæивы йæ тарифон плантæ, кæцытæ нæ фæцæуынц абонентты зæрдæмæ. Уый тыххæй бирæ хъæстытæ бацæуы цæрджытæй Хицауад æмæ Парламентмæ дæр. Фæлæ…
Ацы бонты дæр та компани Мегафон-Хуссар Ирыстоны пресс-службæ куыд фехъусын кодта, афтæмæй бастдзинады тарифон политикæйы 5-æм октябрæй æрцæудзæн ивындзи-нæдтæ. Архивон тарифты лæггæдты аргъ, дам, абонентæн фæфылдæр уыдзæн дыууæ хатты. Уымæ гæсгæ, дам, компани Мегафон уынаффæ кæны абоненттæн, цæмæй ныридæгæн равзарой фидæны тарифон план. Ацы информаци апарахат интернет хызæджы дæр æмæ цæрджыты ‘хсæн сæвзæрын кодта стыр æнæразыдзинад. Интернеты руаджы адæм ситтысты кæрæдзимæ, цæмæй æрæмбырд уой Мегафоны раз æмæ равдисой се ‘нæразыдзинад. Инициативон къорд та ныффыстой куырдиат æмæ йæ хъавынц тæрхондонмæ бадæттын.
Компани Мегафоны æхсæнадимæ бастдзинады фæдыл специалист Бежанты Заринæ нын ацы цауы фæдыл афтæ радзырдта: «Дæс азы размæ арæзт тарифтæ «Отличный», «Южный», «Универсальный VIP»-æн сæ æргътæ сæвæрдæуыд æндæр экономикон уавæрты, ныр уыдон ахызтысты архив-мæ. Ацы категориты абонентты мобилон оператор систа базарадæй æмæ æрцæудзысты æхгæд. Мах зонæм, ацы хъуыддагæй цæрджытæ райгонд кæй не сты. Уымæ гæсгæ тарифон планты æргътæ фæфылдæр кæнын кæд компани фæстæдæр рæстæгмæ аргъæвта, уæддæр фидæны уымæн æнæрцæугæ нæй. Уымæ гæсгæ, уынаффæ кæнæм абоненттæн ныридæгæн райдайын, цæмæй равзарой, цы тарифон план сæм хуыздæр кæсы, уый».
Comments are closed, but trackbacks and pingbacks are open.