А Р Ф Æ Т Æ

Милицийы сæрмагонд нысаниуæджы къорды цытджын кусджытæ æмæ ветерантæ!

Зæрдæбынæй уын арфæ кæнын Хуссар Ирыстоны Милицийы сæрмагонд нысаниуæджы къорды сырæзтыл 26 азы кæй сæххæст, уый цытæн.

Милицийы сæрмагонд дæлхайы службæ у бæрнджын æмæ тæссаг.

Сымах æрвылбон дæр, уæ цард æмæ уе ‘нæниздзинадыл æнæауæрдгæйæ кусут нæ бæстæйы æмбæстæгты сабырады, уыдоны бартæ хъахъхъæныны сæраппонд. Уæ хъæбатырдзинад, ныфс, удуæлдайдзинадæй сымах уæхицæн скодтат стыр кад.

Милицийы сæрмагонд нысаниуæджы къорд йæ сырæзтæй фæстæмæ равдыста стыр хъæбатырдзинад æмæ Райгуырæн бæстæйæн лæггад кæныныл æнувыддзинад службæйы зын уавæрты.

Ацы бон ма мах хъуамæ æрымысæм, сæ хæс æххæст кæнгæйæ сæ цард чи радта, уыцы æфсæддонты рухс нæмттæ. Уыдон сæ цард радтой сабырцæрæг адæмы æнæниздзинад æмæ хæрзиуæджы сæраппонд. Уыдон никуы ферох уыдзысты сæ раттæг адæмæй. Уыдон се ‘ппæт дæр сты нæ бæстæйы хъайтартæ æмæ патриоттæ.

Ацы нысаниуæгджын боны мæ цæст уарзы Милицийы сæрмагонд нысаниуæджы къорды ветерантæн æмæ кусджытæн æнтыстытæ, фидар æнæниздзинад æмæ хорз амонд!

Республикæ Хуссар Ирыстоны

Хицауады Сæрдар Пухаты Эрик

 

* * *

Зынаргъ ветерантæ, хæстонтæ-интернацио-налисттæ!

Афгайнаг хæсты фыдæвзарæнтыл рацæуæг мингай советон адæймæгты сгуытхдзинад у æнæмæлгæ.  Хæстонтæ-интернационалистты мысæн боны мах фæмысæм фæмардуæвæг хæстонты нæмттæ æмæ фæкад кæнæм не ‘хсæн чи цæры, уыцы ветерантæн.

Сымах стут Стыр Фыдыбæстæйон хæсты салдатты кад æмæ хъайтарон традициты аккаг дарддæргæнджытæ. Хæстонтæ – «афгайнæгтæ» баззадысты сæ Райгуырæн бæстæйы патриоттæй, æхсæнадон царды активонæй хайад исгæйæ, фæсивæды монон-хæрзæгъдаудзинады хъомыладыл аудгæйæ, æмслужбæгæнджытæн æххуыс кæнгæйæ.

Мах тæрндзыстæм алцы дæр саразынмæ, цæмæй хæстонтæ-интернационалистты сгуыхтдзинæдтæ сæ зæрдыл дарой фидæны фæлтæртæ.

Фæмардуæвджыты ном сæфт макуы уæд!

Локалон хæстыты æппæт ветерантæн мæ зæрдæ зæгъы æнæниздзинад æмæ дидинæф-тыд!

Республикæ Хуссар Ирыстоны

Хицауады Сæрдар Пухаты Эрик

 

* * *

Республикæ Хуссар Ирыстоны Хицауады Сæрдар Пухаты Эрик арфæйы фыстæг арвыста Уæрæсейы Зонæдты Академийы Дзæуджыхъæуы зонадон центры директор Къусраты Анатолимæ йæ гуырæн боны цытæн.

Арфæйы фыстæджы дзырдæуы:

«Цытджын Анатоли Георгийы фырт!

Айс мын мæ иууыл зæрдиагдæр арфæтæ дæ гуырæн боны цытæн!

Дæ царды æмæ профессионалон фæндагæн ис стыр кад. Курдиатджын ахуыргонд, педагог, Райгуырæн бæстæйы патриот, ды стыр хай бавæрдтай æрмæст фыдыбæстæйон зонадмæ нæ, фæлæ РХИ-йы æмæ РЦИ-Аланийы ‘хсæн æмгуыстад сæндидзын кæнын зонад æмæ ахуырады фадыджы дæр.

Йæ рæстæджы РХИ-йы Ахуырад æмæ зонады министр уæвгæйæ, ды стыр импульс радтай хæсты фæстæ ахуырады сиcтемæ райрæзыны хъуыддагæн. Ды арф кæй æнкъардтай ахуырады проблемæтæ, дæ эрудици, къухдариуæггæнæджы курдиат æмæ бæрнæнкъарæг кæй уыдтæ, уыдон дын иууылдæр скодтой стыр кад нæ республикæйы æхсæнады.

Дæ райгуырæн боны дын мæ цæст уарзы фидар æнæниздзинад, æвидигæ энерги, зонады ног æнтыстытæ æмæ бинонты амонд».

Республикæ Хуссар Ирыстоны

Хицауады Сæрдар Пухаты Эрик

 

* * *

Милицийы сæрмагонд нысаниуæджы къорды цытджын хæстонтæ!

Республикæ Хуссар Ирыстоны Парламенты æмæ уын сæрмагондæй мæхи номæй зæрдæбын арфæ кæнын РХИ-йы Мидхъуыддæгты министрады Милицийы сæрмагонд нысаниуæджы къорды сырæзты боны цытæн.

Уæ структурæйы сæйраг хæс у æмбæстæгты конституцион бартæ æмæ сæрибардзинад хъахъхъæнын, фыдракæндты ныхмæ тох кæнын, æхсæнады барадон фæтк æмæ æдасдзинад сифтонг кæнын. Ацы вазыгджын, фæлæ бæрнон хæстæ сæххæст кæнын сæ бон у æрмæстдæр æцæг профессионалтæн, раст æмæ хъæбатыр адæймæгтæн, кæцытæ сæ цард снывонд кодтой сæ адæмы æмæ Фыдыбæстæйæн лæггад кæныны тыххæй. Гуырдзиаг-ирон ныхмæлæуды азты нæ адæмæн уæззау рæстæджыты Милицийы сæрма-гонд нысаниуæджы къорды кусджытæ уыдысты Фыдыбæстæ хъахъхъæнджыты рæнхъыты. Бирæтæ дзы хорзæхджын æрцыдысты паддза-хадон хорзæхтæй сæ равдисгæ æхсардзинад æмæ хъаруйы тыххæй.

Ацы нысаниуæгджын бон зæрдæбынæй арфæ кæнын Милицийы сæрмагонд нысаниуæ-джы къорды æппæт хæстонтæн, мæ зæрдæ сын зæгъы фидар æнæниздзинад, амонд, царды æппæт хæрзиуджытæ æмæ æнтыстытæ сæ вазыгджын куысты нæ республикæйы фæрны-гадæн.

РХИ-Паддзахад Аланийы

Парламенты Сæрдар ГАССИТЫ Петр

 

* * *

Цытджын хæстонтæ-интернационалисттæ!

Абон мах нысан кæнæм хæстонтæ-интернационалистты Мысæн бон, кæцытæ сæ интерна-ционалон хæс æххæст кодтой Фыдыбæстæйæн æддейæ. Советон æфсæддон службæгæнджы-тæй бирæтæ фæмард сты карз тохты быдырты, уыдоны ‘хсæн сты Хуссар Ирыстоны æмбæс-тæгтæ дæр. Советон æфсæддон службæгæн-джытæй фæмард сты дæсгай мин хæстонтæ. Æнусон кад æмæ мысынад уыдонæн! Нæ сæртæй ныллæг кувæм ацы карз хæстыты хайад чи иста, уыдоны раз сæ равдисгæ лæгдзинад, патриотизм,  хъайтардзинад æмæ æнæфæтасгæ фæндондзинады тыххæй. Фæлтæртæ ивынц фæлтæрты, фæлæ хъайтарты æмæ карз хæстыты хайадисæг хæстонты æфсæддон лæггæдты тыххæй мысынад цæрæдзæн æнустæм. Райгуырæн бæстæйы раз хæстонтæ-интернационалистты лæггæдтæ суыдзысты рæзгæ фæлтæры хæрзæгъдау хъомылады аккаг цæвиттон. Ацы бон мæ зæрдæ зæгъы æппæт ветерантæн, хæстонтæ-интернационалисттæн æнæниздзинад, сабырдзинад æмæ стабилондзинады фæндиæгтæ.

РХИ-Паддзахад Аланийы

Парламенты Сæрдар ГАССИТЫ Петр

 

* * *

Гасситы Петр раарфæ кодта Юстицийы ми-нистрады уголовон-æххæстгæнæн системæйы управленийы хистæр инæлар-майор Джыккайты Феликсæн.

Арфæ кæнын дæуæн æмæ Республикæ Хуссар Ирыстоны Юстицийы министрады уголовон-æххæстгæнæн системæйы кусджытæн уæ профессионалон бæрæгбон – Уголовон-æххæстгæнæн системæйы кусæджы боны цытæн.

Сымахыл æвæрд ис стыр бæрн нæ республикæйы закъонæххæстгæнæг адæмы фыдракæндтæ аразæг адæмæй хъахъхъæныны сæраппонд. Зын æмæ лæмбынæг куыст кæнут, цæмæй фыдракæнд саразæг адæймаджы раст фæндагыл слæууын кæнат. Уæ дæсныйады æнæмæгхъæуæг сты, сымах хайджын кæмæй стут, уыцы миниуджытæ – хъæбатырдзинад, ныфсхаст, принципиалондзинад, фидар удыгъæд.

Мæ цæст уын уарзы фидар æнæниздзинад, хæрзиуджытæ æмæ æнтыстытæ уæ куысты Хуссар Ирыстоны хæрзæбонæн!

Республикæ Хуссар Ирыстон-Паддзахад Аланийы Парламенты Сæрдар

Гасситы Петр

 

* * *

2018 азы 15 февралы 29 азы æххæст кæны Афганистанæй Советон хæстонтæ куы рацыдысты ууыл. Уыцы бон расидтæуыд хæстон-интернационалистты мысæн бонæй. Хуссар Ирыстонæй 110 адæймагæй фылдæр хайад райстой Афганистаны цауты.

1979 азы хæстон-афгайнæгтæ цæлхдур æрæвæрдтой радикалон фундаменталисттæ политикон къухдариуæгадмæ тырнгæйæ Евразийы континенты центры дунеон терроризм, наркотиктæ парахат кæнын, политикон хæццæдзинад æрфидар кæнынмæ кæй хъавыдысты, уымæн.

Абон алыгъуызон хæстыты ветерантæ, уыцы нымæцы хæстон-афгайнæгтæ систы по-литиктæ æмæ æхсæнадон архайджытæ. Уыдон исынц ахсджиаг закъæттæ, активон хайад исынц нæ бæстæйы цы цаутæ цæуы, уыдоны.

Республикæ Хуссар Ирыстоны Ветеранты советы президиум арфæ кæны хæстон-интернационалисттæн, хæстон архайдтыты ветерантæн хæстон-интернационалистты мысæн боны цытæн. Зæгъæм сын æнæниздзинады, хъæлдзæгдзинады æмæ сабыр арвы бын царды фæндиæгтæ.

Республикæ Хуссар Ирыстоны

Ветеранты советы президиум