Нæ кæстæр фæлтæрæн сæ цард цæмæй цымыдисон, рæсугъд æмæ хъæлдзæг уа, уый тыххæй сæ хистæртæн, гæнæн уæвгæйæ, æппæт дæр фæаразынц уыдон хæрзиуæгæн. Адæймаг йæ сабидуджы цымыдисонæй цы фены æмæ базоны, уый та цæрæнбонтæм баззайы йæ зæрдæйы. Нæ кæстæртæн та ныртæккæ уавæртæ арæзт цæуынц, цæмæй сæ царды ахæм цымыдисон цаутæ фылдæр уа.
Нæ республикæйы скъолаты ахуыргæнинæгты иу хай 19-æм февралы балцы ацыдысты Цæгат Ирыстонмæ. Балцы сæйраг нысан уыд, циркмæ бацæуын.
Фæстаг рæстæджы нæ республикæмæ кæд æндæр æмæ æндæр рæттæй цирчы артисттæ æрцæуы, уæддæр семæ сырдтæ нæ вæййынц, таможнæйыл сын ракæнæн кæй нæй, уымæ гæсгæ. Фæлæ ныр уыдонæн фадат фæцис æцæг цирк алыгъуызон цæрæгойтæ æмæ сырдтимæ фенынæн.
РХИ-йы Ахуырад æмæ зонады министрады хъомылады æмæ уæлæмхас ахуырады хайады хистæр Джиоты Эльзæ нын куыд загъта, уымæ гæсгæ ацы балц организаци æрцыд нæ республикæйы Президент Тыбылты Леониды хъæппæрисæй.
Уыдон махæн куыд бахæс кодтой, уымæ гæсгæ горæты æмæ районты скъолаты ахуыргæнинæгтæй 100 сывæллоны бæрц арвыстам Дзæуджыхъæумæ. Се ‘хсæн, сæйраджыдæр, уыдысты нæ республикæйы скъола-интернатты ахуыргæнинæгтæ. Фæлæ Ленингоры районы сывæллæттæ не ‘рцыдысты бæрæг аххосæгтæм гæсгæ – радзырдта нын Джиоты Эльзæ.
Ацы балцæй ахуырдзаутæ райгондæй баззадысты æмæ Ахуырады министрад æмæ ныййарджытæ дæр бузныг зæгъынц нæ республикæйы сæргълæууæгæн.
Туаты Л.
Comments are closed, but trackbacks and pingbacks are open.