Республикæ Хуссар Ирыстоны Фæлхасгæнджыты бартæ хъахъхъæныны æмæ адæймаджы фæрныгады къабазы хъусдарды фæдыл комитет гриппы æмæ карз респираторон вирусон инфекцийы ныхмæ профилактикон æмæ эпидеми ма ‘руадзыны фæдыл мадзæлттæ организаци кæныны тыххæй йæ куыст аразы санитарон-эпидемийы ныхмæ тох кæныны фæдыл архайæг закъондæттынад æмæ «2015-2017 азтæн Республикæ Хуссар Ирыстоны грипп æмæ æндæр карз респираторон вирусон инфекциты профилактикæйы фæдыл мадзæлтты комплексон план»-мæ гæсгæ, кæцы æмразыгонд у РХИ-йы Æнæниздзинад хъахъхъæныны æмæ социалон рæзты министрад æмæ РХИ-йы Ахуырады министрадимæ.
Комитет хосгæнæн-профилактикон уагдæттимæ иумæ æрвылбон дæр уадзы мониторинг, республикæйы территорийыл грипп æмæ карз респираторон вирусон инфекцийæ цас фæрынчын ис, уый фæдыл, анализ арæзт цæуы, ахæм рынчынтæ медицинон уагдæттæм цал бахауд, уымæн.
Ныртæккæйы эпидемиологион ситуаци хынцгæйæ, гриппæй æмæ карз респираторон вирусон инфекцийæ рынчындзинады æмвæзадæн саргъгæнæн ис, куыд сезонон, афтæ.
Регистраци чи ‘рцыдысты, уыцы рынчынты нымæц иууыл фылдæр уыд январы мæйы дыккаг къуырийы. Ныртæккæ эпидемион процессы интенсивондзинад фæкъаддæр. Афтæ, январы фыццаг къуырийы республикæйы регистраци æрцыдысты 230 рынчыны, уыдонæй 76 уыдысты сывæллæттæ, дыккаг къуырийы – 501 рынчыны, уыдонæй 272 – сывæллæттæ, æртыккаг къуырийы – 303 рынчыны, уыдонæй 179 – сывæллæттæ, цыппæрæм къуырийы – 251 рынчыны, уыдонæй 177 – сывæллæттæ. Уæззау формæйы дзы никæмæн уыд.
Сывæллæтты ‘хсæн азы райдианæй иууыл фылдæр фæрынчын сты, дыууæ азы онг кæуыл цыдис, ахæмтæ. Уыдон уыдысты, æдæппæт чи фæрынчын сты, уыцы сывæллæттæн сæ 43 проценты, 3-6 азы кæуыл цæуы, уыдон – 32 проценты æмæ 7-14 азы кæуыл цæуы, уыдонæй та – 25 проценты.
Ивгъуыд азы грипп æмæ карз респираторон вирусон инфекцийæ иууыл фылдæр рынчын кодтой январы кæрон – февралы райдианы. Рынчындзинады бæрæггæнæнтæ ацы аз, ивгъуыд азы уыцы рæстæгимæ абаргæйæ, фæфылдæр 22 проценты æмæ уый гæнæн ис баст уа Республикæ Цæгат Ирыстон-Аланийы ивгъуыд азы декабры цы гриппы эпидеми регистраци æрцыдис, уыимæ, афтæ ма ахæм рынчынты регистраци кæныны фæдыл куыст кæй фæхуыздæр æмæ ма цæрджытæ дæр хæдзары хос кæнынæй дохтыры æххуыс хуыздæ-рыл кæй нымайынц æмæ хосгæнæн-профилактикон уагдæттæм кæй бацæуынц, уыдæттæ дæр.
Куыст цæуы, æрвылбон дæр сывæллæттæ скъоламæ æмæ скъолайы агъоммæ кар уагдæттæм куыд цæуынц, уый фæдыл дæр. Грипп æмæ карз респираторон вирусон инфекцийы аххосæй сывæллæттæн сæ 20 проценты ахуыртæм кæй нæ цыдысты, уый тыххæй ахуыры процесс урæд æрцыд Бихъар æмæ Громы иумиагахуырадон скъолаты 25 январмæ, Къуайсайы горæты æмæ Дзауы поселочы скъолайы агъоммæ кар уагдæтты, Уахтъана æмæ Кировы скъола та – 3 февралмæ.
Цæмæй грипп æмæ карз респираторон вирусон инфекцийæ фæрынчын уæвыны цаутæ къаддæр кæной, уый тыххæй Комитет рекомендаци радта, эпидемийы тыххæй режим республикæйы æппæт хосгæнæн-профилактикон уагдæтты, иумиагахуырадон скъолаты æмæ скъолайы агъоммæ кар уагдæтты бакæнын.
Зымæгон сезон кæй у, грипп æмæ карз респираторон вирусон инфекци парахат кæнынæн хæрзвадат уавæртæ кæй ис, уымæ гæсгæ Комитет амоны, цæмæй хъахъхъæд цæуой профилактикæйы æнæспецификон методтæ, ахæмтæ куыд: рынчыны изоляци æмæ рæстæгыл хосгæнæн-профилактикон уагдонмæ бацæуын; рынчынимæ комкоммæ контакттæй хи хизын; бирæ адæм кæм змæлы, уым маскæтæй пайда кæнын; арæх къухтæ æхсын; хæрзгъæд витаминджын хæлц хæрын.
Гаглойты А. РХИ-йы Фæлхасгæнджыты
бартæ хъахъхъæныны æмæ адæймаджы фæрныгады къабазы
хъусдарды фæдыл комитеты сæрдары хæдивæг
Comments are closed, but trackbacks and pingbacks are open.