15 азы лæггад кæны адæмæн

19-æм июлы «Мегафон-Хуссар Ирыстон»-ыл сæххæст 15 азы. Уый фæдыл Хи-цауады Сæрдар Пухаты Эрик бацыд «Мегафон Хуссар Ирыстон»-ы сæйраг офисмæ.

Уый республикæйы къухдариуæгады номæй бузныг загъта Мегафоны коллективæн, цалдæр кусæджы та схорзæхджын кодта Кады грамотæтæй.

Йæ рæстæджы, нæ республикæйы мобилон бастдзинады фæзынд ахсджиаг хъуыддаг уыд. Абон уæвæн дæр нæй æнæ мобилон бастдзинадæй.

«Мегафон-Хуссар Ирыстон»-ы генералон директор Роман Коврига журналисттæн цыбыртæй радзырдта компанийы архайды тыххæй:

«Æрвылаз дæр «Мегафон-Хуссар Ирыстон»-ы компани республикæйы территорийыл цы æхцайы фæрæзтæ бакусы, уыцы æфтиæгтæй зынгæ бæрц ахынцы республикæйы бюджетмæ, фиддонты хуызы. 2017 азы онг компанийы æф-тиæгтæ фылдæр уыдысты, фæлæ ныртæккæ ис субъективон æмæ объективон фактортæ, кæцытæ бандæвтой компанийы куыстыл. «Уыдонæй иу баст уыд онимайзертимæ, кæцытæ æнæкон-тролæй лимиттæ лæвæрдтой. Дыккаг аххосаг та Хуссар Ирыстоны тыгъдады цы дыккаг оператор фæзынд «Юг-Те-леком», зæгъгæ, уый архайдимæ. Дыккаг операторы фæзындимæ нæ абоненттæ къаддæр кæнын райдыдтой, уыдоны интернет лæггæдтæм ахызтысты нæ горæты цæрд-жытæй бирæтæ. Фæлæ “Мегафон-Хуссар Ирыстон”-æн ис йæхи пълæнттæ. Арха-йæм, цæмæй уадзæм ног тарифтæ, кæцытæм цымыдис кæндзысты нæ абоненттæ. Махæн ахсджиагдæр у интернет тыгъдад, ITE технологитæ сты алыгъуызон æмæ уымæ гæсгæ ацы фадыджы чи кусы, уыдон пайда кæнынц уыцы бастдзинадæй».

Уый ма куыд загъта, афтæмæй æрæджы та абоненты хæрзиуæгæн бакуыстой 5 тарифон планыл 350 сомæй 2,500 сомы онг. Уыдон сты S, V, I, XI, XXI. Мах, дам, регуляронæй уынаффæ кæнæм нæ уæрæсейаг коллегæтимæ, цæмæй интернет æмæ мобилон бастдзинады лæггæдты фæдыл тарифон опцитæ æмæ лæггæдты гъæд уой нырыккон æмвæзадыл. Кæй зæгъын æй хъæуы, мах хынцæм, цæрджытæн сæ бон стыр æргътæ фидын кæй нæу, уый дæр. Ацы фарст аскъуыддзаг кæнынмæ, зæгъ-гæ, здæхт сты махæн нæ архайдтытæ.

Цы тарифон пълæнттæ райстой, уыдон хорздзинад цæй мидæг ис, ууыл æрдзырдта Роман Коврига.  «Тарифон плæнтты таблицæ S, кæцыйы аргъ уыдзæн 350 сомы абонентæн фадат дæтты 150 минут æнæаргъæй ныхас кæнын «Мегафон-Хуссар Ирыстон»-ы хызæджы æмæ æрдæг гигабайт та лæвæрд цæудзæн интернеты. М  паке-тæй чи пайда кæна, уыцы абонентæн та лæвæрд цæуы S пакетæй пайдагæнджытæй 50 минуты фылдæр, уыцы ны-мæцы цæгат Кавказы Мегафонмæ дæр. Ацы тарифон пълæнттæ архайдзысты, цы регионы цæрут, æрмæстдæр уым. Фæлæ уыимæ иумæ уæ бон уыдзæн æппæт опцитæ дæр баиу кæнын, ома, «Соседние Страны», «Легкое путешествие» æмæ æнд. Тарифон пълæнттæй иууыл зынаргъ-дæр тариф у XXI. Уымæн йæ аргъ у 2500 сомы. Ацы тариф абонентæн лæвар кæны 200 æнæаргъ минуты, 20 гб та интернет-трафик. Тарифон плантæ XI, XXI  сты æнæ-лимитон трафик, WhasApp, Messenger æмæ æндæр популярон пакеттæй пайда цæу-дзæн æнæаргъæй. Тарифты фыццаг абоненттæ систы «Мегафон»-ы кусджытæ сæ-хæдæг», – дзырдта Коврига.

Уый ма загъта, зæгъгæ, ног тарифон плантæм чи ахызт, уыцы 15 абонент лæварæн райстой XI æнæаргъ трафик.

Уый фæстæ «Мегафон-Хуссар Ирыстон»-ы генералон директор йæ кусджытæй цалдæры схорзæджын кодта Кады грамотæтæй.

Нæ уацх.