Цхинвалы завод «Эмальпровод» йӕ раздӕры продукци кӕд рагӕй нал уадзы, уӕддӕр ма дзы цы чысыл коллектив ис, уыдон æвдæлонæй нæ барынц, фӕлӕ архайынц, ныры рӕстӕджы цӕрджыты тынгдӕр цы продукци фӕхъӕуы, уый рауадзыныл. Ӕмӕ кӕд хатт зындзинӕдтыл дӕр фембӕлынц, уӕддӕр сӕ ныфс нӕ сӕтты, ӕмӕ кусынц фӕлхасгӕнджыты домӕнтӕ ӕххӕст кӕныныл. Куыстуат цы продукци уадзы, уыдонӕн сӕ гъӕд у тынг хорз ӕмӕ йӕ уымӕ гӕсгӕ фӕагурынц зӕрдиагӕй. Завод ивгъуыд аз цы продукци рауагъта, уый иууыл иумӕ уыд 9 248, 3 мин сомы аргъ. Зындгонд куыд у, афтӕмӕй завод уадзы профнастил ӕмӕ урс ахорӕн. Профнастил хъӕуы бӕстыхӕйтты уӕлхӕдзӕрттӕ ӕмӕ ӕндӕр ахӕмтӕ агъуындынӕн, ахорӕн дӕр фӕхъӕуы цалцӕггӕнӕн-арӕзтадон куыстытӕ ӕххӕст кӕнынӕн.

Ацӕугӕ азы профнастилы продукци рауагътой 28 360 квадратон метры ӕмӕ ахорӕн та 2 942 килограммы. Зӕгъын хъӕуы, кӕй не сты тынг зынаргъ дӕр, ома профнастилы квадратон метры аргъ у 352 сомы ӕмӕ ахорӕны килограмм та лӕууы 59 сомы. Цӕмӕй ӕмбӕстӕгтӕ ӕмӕ хицӕн заказгӕнджыты домӕнтӕ ӕнӕкъуылымпыйӕ ӕххӕст цӕуой, уый тыххӕй ахорӕн 5 литруат мигӕнӕны уӕй кӕнынц Вокзалгӕрон уынг ӕмӕ Джиоты Аланы проспектты дыууӕ магазины.

Хуыбиаты Никъала

Ацы æрмæджытæ дæр бакæс:

Default ThumbnailНафийы фæстаг «балц» Default Thumbnail«Хурзӕрин» – 95/ Куыд райдыдтон кусын газет«Советон Ирыстон»-ы («Хурзæрин»-ы) редакцийы Default ThumbnailРеспубликæ Хуссар Ирыстоны Парламенты Уынаффæ Default ThumbnailАдæмон сфæлдыстад «Алгъуызы» иу тæлмацы тыххæй, кæнæ куыд фæзынынц историон мифтæ æмæ мæнг халдихтæ

Comments are closed, but trackbacks and pingbacks are open.