Nog adres

Адæм, кæрæдзи уарзгæйæ цæрут!

Хуссар Ирыстоны Алайнаг Епархийы аргъуантæм хъусдарæг фыд Иаков Республикæйы Президент Тыбылты Леонидæн балæвар кодта Сыгъдæг Георгийы хæстон уарт

IMG_1609.JPGФыд Иаков Президент Тыбылты Леонидæн йæ гуырæн боны цытæн Епархийы номæй лæвар бакæнгæйæ банысан кодта, зæгъгæ, Георги Уæлахиздзауы фæлгондз кæддæриддæр уыд æнæбасæтгæ ныфсы символ æмæ фыдбылызтæ æмæ тыхбахастытæй хъахъхъæнæг, фæндаджы бардуаг.
«Уаз Георги у, чырыстон Аргъуанты Сыгъдæджытæй иууыл фылдæр кæмæн цыт кæнынц, ахæм. Уадз, æмæ бинонты ’хсæн, куысты æмæ дæ зæрдæйы дæр уый алы хатт дæр арфæ кæна дæ хорз хъуыддæгтæн, Райгуырæн къуымы размæцыд æмæ æндидзын кæныны сæраппонд. Ирон адæм кæддæриддæр уыдысты раст уырнынадыл хæст æмæ æууæндыдысты сыгъдæджытыл, кæцытæ сæ ирвæзын кодтой æмæ сын хъахъхъæнæг уыдысты æнусты дæргъы», — загъта фыд Иаков.
Уаз кусæгимæ фембæлды рæстæджы Тыбылты Леонид банысан кодта æх-сæнадон дихдзинæдты сæрты ахизынæн ахъазгæнæг æмæ адæмы хæрзнамысон бындуртæ фидаргæнæг, иугæнæг тых.

Арфæтæ гуырæн боны сæраппонд

img_4572.jpgРеспубликæ Хуссар Ирыстоны Президент Тыбылты Леонидæн йæ райгуырæн боны цытæн раарфæ кодтой:

Уæрæсейы Федерацийы Президент Владимир Путин
Цытджын Леонид Харитоны фырт!
Айс мæ зæрдиаг арфæтæ дæ райгуырæн боны цытæн. Мæ зæрдæ дын зæгъы фидар æнæниздзинад, амонд, хæрзиуджытæ æмæ æнтыстытæ дæ паддзахадон архайды.
Ныфс мæ ис нæ дарддæры иумæйаг æнтыстджын куыстæй Уæрæсе æмæ Хуссар Ирыстоны æхсæн хæларадон ахастытæ фидар кæныны сæраппонд.

Уæрæсейы Федерацийы Хицауады Сæрдар Дмитри Медведев
Цытджын Леонид Харитоны фырт!
Уæрæсейы Федерацийы Хицауад æмæ мæхи номæй дын арфæ кæнын дæ райгуырæн боны цытæн!

Арфæтæ театры дунеон боны сæраппонд

Президент Тыбылты Леониды арфæ
Хетæгкаты Къостайы номыл паддзахадон драмон театры коллективæн

3333.jpgТеатралон аивады цытджын архайджытæ! Зынаргъ æмбæлттæ!
Айсут мæ иууыл зæрдиагдæр арфæтæ уæ диссаджы бæрæгбон — Театры дунеон боны цытæн.
Театрæн стыр нысаниуæг ис кæцыфæнды адæмы царды дæр, уымæн æмæ æрмæстдæр театр дзаг кæны нæ цард ирд ахорæнтæ æмæ æвæрццаг æнкъарæнтæй, адæмы хайджын кæны аивдзинады дунейæ.
Хуссар Ирыстоны театралон аивады архайджытæ сæ æвæллайгæ куысты руаджы кæддæриддæр хастой сæ уæзгæ хайбавæрд нæ адæмы традицитæ æмæ хæрзнамысон хæзнатæ биноныг кæнынмæ. Æмæ абон сымах, театры кусджыты ныртæккæйы фæлтæр, кæд бирæ зындзинæдтыл æмбæлут æмæ уын кусынæн нæй æмбæлон уавæртæ, уæддæр аккагæй дарддæр кæнут уæ цытджын традицитæ.

Ленингоры район: Æндидзынад æмæ проблемæтæ

leningor.JPGИрыстоны рæсугъддæр районтæй иу у — Ленингоры район. Æмæ хъуыстгонд канд йæ рæсугъд æрдзæй нæу. Иунæг хатт уæддæр Ленингоры уазæгуаты чи вæййы, уый æнæрахатгæ нæ фæвæййы, амы цæрæг адæмæй цы фарн цæуы: æнахуыр уазæгуарзон, хæларзæрдæ. Семæ ныхас кæнынæй лæг æхцондзинад æнæрайсгæ нæ фæуыдзæнис. О, фæлæ район бирæ азты уыд проблемон. Уымæн æмæ районы иу хай 1990 азæй 2008 азмæ уыд Гуырдзыстоны юрисдикцийы бын. Кæй зæгъын æй хъæуы, уый тынг фæзынд районы хъæутыл. Районы ирон цæрджытæн сæ фылдæр фæлыгъдысты хуыздæр цардагур, канд Цæгат Ирыстонмæ нæ, фæлæ ма Уæрæсейы алы къуымтæм дæр. Ацы районы цы гуырдзиаг цæрджытæ цард, уыдон та сæ ных скодтой Гуырдзыстоны ’рдæм.

Уынаффæ кодтой Хуссар Ирыстоны Олимпион комитет саразыны фарстытыл

Sportsmeni.JPGРХИ-йы Президент Тыбылты Леонид йæхимæ райста Уæрæсейы Федерацийы Олимпион комитеты статс-нымæрдар Андрей Конокотин, уæгъдибар хъæбысхæстæй УФ-йы æмбырдгонд командæйы сæйраг тренер Тедеты Дзамболат, Республикæ Абхазы вице-президент Витали Габния æмæ Физикон культурæ æмæ спорты фæдыл Республикæ Абхазы паддзахадон комитеты сæрдар Баграт Хутабайы.
Фембæлды нысан уыд Хуссар Ирыстоны Олимпион комитет саразыны фарстытыл æруынаффæ кæнын, кæцыйы тыххæй раздæр фехъусын кодта хуссарирыстойнаг паддзахады сæргълæууæг.
Фембæлды райдианы Тыбылты Леонид зæрдæбын арфæтæ ракодта республикæйы уазджытæн æмæ банысан кодта, зæгъгæ, ацы фембæлд ноджыдæр бафидар кодта фембæлды бæстæты-хайадисджыты ’хсæн фидар æмæ хæларадон ахастытæ кæй ис, уый.

Цæгат Ирыстоны

Ахæм зиу нæм нæма уыд...

0_13c89d_4d76e3ff_orig.jpg
Республикæйы Сæргълæууæджы хæстæ рæстæгмæ æххæстгæнæг Битарты Вячеславы уынаффæйы фыццаг этап царды уагъд æрцыд. 26-æм марты сабаты арæзт æрцыд æппæтреспубликон сабатбоны зиу. Боны дæс сахатæй фæстæмæ горæты уынгты æмызмæлд кодтой адæм. Зиумæ рацыдысты минмæ æввахс адæймаджы: Хицауады уæнгтæ, Парламенты депутаттæ, министрадты кусджытæ, медицинон æмæ ахуырады ведомствотæ, скъоладзаутæ, æхсæнадон организацитæ, хуымæтæг адæм... Дзæуджыхъæуы æфснаинаг фадгуытæ адих кодтой 94 хайыл æмæ алкæцы къорд дæр йæ амынд фадыг æфснайыныл æрлæууыд зæрдиагæй. Зиуы архайдтой фæндзаймæ æввахс техникон иуæджы.

Азæй-азмæ уадзæм гъæдджындæр æмæ фылдæр мадзæлттæ

1293225415_4.jpgКуыд иннæ азты, афтæ ивгъуыд азы дæр Цхинвалы районы культурæйы хайады раз æвæрд уыд бирæ нывæстытæ æмæ хæслæвæрдтæ. Кæй зæгъын æй хъæуы, азæй-азмæ хуыздæр куыст цæуы хъæууон клубты кусджытимæ. Цыдыстæм сæм арæх æмæ сын æххуыс кодтам алыварсонæй дæр, цæмæй рæвдздæр цæуа сæ куыст, цæмæй та рæхджы нæ хъæууон клубтæ сæндидзой æмæ раздæрау скусой, цæмæй та фæсивæд райдайой цæуын культурæйы артдзæстмæ: кафынмæ, зарынмæ. Нырма бирæ зындзинæдтимæ æмбæлæм нæ куысты, фыццаджыдæр, хъæууон клубты бынæттон специалисттæ нæй — иууылдæр горæтæй цæуынц куыстмæ. Бирæ рæстæг бахардз кæнынц фæндæгтыл, уæлдайдæр — зымæджы. Фæлæ уæддæр азæй-азмæ хуыздæр æмæ фылдæр мадзæлттæ уадзæм. Фæсивæд дæр бæрæг фæфылдæр сты. Нæ хъæууон клубты нæ уыд музыкалон инструменттæ, бандæттæ, æмæ бирæ æнæмæнгхъæуæг дзаумæттæ.

Сæ лæггады хай кæнынц чиныгкæсджытæн

DSCF5909.JPGКуыстыл иузæрдион æмæ æнувыд адæймаджы архайд алкæмæ дæр æвзæрын кæны æхсызгондзинад æмæ райгонддзинады æнкъарæнтæ. Ахæмыл банымайын хъæуы республикон библиотекæйы ирон хайады сæргълæууæг Сланты Заирæйы дæр. Уый ныр 25 азы арæхстджын разамынд кæны ацы хайадæн. Чиныгкæсæг дуары къæсæрæй бахызт, зæгъгæ, уæд йæ худгæ цæсгом ноджы бахудæндзастдæр вæййы, райсы йæ цытджын уазæгау æмæ йæ стæй бафæрсы, цахæм аивадон литературæмæ тынгдæр цымыдис кæны, уымæй. Цыбыр рæстæгмæ йын сæххæст кæны йæ домæн æмæ дзы уый дæр тынг фæбузныг вæййы. Сланты чызджы æнæзæрдæхудт фыдæбонæн æрцыд аккаг аргъ æмæ йын 2014 азы лæвæрд æрцыд нæ Республикæйы «Культурæйы сгуыхт кусæджы» кадджын ном.

Уарзон æмæ хæлар сылгоймагæн — аккаг мадзал

DSC05888.JPG25-æм марты нæ горæты скъола-интернаты сывæллæттæ æмæ ахуыргæнджытæ скъолайы директор Тедеты Роландимæ иумæ æнæрхъæцæй æнхъæлмæ кастысты сæ бæрæгбонон мадзалы уазæг поэтессæ Чехойты Оляйы æрбацыдмæ. Скъолайы сывæллæттæ ацы бон уыдысты уæлдай хъæлдзæг æмæ хæрзконд. Æрыгон чызджытæ æмæ лæппутæ тыхстысты сæ мадзалыл æмæ архайдтой ууыл, цæмæй хуыздæр сарæхсой сæ бацæттæгонд номырты. Скъола-интернаты ахуыргæнинæгтæ фыццаг хатт нæ зонгæ кодтой Чехойты Оляимæ, уыдон хорз зонынц сæ уарзон æмæ хæлар сылгоймаджы сфæлдыстад. Сывæллæттæ ма зонынц уый дæр, æмæ сын Чехойты Оля йæ фырт Тедеты Дзамболатимæ иу æмæ дыууæ хатты кæй нæ баххуыс кодтой æмæ сæ арæх, куыд бæрæгбонты, афтæ æндæр бонты дæр кæй райсынц лæвæрттæ, уый. Чехойты Оляйы æххуыстæ æнæхъуаджы не сты ацы скъолайы сывæллæттæн, уый зæрдæ ис ацы æрыгон чызджытæ æмæ лæппутимæ.

Культурæйы кусæджы боны цытæн

25 марты Хуссар Ирыстоны Президент Тыбылты Леонид Культурæйы кусæджы боны цытæн йæхимæ райста ацы фадыджы уагдæтты разамонджытæ æмæ раззагдæр кусджыты. Президент райдианы зæрдæбын арфæ ракодта фембæлдмæ æрбацæуджытæн. Бафæндыд æй, цæмæй цы бинонты ’хсæн цæрынц, уыдон æнæниздзнадæй рухс кæной сæ зæрдæтæ, цы арфæйаг куысты сты, уым та сын сæ адæмы хæрзиуæгæн уа стыр зæрдæрухсгæнæн æнтыстытæ.

25 март — Культурæйы кусæджы бон

Республикæ Хуссар Ирыстоны Президенты арфæ культурæйы фадыджы кусджытæн
Культурæйы цытджын кусджытæ! Зынаргъ æмбæлттæ!
Айсут мæ иууыл зæрдиагдæр арфæтæ уæ профессионалон бæрæгбон — Культурæйы кусæджы боны цытæн.
Ацы бæрæгбон баст у, нæ адæмы монон хъæздыгдзинад, традицитæ, хæрзнамысон хæз-натæ хъахъхъæнын æмæ сæ фидæны фæлтæртæм адæттыны бæрнджын æмæ цытджын хæс кæмæ æрхауд, уыцы адæмимæ. Уæ профессионалондзинад æмæ арæхсты фæрцы нæ бæстæйы цæрджытæ сæ цард æрвитынц цымыдисонæй, æцæг æхцондзинад исынц культурæйы рæсугъд дунейæ.

Хуссар Ирыстоны Парламенты Сæрдар Бибылты Анатолийы арфæ Культурæйы фадыджы кусджытæн

Культурæйы цытджын кусджытæ! Зынаргъ æмбæлттæ!
Айсут мæ иууыл зæрдиагдæр арфæтæ уæ профессионалон бæрæгбон — Культурæйы кусæджы боны цытæн.
Культурæ у, æхсæнады уæрæх фæлтæртæ адæмы традицитæ æмæ æгъдæуттæ кæй фæрцы базонынц, адæймаджы ахастыты ахæм фадыг. Республикæйы культурæйы фадыджы ис бæрзондквалификациджын специалистты стыр къорд. Не сфæлдыстадон коллективтæ æмæ аивады алыгъуызон фæдыздæхтыты ирд минæвæрттæ сты егъау арæхстдзинады хицау, æмæ стыр æнтыстытимæ ном кæнынц нæ адæмон культурæйæн канд Хуссар Ирыстоны нæ, фæлæ республикæйæн æддейæ дæр, уыцы нымæцы размæдзыд бæстæты дæр, æмæ дисы æфтауынц сценæмæкæсджыты. Фæнды мæ банысан кæнын, музейтæ æмæ библиотекæты кусджыты рухстауæн куыст. Уыдон рæстæрдæм æндавынц гоймаджы рæзты хъуыддагыл.
Фидарæй мæ уырны, сымах дарддæр дæр кæй парахат кæндзыстут ирон национ культурæ, æмæ уымæй ахъаз кæй уыдзыстут Республикæйæн хорз ном скæныны хъуыддагæн. Уымæн та абон стыр нысаниуæг ис.

«Чысыл бæстæ гæнæн ис йæхи бахъахъхъæна æрмæстдæр хъомысджын æмцæдисонимæ»

6666666666666.jpg

Журнал «Коммерсантъ Власть»-æн РХИ-йы Президент Тыбылты Леониды интервьюйæ

«Иууон Ирыстон райсдзæн Аланийы ном»

— Ды æрæджы фæндон бахастай, цæмæй Хуссар Ирыстоны ном ивд æрцæуа Аланийæ. Цæмæн? Уый исты хуызы баст у Мæхъæлы Магасы Алайнаг къулдуæрттæ байгом кæнынимæ?

— Зоныс, Мæхъæлы нырма Алайнаг къулдуæрттæ, Магасы та ахæм номимæ фæзуат дæр куынæма уыдысты, уæд дæр нæ адæмы ’хсæн цард нæ бæстæйы ном Аланимæ раивыны идея. Ацы фарст æвæрдтой фыццаг æмæ дыккаг æрсидт Парламенты депутаттæ. Хорз æй хъуыды кæнын, æз дæр, депутат уæвгæйæ, куыстон ацы идея реализаци кæныныл. Нæ æхсæнадон архайджытæй бирæтæ дзырдтой, кæй хъæуы раздæхын, нæ адæм сæ уæвынад цы номимæ райдыдтой, уымæ. Мах стæм ирæттæ, нæ рагфыдæлтæ та — алантæ. Йæ рæстæджы Цæгат Ирыстон йæ номмæ бафтыдта Аланийы ном æмæ мæнмæ афтæ кæсы, мах дæр гæнæн ис афтæ бакæнæм, уæлдайдæр та уымæн æмæ нæ бæллиц у Цæгат Ирыстонимæ баиу уæвын. Æмæ иууон Ирыстон райсид растдæр Аланийы ном — ахæм номимæ нæ фæнды нæхи уынын Уæрæсейы сконды. Мах уынæм, адæм кæй хæцынц Республикæ Хуссар Ирыстон-Аланийы ном райсыны æвварс.

Æрдзырдтой Республикæ Хуссар Ирыстоны Сырх дзуары миссийы проекттыл

РХИ-йы Фæсарæйнаг хъуыддæгты министр Цхуырбаты Къазбулат йæхимæ райста Республикæ Хуссар Ирыстоны Сырх Дзуары Дунеон Комитеты минæварады сæргълæууæг Нальан Антмены. Уый тыххæй фехъусын кодта Республикæ Хуссар Ирыстоны Фæсарæйнаг хъуыддæгты министрады пресс-службæ.
Пресс-службæйы куыд банысан кодтой, афтæмæй фембæлды рæстæджы дзырд цыди, Хуссар Ирыстоны территорийыл Сырх Дзуары миссийы архайдмæ хауæг æппæт фарстытыл дæр, сæрмагондæй та, Сырх Дзуары Дунеон Комитет йæ мандатмæ гæсгæ Хуссар Ирыстоны кæй æххæст кæны, уыцы гуманитарон программæты тыххæй.

Сæйраг хæстæй сæ иу — хъæууон хæдзарады рæзт

Кусынæн бæзгæ уалдзыгон бонтæй пайда кæнгæйæ нæ республикæйы дæлвæз бынæтты æрæвнæлдтой фæззыгæнд культурæтæй тыд хуымтæм хъацæнтæ бахæссынмæ. Нæмыгонты фæзуат æдæппæтæй у 2 милуан гектары бæрц. Фæззыгæнд хуымты фылдæр хайы уавæрæн специалисттæ аргъ кæнынц куыд хорз, афтæ.
Республикæйы хъæууон хæдзарыды министр Плиты Витали куыд зæгъы, афтæмæй æххæст æрцыдысты сезонон быдырон куыстытæ иууылдæр. Ныртæккæ сæ тæмæны сты хуымтæм хъацæнтæ хæссыны куыстытæ, уагъд цæуынц организацион хæдзарадон æмæ техникон мадзæлттæ зæххы ресурстæй пайда кæныны эффективондзинад фæбæрзонддæр кæнын æмæ хъæууонхæдзарады культурæты хъæздыг тыллæг райсыны тыххæй. Ацы аз ма план цæуы дыргъдæттæ ныккалын. Интенсивон дыргъгуысткæнынад рæзын кæныны фæдыл проект хорзыл банымадта Инвестагентад. Министр куыд банысан кодта, афтæмæй хъæууонхæдзарадон продукци уадзджытæ æххуыс исынц паддзахадæй — субсидитæ лæвæрд цæуынц паддзахадон куыстуат «Ирагропромсервис»-æн.

RSS-материал