Nog adres

Адæм, кæрæдзи уарзгæйæ цæрут!

Дарддæр цæуынц Хуссар Ирыстоны хъæуты газификаци кæныны фæдыл куыстытæ

IMG_1032.jpgЗындгонд куыд у, афтæмæй РХИ-йы Президент Тыбылты Леонид Мæскуыйы фембæлд акционерон æхсæнад «Газпром»-ы управленийы сæрдар Алексей Миллеримæ, цæмæй æруынаффæ кодтаиккой Республикæ Хуссар Ирыстоны дарддæр газификаци кæныны фарстатыл.
Фембæлды фæстиуджытæн комментаритæ сарæзта РХИ-йы Хицауады Сæрдары хæдивæг Тъехты Алан.

«Президент Тыбылты Леонид æмæ Уæрæсейы «Газпром»-ы сæргълæууæг Алексей Миллеры фембæлд ацыд хæларадон уавæры æмæ фæцис уæзгæ фæстиуджытимæ, — банысан кодта уый. — Фæлæ, цæмæй уыдон тыххæй зæгъон, уый тыххæй чысыл экскурс сараздзынæн темæйы историмæ.

Тыбылты Леонид фембæлд «Газпром»-ы Правленийы Сæрдар Алексей Миллеримæ

D1FM0428.JPG31 марты Республикæ Хуссар Ирыстоны Президент Тыбылты Леонид ПАО «Газпром»-ы централон офисы фембæлд Правленийы сæрдар Алексей Миллеримæ. Уый тыххæй фехъусын кодта Республикæ Хуссар Ирыстоны Президенты пресс-секретарь Гана Яновская.
Фембæлды рæстæджы ныхас цыд газы сферæйы дыууæфарсон æмгуысткæнынады фарстытыл. Сæрмагонд хъусдард здæхт æрцыд республи-кæйы уæрæсейаг æрдзон газæй ифтонг кæныны фарстатæм.

Дыууæ фарсы æркастысты Хуссар Ирыстоны газотранспортон инфраструктурæйы рæзты перспективæмæ республикæйы газификацийы «Газпром»-ы арæзт Генералон схемæйы фæлгæтты, кæцыйы 2015 азы кæрон сфидар кодта Республикæ Хуссар Ирыстоны Президент Тыбылты Леонид.
Банысан æрцыд, зæгъгæ, Генералон схемæйы реализаци фæахъаз уыдзæн республикæйы цæрджыты магистралон газæй сифтонг кæнынæн.
Фембæлд ацыд кæрæдзиæмбарынад æмæ дарддæры æмгуысткæнынады уавæрты. Банысан æрцыд, цæмæй лæмбынæг куыст æрцæуой фарстатæ, кæцытæ хауынц Республикæ Хуссар Ирыстоны дарддæр газификацийы программæйы реализацимæ, сæрмагондæй та республикæйы хъæутæм газ бауадзыны фарстатæм.

РХИ-йы Национ музей æмгуыстад кæндзæн Мæскуыйы музейтимæ

 сог..pngÆрæджы Республикæ Хуссар Ирыстоны Национ музейы генералон директор Зассеты Мераб æмæ музейон баиугæнд «Музеи Москвы»-йы генералон директор Алина Сапрыкина Мæскуыйы централон равдыстыты зал «Манеж»-ы цытджын æгъдауæй сæ къухтæ æрфыстой æмгуыстады тыххæй сразыдзинадыл.
Ацы сразыдзинады фæлгæтты фадат уыдзæн алыгъуызон фадгуыты иумæйаг мадзæлттæ уадзынæн, сæрмагондæй, равдыстытæ, фестивалтæ, презентацитæ æмæ æндæр сæрмагонд мадзæлттæ. Уый æддейæ ма сразыдзинад ахъаз кæндзæн дыууæ бæстæты адæмты историон æмæ культурон потенциалимæ зонгæ æмæ популяризаци кæнынæн.
Банысан кæнын хъæуы уый дæр, æмæ ацы сразыдзинадыл къух æрфыссын къухты бафтыд 2016 азы 10-æм февралы Уæрæсейы Федерацийы Республикæ Хуссар Ирыстоны æххæстбарджын минæвар Гасситы Знауыр æмæ музейон баиугæнд «Музеи Москвы»-йы генералон директор Алина Сапрыкинайы фембæлды рæстæджы. Ацы инициативæ фадат ратдзæн æнтыстджын æмгуыстадæн, дыууæ паддзахады адæмты 'хсæн хæларадон ахастыты рæзтмæ бахæсдзæн егъау хайбавæрд.

Цæгат Ирыстоны

«МАШУК»-мæ ЦÆТТÆ КÆНГÆЙÆ

Æрвылазон форум «Машук - 2016» цæттæ кæныны мадзæлттæ райдыдтой суанг зымæгæй. Уым æрвылаз дæр фæархайы Цæгат æмæ Хуссар Ирæй бирæ фæсивæд. Ацы форум стыр ахъаз у сæ патриотон æмæ интеллектуалон рæзтæн. Æрæджы оргкомитетæн цы фыццаг æмбырд уыд, уым Цæгат Кавказы федералон зылды УФ-йы Президенты Æххæстбарджын минæвар Сергей Меликов йæ хъуыдытæ загъта форуммæ æмбæлгæ хуызы бацæттæ кæныны тыххæй. «Ныртæккæ экстремисттæ сæ ных сарæзтой фæсивæды 'рдæм, экономикон зындзинæдтæй пайда кæнгæйæ, фыдгæнæг тыхтæ архайынц æрыгæтты раст фæндагæй фæиппæрд кæныныл, сæ сæры сын экстремизм æмæ терроризмы идеологи бауадзын. Мах хъуамæ форум «Машук»-ы фадæттæй спайда кæнæм ахæм идеологийы ныхмæ тохы хъуыддаджы, хъуамæ сын скæнæм пайдайаг бастдзинæдтæ»,- йæ раныхасы фæнысан кодта Президенты минæвар.

Къостайы царды фæстаг рæстæг

hetagurov.jpgКъостайы цард, йæ егъау æхсæнадон куыстыл, йе сфæлдыстадон дзаджджын къæбицыл бирæ загъд æрцыд. Мæ уацы мæ æрдзурын фæнды, цахæм уыдысты поэтæн йæ фæстаг царды бонтæ, мæйтæ, куыд фæцудыдта æнæмсæр тохты йæ фидар уæраг, фæлæ йæ зонд кæддæриддæр куыд дзырдта Рæстдзинад æмæ Уарзондзинады сæрыл, тыхмийы ныхмæ.

Къостайæн йæ фидар ныхас уыд:

«Тыхджынты 'хсæн нæ агурын тæнзæрдæ,
Тæригъæд дæр ма кæнæнт мæнæн.
Нæ тæрсын æз æрцахсынæй, фæсырдæй,
Фæраздзынæн мæллæгæй дæр зынтæн.

Президент Тыбылты Леонид кусæгон балцы ис Мæскуыйы

Хуссар Ирыстоны Президент Тыбылты Леонид ис кусæгон балцы Мæскуыйы. Уый тыххæй фехъусын кодта Президенты пресс-нымæрдар Гана Яновская.
Ацы аз 31 марты Мæскуыйы Республикæ Хуссар Ирыстоны Президент Тыбылты Леонид фембæлдзæн Уæрæсейы Федерацийы Президент Владимир Путинимæ.
Фембæлды рæстæджы уынаффæ цæудзæн, Хуссар Ирыстон æмæ Уæрæсейы Федерацийы ‘хсæн дывæрсыг ахастыты райрæзын кæнынимæ баст бирæнымæц фарстатыл, сæрмагондæй та республикæйы сæндидзын кæнын æмæ социалон-экономикон рæзтæн Уæрæсейы ’рдыгæй ахъаз кæныны фарстытыл.
Боны фæткы ма уымæй дарддæр уыдзæн Уæрæсе æмæ Хуссар Ирыстоны ‘хсæн Æмцæдисад æмæ интеграцийы фæдыл бадзырд æххæст кæныны фарстытæ, кæцыйыл къухтæ æрфыстæуыд ивгъуыд азы, æмæ дыууæ бæстæйы ‘хсæн æмархайд рахизын кодта ног æмвæзадмæ.
Республикæ Хуссар Ирыстоны Президенты балц Уæрæсемæ у кусæгон.

Хуссарирыстойнаг фарс нæ хизы йæ разы æвæрд хæстæй

MARINA.png22-23 марты Женевæйы уагъд æрцыд Фæскавказы æдасдзинады фæдыл дунеон дискусситы 35-æм радон раунд. Дискусситы хæдразмæ 18 марты нæ делегацийы уæнгтæн Мæскуыйы дыууæ æмæ æртæфарсон консультацитæ уагъд æрцыд Уæрæсейы Федераци æмæ уый фæстæ та Уæрæсе æмæ Абхазы Республикæйы делегацитимæ, уый фæстæ та — Женевæйы дунеон организациты минæвæрттимæ — Евроцæдис, ИНО æмæ ЕÆÆО-имæ.
Информацион фæрæзтимæ брифингы рæстæджы Фæсконфликтон бæстонкæнынады фарстаты фæдыл РХИ-йы Президенты æххæстбарджын, Женевæйы дискусситы делегацийы сæргълæууæг Джиоты Мурат афтæ радзырдта, зæгъгæ, кæд ацы раунд юбилейон уыд, уæддæр не ’взæрын кодта уæлтæмæнад, уымæн æмæ 34 раунды дæргъы дискусситы раз цы бæрнон хæс лæууы — Хуссар Ирыстон æмæ Абхазы ныхмæ тыхæй ма спайда кæнын æмæ æдасдзинадæй ифтонгады тыххæй юридикон бæрнджын документ бацæттæ кæнын, уый æххæст не ‘рцыд.

Кæнынц дзы арæзтадон куыстытæ

DSCF6050.JPGАцы аз Инвестицион программæйы фæлгæтты арæзтадмæ цы уынгтæ бахаудтой, уыдон нымæцы ис нæ горæты Кобылы фырты уынг дæр. Рацæудзæн чысыл рæстæг, æмæ та аразджыты иузæрдион æмæ хъаруджын куысты фæрцы барухс кæндзысты цæрджыты домæнтæ.
Ацы уынг дæр 2008-æм азы августы хæсты аххосæй бынтон ныххæлæттаг æмæ дзуапп нал дæтта, куыд фистæгæйцæуджытæн, афтæ автотранспорты хицæуттæн дæр. Ныртæккæ уым, зæгъæн ис, æмæ нал змæлы транспорт, уымæн æмæ дзы асфальт скæныны агъоммæ кæнынц арæзтадон-цалцæггæнæн куыстытæ. Фыццаградон куыстытæ æххæст кæнын йæхимæ райста ПУК «Водоканал»-ы организаци æмæ йæм æвналгæ та бакодтой 4 марты.

Цхинвалы уынджы куыстытæ сты сæ тæмæны

ul cxinvalskaia.pngАрæзтадон-æндидзынгæнæн куыстыты хатдзæгтæй сæ иу у Цхинвалы уынгты арæзтад æмæ цалцæг кæнын. Уалдзæджы æр-балæудимæ столицæйы уынгты ногæй райдыдтой арæзтадон-æндидзынгæнæн куыстытæ. Ныртæккæ æндидзынгæнæн куыстытæ сæ тæмæны сты Цхин-валы уынджы.
Объект æндидзыд цæуы 2015-2017 азтæн Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты.
РХИ-йы Арæзтад, архитектурæ æмæ цæрæнуатон-коммуналон хæдзарады министры хæдивæг Гаглойты Сергей куыд фехъусын кодта, уымæ гæсгæ Цхинвалы уынджы куыст цæуы инженерон, кабелон æмæ канализацион хызæгты сæвæрыныл. Абонентты иу кæнынц магистралон хызæгтæм. Объекты кусынц æртæ бригадæйы, 12 кусæджы бæрц æмæ æппæт æнæмæнгхъæуæг техникæ. Куыстытæ æххæст кæны паддзахадон унитарон куыстуат «Водоканал».

«Бæгъиатæ» — нæ республикæйы бренд

img_7187.jpg«Бæгъиатæ»-йы суаруадзæн завод нымад цæуы Республикæ Хуссар Ирыстоны национ хъæздыгдзинадыл æмæ кусы йæ адæмы хæрзиуæгæн.
1989-90 азты хæстон архайдтытæ куы сытынг кодта сыхаг Гуырдзыстон, уæд, нæ республикæмæ Уæрæсейæ æмæ фæсарæнтæй цы уазджытæ цыд, уыдон-иу фæндаджы был «Бæгъиатæ» цы донгуырæнтæ ис, уырдыгæй куы банызтой, уæд-иу загътой: «Почему вы выливаете доллары в реку?». Фæлæ уыцы рæстæджы «Бæгъиаты» завод уæззау уавæры уыд. Базæронд æмæ æдзæллаг уавæрмæ æрцыд заводы сæйраг кондадон хахх. Уæддæр (мæрдты дзæнæты бадæд!) Хуыбылты Валерийы æххуысæй цыдæр амæлттæй 1990 азы заводы агъуыст цалцæг æрцыд. Самалчындæуыд, уæды азты барæнтæм гæсгæ, ног суаруадзæн хахх, æрластой йæ Италийæ. Хуыбылты Валери сæрмагондæй йæхæдæг контроль кодта куыстытыл, цæмæй æвæстиатæй скуса завод, кæцы уагъта, Хуссар Ирыстон рагæй фæстæмæ хъуыстгонд цы минералон-хосгæнæн донæй уыд, уый. Растдæр уæдæй фæстæмæ райдыдтой пластикон 1,5 литруат донгæрзты «Бæгъиаты» дон уадзын. Æмæ цас циндзинад, сæрыстырдзинад æрхаста ацы ногдзинад адæмæн!

Гуырынад фæбæрзонддæр мæлынадæй

Хорз хабæрттæ хъуысы РХИ-йы статистикон службæйæ. Паддзахадон статисткæйы управленийы хистæр Тыбылты Инал куыд фехъусын кодта, уымæ гæсгæ æппынфæстагмæ, фыццаг хатт бирæ азты дæргъы къухты бафтыд æвæрццаг фæстиуджытæ бæстæйы демографион бæрæггæнæнты.
«Ивгъуыд азы хатдзæгтæм гæсгæ Хуссар Ирыстоны гуырынад фæбæрзонддæр мæлынадæй. Нымæцмæ гæсгæ цæрджытæм бафтыд 22 адæймаджы. Уый нысаниуæгджын цау у нæ бæстæйы царды. Банысан кæнын хъæуы уый дæр, æмæ гуырынад фылдæр кæныны æвæрццаг тенденци кæй райдыдта 2012 азы. Уæд бæстæйы регистраци æрцыд 390 ноггуырды, 2013 азы — 461, 2014 азы — 495 æмæ ивгъуыд аз та Хуссар Ирыстоны адунемæ фæзынд ноггуырдты рекордон нымæц — 542 сывæллоны. Дызæрдыггæнæн нæй ууыл, æмæ фидæны ацы статистикон бæрæггæнæнтæ дарддæр кæй рæздзысты», — загъта Тыбылты Инал.

«Æнæмæлгæ полк» дарддæр арæзт цæуы

1431264276_img_7748.jpg«Æнæмæлгæ полк» дарддæр арæзт кæй цæуы, уый тыххæй фехъусын кодта Социалон нысаниуæджы мадзæлттæ цæттæ кæнын æмæ сæ уадзыны фæдыл республикон къамисы сæрдар Зассеты Жаннæ.
«Курæг стæм Стыр Фыдыбæстæйон хæсты уæлахиздзæутты æввахс адæмæй, цæмæй «Æнæмæлгæ полк»-ы сæхи ныффыссын кæной развæлгъау.
Æмæ уæ кæд фæнды, цæмæй 9 майы парады уæ фыд, уæ дада, уæ дадайы фыды портретимæ рацæуат, уæд æрбацæут Уæлахизы бонмæ мадзæлттæ цæттæгæнæг æмæ Фыдыбæстæйон хæсты тыххæй æрмæджытæ æмбырдгæнæг штабмæ.
Штабы адрес: Сталины уынг, 19, кæнæ фæдзурут 45-03-49 номырæй организатортæм.
РХИ-йы Президент æмæ Хицауады пресс-службæ

Архайын райдыдта клуб «Дзурут иронау»

IMG-20160328-WA0032.jpgХуссар Ирыстоны паддзахадон университеты арæзт æрцыд клуб «Дзурут иронау», зæгъгæ. Йæ уæнгты фыццаг рабадты клубы сырæзты ахсджиагдзинады фæдыл радзырдта профессор Плиты Гацыр:
«Нæ абоны æрæмбырды аххосаг тыхджын ахсджиаг у. Хъусинаг чи бакаст, уыдон мын афтæ, зæгъгæ, дам, æй афонмæ дæр аразын хъуыд. Ацы клуб ма нын уыд советон дуджы дæр. Фæлæ йæм змæстыты рæстæджы ничиуал æркаст. Хъуыддаг уый мидæг ис, æмæ ам хайад хъуамæ исой æрмæст ирон факультетты студенттæ нæ, фæлæ иннæтæ дæр. Алы факультетты дæр цæуынц ирон æвзаг. Мах хъуамæ зонæм не ’взаг дунейы ’взæгтæй хъæздыгдæр кæй у, æмæ не ’гъдæуттæн æмбал кæй нæй. Нæ дипломимæ уый дæр æнæмæнгхъæуæг у, цæмæй зонæм кæм цæрæм æмæ чи стæм.

Рох не сты сæ нæмттæ

gabaraev.jpgКАД — АЛАГИР ЧИ СÆРИБАР КОДТА, УЫМÆН
1942 азы 3 ноябры немыцаг-фашистон æфсæдтæ, уыдонимæ полкъ «Бранфенбург» æмæ дыууæ хæххонæхсæг дивизийы, стæй 13-æм æмæ 23-æм танкон дивизиты хæйттæ райдыдтой размæ бырсын. Сæ нысан уыдис Дыгургомы æмæ Уæлладжыры комы хъахъхъæнынад батонын æмæ Æфсæддон-Ирон фæндаг бацахсын. Фæлæ сæ фæндтæ сæ хъуыры фæбадтысты. Фæндтæ та сæм ахæмтæ уыдис: уыцы фæндаг æмæ Мамысоны æфцæгыл Фæскавказмæ ахизын.
Æфсæддон-Ирон фæндаг бахъахъхъæныны хæс æвæрд æрцыд 37-æм æфсады 351-æм Шепетовкæйаг Сырхтырысаджын, Александр Суворовы æмæ Багдан Хмельницкийы ордентæй хорзæхджын æхсæг дивизийыл. Дивизийы хæйттæ фидар фæлæууыдысты фашистты ныхмæ, сæ удæгас тых-тæ сын куынæг æмæ техникæ дæрæн кæнгæйæ, æрæхгæдтой кæмттæм бацæуæнтæ.

«ЦАТЫР»-æй — ЦАРДМÆ

img_9049.jpgÆвдыст æрцыд Джусойты Нафийы номыл литературон премимæ
«Чиныг зонды скъола у», — зæгъы ирон æмбисонд. Æмæ, æцæгдæр, нæ дуджы цард цы уаид æнæ чиныг? Адæмы иргъæвын чиныг дæр куынæуал фæразы, уæд æнæ чиныг, æцæгæйдæр, куы бафтиккам нæ кæрæдзийы кæрдтыл. Фæлæ, табу Хуыцауæн, ис нын зонды скъола, уымæн æмæ нын ис чиныг æмæ чиныгкæсæг. Чиныгкæсæг кæм ис, уым æнæмæнг фыссæг дæр ис.
Æмæ РОКСАЛАНЫ «Цатыр» рухс куы федта, уæд ыл ирон чиныгкæсæг уайтагъд æрæвæрдта йæ цæст. Уыдис ын уæрæх презентаци «МЕДИА-ЦЕНТР «Ир»-ы. Уагъта йæ фыссæг, РХИ-йы Парламенты Ахуырад æмæ культурæйы комитеты сæрдар Гæбæраты Юри. Презентацийæ мыхуыр кæнæм иукъорд раныхасы.
Уæ бонтæ хорз иууылдæр æмæ нæм алæбон æгас цæут!

RSS-материал