Nog adres

Адæм, кæрæдзи уарзгæйæ цæрут!

Республикæйы сæйраг закъоныл цыд уæхскуæзæй куыст

Республикæ Хуссар Ирыстоны Конституци у бæстæйы райрæзты фидар бындур, у бæстæйы æрбангом кæныны гарант, ахъаз у хæдбар, æвзонг паддзахады алыварсон райрæзтæн.
Ирыстоны историйы нысаниуæгджын бонтæй сæ иу у 8 апрель. Уыцы бон 2001 азы æп-пæтадæмон хъæлæскæныны фæстиуæгæн ист æрцыд Республикæ Хуссар Ирыстоны сæйраг закъон — Конституци.
Кæй зæгъын æй хъæуы, ацы ахсджиаг документыл цыд уæхскуæзæй куыст — юристтæ, адвокаттæ, Парламенты депутаттæ, эксперттæ аккаг хайбавæрд бахастой сæйраг документ саразынмæ.
Зассеты Жаннæ, ныртæккæ РХИ-йы Президенты æххуысгæнæг, паддзахадон-нысаниуæгджын мадзæлттæ бацæттæ кæнын æмæ ауадзыны фæдыл къамисы сæрдар, уæд та активон хайад иста Республикæйы сæйраг закъон — Конституцийы проект саразыны хъуыддаджы. Уæды паддзахады сæргълæууæг Цыбырты Людвиг радон æмбырды фехъусын кодта, зæгъгæ, хъæуы райсын ахæм Конституци, кæцы хъуамæ суа паддзахады сæйраг документ.

РХИ-йы Президент Тыбылты Леонид æмæ УФ-йы Президент Владимир Путины фембæлды фæдыл РХИ-йы Парламенты Сæрдары комментаритæ

Уæрæсейы Федерацийы æмæ Республикæ Хуссар Ирыстоны Президентты фембæлдтыты формат æмæ нымæц æвдисæн сты уымæн, æмæ Уæрæсе Хуссар Ирыстоны кæй нымайы хæларадон, æввахс паддзахадыл, — фехъусын кодта РХИ-йы Парламенты Сæрдар Бибылты Анатоли.
«Фембæлды рæстæджы нысан æрцыдысты, цы проблемæтæ нын уæвынад кæнынц, уыдон, афтæ ма нысан æрцыдысты уыцы фæрæзтæ дæр, кæцытæ Уæрæсе хицæн кæны Хуссар Ирыстонæн ныппырхгонд адæмон хæдзарад сæндидзын кæнынæн æмæ экономикæйы рæзтæн. Уый дзурæг у ууыл, æмæ Хуссар Ирыстоны æндидзынад кæронмæ кæй фæуыдзæн, республикæйы адæм та кæй райсдзысты ног куысты бынæттæ. Арæх фембæлдтытæ æвдисынц, Уæрæсейы Федераци Хуссар Ирыстоны проблемæтæм цахæм лæмбынæг хъусдард здахы, уый. РХИ-йы Президент æмæ УФ-йы „Газпром“-ы Правленийы сæрдаримæ фембæлды тыххæй та зæгъдзынæн афтæ, уый кæй ахъаз кæндзæн РХИ-йы цæрæн пунктты газификацийы фæдыл проектты реализаци-йæн», — банысан кодта РХИ-йы Парламенты Сæрдар.

Уыд РХИ-йы Парламенты цыппæрæм сессийы æртыккаг рабадт

dchagaev.png5-æм апрелы уыд Республикæ Хуссар Ирыстоны Парламенты цыппæрæм сессийы æртыккаг рабадт. Рабадт уагъта Парламенты Сæрдар Бибылты Анатоли. Сессийы куысты хайад райста РХИ-йы Президент Тыбылты Леонид. Фыццаг раныхас кæныны бар дæр уымæн лæвæрд æрцыд. Президент фехъусын кодта, зæгъгæ, РХИ-йы Конституцийы 50-æм статьяйы 23-æм пунктмæ гæсгæ, Парламентмæ æрбавдыста РХИ-йы Генералон прокуроры бынатмæ Дзæгъиаты Уырызмæг Фридоны фырты кандидатурæ. Уый фæстæ характеристикæ радта æрбавдисгæ кандидатурæйæн æмæ бахатыд депутатон корпусмæ йе 'вварс рахæцыны тыххæй.

Сæ нысан — адæмæн циндзинад хæссын

DSC_0101.JPGНæ ирон адæм æрдзæй рахастой аивадмæ æгæрон уарзт æмæ æрдзон курдиат. Зарын, кафын, алыгъуызон инструменттыл цæгъдынмæ сты æвзыгъд, фæсте никæмæй лæууынц. Нæ фыдæлтæ æнусты цардвæндæгтыл аккагæй фæхастой адæмон сфæлдыстады хъæздыгдзинæдтæ æмæ нæм сæ аккагæй æрхæццæ кодтой, цæмæй сæ мах та адæттæм фидæны фæлтæртæм — афтæ наци кæны тыхджындæр, хъомысджындæр. Нæ мадæлон æвзагыл аив дзургæйæ, адæмон зарджытæ, мелодитæ æмæ ирон национ кæфтытæ бахъахъхъæнгæйæ, мах нæ культурæ æмæ нæ аивады фæрцы æмдзу кæндзыстæм рæстæджы комулæфтимæ, цæудзыстæм ног царды фæндæгтыл ныфсджын æмæ сæрбæрзондæй.
Раст уыцы стыр хъуыддагыл лæуд сты фæсивæдон студи — сатирæйы театр «Амыран»-ы минæвæрттæ дæр сæ аивадон къухдариуæггæнæг, Цæгат Ирыстон-Аланийы адæмон артист, Республикæ Хуссар Ирыстоны сгуыхт артист, Уæрæсейы Федерацийы фæсивæдон политикæйы къабазы Кадджын кусæг Лазарты Таймураз Константины фырты сæргълæудæй.

Пресс-конференци | Уæрæсе кæд æмбæлы къорд зындзинæдтыл, уæддæр дыууæфарсон æмгуыстады æмвæзад бæрзонддæр кæны

IMG_1643.JPG

Республикæ Хуссар Ирыстоны Президент Тыбылты Леонид æрæджы кусæгон балцы уыд Мæскуыйы. Бæстæйы сæргълæууæгæн фембæлд уыд Уæрæсейы Федерацийы Президент Владимир Путинимæ, «Газпром»-ы правленийы сæрдар Алексей Миллеримæ æмæ æндæр къорд ахсджиаг фембæлды.
Мæскуымæ кусæгон балцы фæстиуджытыл æрдзурыны нысанæн Тыбылты Леонидæн уыд пресс-конференци республикæйы дзыллон информацион фæрæзты минæвæрттимæ.

Пресс-конференцийы райдианы Тыбылты Леонид ныфс бавæрдта, Мæскуыйы уæвгæйæ йын цы куыст бантыст, уый æмбæлон æгъдауæй адæммæ кæй фæхæццæ уыдзæн информацион фæрæзты руаджы — уыдон сты бæстæйы райрæзт æмæ размæцыды ахсджиаг здæхæнтæ.

Штабы рабадт | Сæйраг домæн — куыстыты сфидаргонд æмгъуыдты æмæ гъæдджынæй æххæст кæнын

DSC03565.JPG

2-æм апрелы РХИ-йы Хицауады Сæрдар Хъуылымбегты Доментийы сæргълæудæй 2-æм апрелы уыдис 2016 азæн Хуссар Ирыстоны социалон-экономикон рæзтæн ахъазгæнæг Инвестицион программæ реализаци кæныныл контролы фæдыл оперативон штабы радон æмбырд. Йæ куысты хайад райстой министрадтæ æмæ ведомствоты къухдариуæггæнджытæ, афтæ ма арæзтадон объектты архайæг подрядон организациты минæвæрттæ дæр.

Хицауады Сæрдар æмбырды хайадисджыты хъусдард аздæхта дарддæры куысты сæй-раг принциптæм, кæцытæй хъуамæ къухдариуæг кæной арæзтадон компаниты минæвæрттæ.

АРФÆТÆ - ТОТООНТЫ АЛЫКСАНДРÆН

РХИ-йы Президент Тыбылты Леонид раарфæ кодта Уæрæсейы Федерацийы Федерацион Советы уæнг, Уæрæсейы Федерацийы Федералон Æмбырды Федерацийы Советы æмæ Республикæ Хуссар Ирыстоны Парламенты æмгуыстады фæдыл къамисы æмсæрдар Тотоонты Алыксандрæн йæ райгуырæн боны цытæн.
Арфæйы фыстæджы дзырдæуы:
«Цытджын Алыксандр Барисы фырт,
Айс мæ иууыл зæрдиагдæр арфæтæ дæ райгуырæн боны цытæн.

Тыбылты Леонид фембæлд уæрæсейаг бизнесментимæ

Мæскуыйы, кусæгон балцы уæвгæйæ, Хуссар Ирыстоны Президент Тыбылты Леонид фембæлд уæрæсейаг бизнесментимæ, кæцытæ равдыстой цæттæдзинад æмбæлон инвестицитæ Хуссар Ирыстонмæ бахæссыны тыххæй.
Ацы фембæлд сорганизаци кодта уæрæсейаг агрофирмæ «Белая дача»-йы президент Виктор Семенов, кæцы уый размæ уыд Хуссар Ирыстоны æмæ, Цхинвалы Тыбылты Леонидимæ фембæлды рæстæджы цы бадзырдтæ арæзт æрцыд, уыдоныл лæмбынæгдæр æрдзурыны тыххæй æрæмбырд кодта бизнесменты. Уæд боны фæткы уыд фарст, цæмæй Хуссар Ирыстоны территорийыл салаттæ æрзайын кæныны проектæн инвестицитæ бахæсса агрофирмæ «Белая дача».
Фембæлды рæстæджы уæрæсейаг столицæйы фæзынд ног фæндæттæ къорд бизнесмены ‘рдыгæй, кæцытæ равдыстой цæттæдзинад хъæууонхæдзарадон сегменты рæзты инвестицитæ бавæрыны тыххæй.

Ног объекттæ - æнæниздзинад хъахъхъæныны фадыджы

Ацы аз арæзтадон куыстытæ райдыдтой азы фыццаг кварталы. Проектон-сметон документаци афоныл цæттæгонд кæй æрцыд, раздæры фæлтæрддзинад зондзонæн кæй фæцис арæзтадон фирмæтæн, уый тыххæй Уæрæсейы фарсæй нæй финансон хъуагдзинад æмæ куыстытæ дæр æххæст цæуынц нывæзтмæ гæсгæ.
Ис ахæм объекттæ, кæцытæ арæзт цæуынц дыууæ фæлтæрæй, ома, 2015 азæй 2016 азмæ чи хизы. Уыдон нымæцмæ хауы республикон-соматикон рынчындоны территорийыл сывæллæттæн цы бирæпрофилон реабилитацион рынчындон арæзт цæуы, уый дæр. Ивгъуыд аз ам райдыдтой арæзтадон куыстытæ. Объекты фæзуат у 6 800 кв. метры. Ацы арæзтад лæвæрд æрцыд подрядон организаци «Спецтепломассаж»-æн. Уыдон сты фæлтæрдджын организаци, сæйраджыдæр, кусынц ацы профилы.

Паддзахадон Æдасдзинады комитеты хъусынгæнинаг

Паддзахадон Æдасдзинады комитет уадзы Республикæйы фæсарæйнаг æмбæстæгты уæвыны закъондзинад æххæст кæныны фæдыл мадзæлттæ. Ацы куысты фæдыздæхтытæй иу у, хонæг фарс (физикон æмæ юридикон цæсгæмттæ) фæсарæйнаг æмбæстæгты æрхонгæйæ сæ уæвыны бынаты ныффыссыны сæраппонд сæ хæстæ куыд æххæст кæнынц, уымæ хъус дарын.
Уымæ гæсгæ Комитет хъусын кæны, зæгъгæ, РХИ-йы уæвæг фæсарæйнаг æмбæстæгтæ хæсджын сты, цы адресмæ сæ фæхуыдтой, уыцы адресыл цæрой. Кæд æмæ барадхъахъхъæнæг органтæ бафиппайой ацы фæтк фехалыны цау, уæд фæхонæг адæймæгтæ хæсдзысты уголовон æмæ административон бæрндзинад УФ УК ст.322.3-мæ гæсгæ. (Фæсайрæйнаг æмбæстаджы, кæнæ æмбæстагдзинад кæмæн нæй, ахæм адæймаджы цæрæнуаты фиктивонæй ныффыссын) æмæ УФ Административон Фæтхалæнты Кодексы ст.18.9-мæ гæсгæ (Фæсарæйнаг æмбæстæгтæ æмæ æмбæстагдзинад кæмæн нæй, уыдон уæвыны фæтк фехалын). Ахæм уавæры æхцайы ивар гæнæн ис æмæ уа 500 мин сомы бæрц.

Парламенты

КУСÆГОН ФЕМБÆЛД

31-æм марты РХИ-йы Парламенты депутаттæн кусæгон фембæлд уыд РХИ-йы Арæнгæрон службæйы æмæ Хуссар Ирыстоны УФ-йы Æдасдзинады федералон службæйы Арæнгæрон уравленийы къухдариуæгадимæ. Фембæлды хайад райстой Парламенты Сæрдар Бибылты Анатоли, Парламенты вице-спикер Тасойты Димитр, депутаттæ Коцты Игорь æмæ Тедеты Бахва, афтæ ма Знауыры районы Балта, Зиулет æмæ Мугуты хъæууон администрациты къухдариуæггæнджытæ.

Фембæлды райдианы РХИ-йы Парламенты Сæрдар Бибылты Анатоли раарфæ кодта æрæмбырдуæвджытæн æмæ банысан кодта, зæгъгæ, Парламентмæ æрбацæуынц Знауыры районы арæнгæрон хъæуты цæрджытæ, кæцытæ æмбæлынц бæрæг проблемæтыл арæнгæрон зонæмæ бацæуыны рæстæджы.

Дунеон турнир уæгъдибар хъæбысхæстæй

borba.JPG

Стыр спортивон бæрæгбон та уыд Цхинвалы Алина Кабаевы спортивон комплекс «Олимп»-ы. Уым уагъд æрцыд Фыдыбæстæйы хъахъхъæнджыты цытæн дунеон турнир уæгъдибар хъæбысхæстæй. Хайад дзы райстой 164 богалы. Хуссар Ирыстоны æвзонг богалтæй дарддæр ма ерысты призтыл тох кодтой РЦИ-Аланийы, Кæсæг-Балхъары æмæ Абхазы минæвæрттæ. Уыдон дих уыдысты дыууæ кары къордыл. Хистæр кары къорды архайдтой 2001-2002 азты гуырд хъæбысæйхæцджытæ æмæ кæстæр кары къорды та — 2003-æм азæй фæстæмæ гуырд богалтæ.

Республикæ Хуссар Ирыстоны Президент Тыбылты Леониды интервью телеканал «Россия 24»-йæн

55555.png«Россия 24»: Уæрæсейы æрдыгæй Хуссар Ирыстонæн æххуысы гуырахст 2016 азы уыдзæн 8 миллиард сомæй фылдæр. Уый тыххæй фехъусын кодта Уæрæсейы Федерацийы Президент Владимир Путин йæ хуссарирыстойнаг коллегæ Тыбылты Леонидимæ фем-бæлды рæстæджы. Уыцы суммæйæ 3,6 миллиард сомы у Инвестицион программæйы хай, кæцы развæлгъау нысан æрцыд 2017 азы онг. Хуссар Ирыстоны сæргълæууæг ныртæккæ у не студийы уазæг. Леонид Харитоны фырт, дæ бон хорз. Радзурма, уыцы æхцатæ цæуыл хардз æрцæудзысты, кæцы хай дзы бахардз уыдзæн цæрæнуат æмæ инф-растуктурæйы арæзтадыл, абоны бон республикæйы къухдариуæгадæн ацы фарст цас ахсджиаг у?
Тыбылты Леонид: Уæрæсейæ цы финансон æххуыс цæуы, уый иууылдæр хардз цæуы республикæйы æндидзынадыл æмæ экономикæйы рæзтыл. 3,6 миллиард сомæн йæ фылдæр хай хардз цæуы арæзтадыл. Ацы аз дæр æмæ фидæнмæ дæр мах сараздзыстæм 300 фатеры. Уыцы цæрæнуат арæзт цæуы республикæйы æмбæстæгтæн, кæцытæ цæрæнуатмæ лæууынц рады æмæ 2008 азы Гуырдзыстоны æрдыгæй хæстон агрессийы фæстиуæгæн сæ цæрæнуат кæмæн ныппырх, уыдонæн. Иннæ хай та хардз æрцæудзæн фæндæгты арæзтадыл, горæт Цхинвалы хæрзарæзтадыл. Горæты сæйраг уынгтæй ацы аз схæрзарæзт кæндзыстæм 11. Æмæ 2016 азы кæрон Цхинвалы уынгты хæрзарæзт кæнын кæронмæ бахæццæ уыдзæн. Нæ бон зæгъын у, уыцы æхцатæ хардз æрцæудзысты, Инвестпрограммæйы нысан цы объекттæ æрцыд, уыдоныл, кæцытæ фидар æрцыдысты Æхсæнхицауадон къамисы рабадтытæй сæ иуы.
«Россия 24»: Абон зæронд æмæ аварион цæрæнуаты программæ куыд реализаци цæуы, цас актуалон у? Ды ма загътай, зæгъгæ, фæрæзтæ хардз цæуынц фæндæгтыл. Куыд аргъ кæныс рес-публикæйы фæндæгты абоны уавæрæн?

Рашид Нургалиев: Уæрæсе адарддæр кæндзæн интеграцион процесстæ Хæдбар паддзахадты æмхæларады хайадисæг бæстæты тыгъдады æмхæларады фæлгæтты

Мæскуыйы æддагон политикæйы сæйраг фæдыздæхтытæй иу у Хæдбар Паддзахадты Æмхæларады бæстæтимæ, Абхаз æмæ Хуссар Ирыстонимæ æмгуыстад сфидар кæныны хъуыддаг, зæгъгæ, дзырдæуы УФ Æдасдзинады советы нымæрдары хæдивæг Рашид Нургалиевы комментариты Уæрæсейы Президент кæй сфидар кодта, национ æдасдзинады уыцы сноггонд Стратегийы.
Документы дзырдæуы, зæгъгæ Стратегийы ног редакцийы фæбæлвырддæр сты Уæрæсейы Федерацийы æмгуыстады хæстæ ОДКБ (Коллективон æдасдзинады бадзырды организаци) æмæ Евразийаг экономикон цæдисы йæ партнертимæ.
Документтæм гæсгæ, æддагон политикæйы ахсджиагдæр фæдыздæхтытæй иу у Хæдбар Паддзахадты Æмхæларады бæстæтимæ, Абхаз æмæ Хуссар Ирыстонимæ дывæрсыг æмæ бирæвæрсыг æмгуыстады ахастытæ рæзын кæнын.

Тыбылты Леонид фембæлд Владимир Путинимæ

77777.pngРХИ-йы Президенты пресс-службæ куыд хъусын кæны, афтæмæй 31 марты Мæскуыйы кусæгон балцы уæвгæйæ, Республикæ Хуссар Ирыстоны Президент Тыбылты Леонид фембæлд Уæрæсейы Федерацийы Президент Владимир Путинимæ.
Фембæлды рæстæджы дыууæ президенты дзырдтой дыууæфарсон æмгуысткæнынады къорд фарстытыл, фыццаджыфыццаг та Хуссар Ирыстоны социалон-экономикон рæзты фарстытыл.
Фембæлды рæстæджы Владимир Путин фехъусын кодта, зæгъгæ, Уæрæсейы Федерацийы æрдыгæй Хуссар Ирыстонæн æххуысы гуырахст 2016 азы уыдзæн 8 миллиард сомæй фылдæр.
«Ды йæ зоныс, 2008 азæй фæстæмæ Уæрæсе æххуыс кæны Хуссар Ирыстонæн. Ацы аз уыцы æххуыс, мæнмæ гæсгæ, уыдзæн 8,2 миллиард сомы, уыдонæй 3,6 миллиард сомы сты 2017 азмæ Инвестпрограммæйы хай», - банысан кодта Путин.
Уый зæрдыл æрлæууын кодта, зæгъгæ, уыцы программæ хауы цæрæнуаты арæзтадмæ дæр, драмтеатры арæзтадмæ дæр æмæ сывæллæтты хайадимæ рынчындоны комплексы арæзтадмæ дæр.
«Иудзырдæй, фарстытæ скъуыддзаг æмæ размæ цæуынц», - банысан кодта Уæрæсейы Федерацийы лидер.
Путин ма зæрдыл æрлæууын кодта дунеон аренæйы æмгуысткæнынады, уыцы нымæцы женевæйаг форматы фæлгæтты бадзырдты дæр.

RSS-материал