Nog adres

Адæм, кæрæдзи уарзгæйæ цæрут!

Арфæтæ

РХИ-йы ПРЕЗИДЕНТ ТЫБЫЛТЫ ЛЕОНИДЫ АРФÆ ХУССАР
ИРЫСТОНЫ АДÆМÆН КОНСТИТУЦИЙЫ БОНЫ ЦЫТÆН

Зынаргъ æмбæстæгтæ!
Абон Хуссар Ирыстоны Конституци нысан кæны юбилей - 15 азы сæххæст йæ райсыны бонæй. 15 азы дæргъы махæн Конституци у сæйраг закъон. Уымæ гæсгæ хъуамæ цæрæм не 'ппæтдæр, Президентæй райдайгæйæ.
Республикæ Хуссар Ирыстоны Конституци у æппæт паддзахадæн йæ астæумагъз. Уый у президентон тыхджын хицауады æмæ ахадгæ парламентон хъусдарды, адæймаджы барты хъомысад æмæ демократон тæрхоны системæйы бындур.
Республикæ Хуссар Ирыстоны Конституци у демократийы æвдисыны политикон-барадон формæ. Демократийæн та, кæй зæгъын æй хъæуы, уæвæн нæй æнæ парламентаризмæй. Уавæрæй пайда гæнгæйæ мæ фæнды банысан кæнын нæ республикæйы царды ахсджиаг - Республикæ Хуссар Иырстоны закъондæттынадон орган - Парламенты сырæзтыл 25 азы кæй сæххæст, уыцы ахсджиаг цау.
Æмæ мах райсом, 9 апрелы, Республикæ Хуссар Ирыстоны Парламенты юбилей кæй нысан кæндзыстæм, уый у æвдисæн, Конституци хицауады минæвæртты куыстæн кæй аразы бæстон уавæртæ.

ПРОБЛЕМÆТÆ СКЪУЫДДЗАГ ЦÆУДЗЫСТЫ

img_0162.jpgРХИ-йы Президент Тыбылты Леонид уыд Цхинвалы районы Къуернет æмæ Дампъалеты хъæуты, цыран бынаты базонгæ ис цæрджыты проблемæтимæ. Йæ балцы паддзахады сæргълæууæгимæ уыдысты Президенты паддзахадон уынаффæгæнæг Цоциты Барис, Цхинвалы районы администрацийы сæргълæууæг Плиты Алан, паддзахадон унитарон куыстуат «Мелиораци»-йы директор Хуыгаты Владимир.
Банысан хъæуы, Президенты химæисæнмæ раздæр ацы хъæуты цæрджы-тæй кæй бацыд хъаст, æвзæр фæндæгты æмæ нуазыны дон кæй нæ фаг кæны, уыдæтты тыххæй.

«Республикæйы разамынад сæрмагонд хъусдард здахы хъæууон бынæттæм æмæ махæн ахсджиаг у адæмы хъæутæм раздахын, уый тыххæй та хъæуы уым уавæртæ саразын: фæндæгтæ аразын, дон, электрохæххытæ бауадзын», - загъта Тыбылты Леонид.
Къуернеты хъæуы цæрджытæ паддзахады сæргълæууæгæн радзырдтой, нуазыны дон сæм кæй нæй, уый сын бæрæг кæй зындæр кæны сæ цард.
«Мах пайда кæнæм суадоны донæй æмæ фæстаг цалдæр азы та уыцы суадон арæх басур вæййы, - банысан кодта ацы хъæуы цæрæг Хуыгаты Чичико. - Хъæуы айнæг къæдзæх ныххуынкъ кæнын æмæ уымæй гæнæн ис доны цыд фæтынгдæр кæнын».
Президент суадоны доны фенгæйæ, районы администраци æмæ паддзахадон унитарон куыстуат «Мелиораци»-йæн бахæс кодта, цæмæй сахуыр кæной ацы бынаты æмæ бакусой дон рауадзыны фадатыл.

Тымбыл фынг/ Конституци хъуамæ уа æмбæлон закъæттæй фидаргонд

img_8305.jpgРеспубликæ Хуссар Ирыстоны Конституцийы райстыл 15 азы кæй сæххæст, уый тыххæй 7-æм апрелы Хуссар Ирыстоны Информаци æмæ мыхуыры информацион комитеты хъæппæрисæй ауагъдæуыд тымбыл фынг. Тымбыл фынджы куысты хайад райстой Хицауады уæнгтæ, Парламенты раздæры æмæ ныры сæвзæрстыты депутаттæ, эксперттæ, æхсæнадон организациты æмæ дзыллон информацион фæрæзты минæвæрттæ. Уагъта йæ Информаци æмæ мыхуыры паддзахадон комитеты сæрдары хæстæ рæстæгмæ æххæстгæнæг Джуссойты Нелли.
Мадзалы райдианы Джуссойты Нелли раарфæ кодта фыццаг, æртыккаг, цыппæрæм æмæ фæндзæм сæвзæрст Парламенты депутат, Парламенты экс-спикер Коцты Станиславæн йæ гуырæн боны цытæн. Уый фæстæ радзырдта Конституцийы нысаниуæджы тыххæй.
Джуссойты Нелли æрæмбырдуæвджытæн равдыста ног рауагъд Конституци æмæ банысан кодта, зæгъгæ, «рæстæгæй рæстæгмæ Конституцимæ бахастæуы барасткæнинæгтæ. Фæстаг хатт æм барасткæнинаг бахастæуыд 2014 азы. Барасткæнинæгтæ йæм хъуамæ хаст цæуой æрмæстдæр референдумы фæстиуæгæн, уыимæ иумæ Конституцийы фыст ис уагæвæрдтæ, кæцытæ нын бар дæттынц æрмæстдæр референдумы фæстæ хицæн уацтæм ивындзинæдтæ бахæссын».

Бибылты Анатоли фембæлд Олег Говорунимæ

govorun1.jpg5 апрелы РХИ-йы Парламенты Сæрдар Бибылты Анатоли фембæлд Хæдбар Паддзахадты Æмхæларады паддзахадтæ-хайадисджыты, Республикæ Хуссар Ирыстон æмæ Республикæ Абхазимæ социалон-экономикон æмгуысткæнынады фæдыл Уæрæсейы Президенты Администрацийы управленийы хистæр Олег Говорунимæ, кæцы нæ республикæмæ æрцыд кусæгон балцы.
Фембæлды рæстæджы Бибылты Анатоли æмæ Олег Говорун æруынаффæ кодтой дыууæфарсон æмархайды фарстатыл, уыцы нымæцы æхсæнпарла-ментон æмгуыстады хаххыл дæр.
РХИ-йы Парламенты спикер банысан кодта Олег Говоруны лæггæдтæ, Хуссар Ирыстоны æндидзынад æмæ экономикон рæзты къабазы чи цæуынц, уыцы позитивон ивындзинæдты, сæрмагондæй - Инвестицион программæ реализаци кæныны фарстаты.
«Мах бузныг стæм УФ-йы разамынадæй æнгом æмгуысткæнынад æмæ Хуссар Ирыстонмæ йæ хъусдарды тыххæй», - загъта Бибылты Анатоли.
Олег Говорун йæ рады хъусдард аздæхта РХИ-йы Парламенты разамынады оперативондзинадмæ закъондæттынады къабазы æмæ æндæр фарстыты фæдыл æмбæлон уынаффæтæ агургæйæ. УФ-йы Президенты администрацийы управленийы хистæр ныхасы рæстæджы дзырдта, закъондæттынады къабазы цы бакæнинаг куыст ис, ууыл, кæцы баст у, Уæрæсейы Федераци æмæ Хуссар Ирыстоны 'хсæн къухтæ кæуыл æрфыстæуыд, Æмцæдисад æмæ интеграцийы фæдыл уыцы бадзырды реализациимæ.

Мидхъуыддæгты министрад хъусын кæны

28 мартæй 4 апрелмæ республикæйы территорийыл бахынцыд æрцыд иу фыдракæнд. Алыгъуызон фæткхалæн цауты тыххæй бæрндзинадмæ æркондæуыд цалдæр адæй-маджы, уыцы нымæцы дыууæйæ - наркотиктон буарадтæй æнæзакъонæй пайда кæныны тыххæй.
27 марты оперативон-агурæн мадзæлттæ уадзыны рæстæджы Цхинвалы мидхъуыддæгты управленийы уголовон фæдагуырды хайады кусджытæ Мидхъуыддæгты министрады криминалон милицийы кусджытимæ иумæ æрурæдтой 23-аздзыд нæ горæты цæрæджы, раздæр фыдракæнд кæй сарæзта, уый тыххæй. Уымæ дæр æрхастæуыд г. Цхинвалы цæрæджы хæцæнгарзæй фæцæф кæныны азым.
28 марты Дзауы районы Мидхъуыддæгты управленимæ æрбахатыд Хслебы хъæуы цæрæг æмæ бархийæ радта 3 гранаты æмæ 140-ы бæрц алыгъуызон калибрты нæмгуытæ.

Фæсконфликтон бæстонкæнынады фæдыл Президенты Æххæстбарджын минæвары пресс-службæйы хъусынгæнинаг

2016 азы 7 апрелы Фæсконфликтон бæстонкæнынады фæдыл Президенты Æххæстбарджын минæвар Джиоты Мурат йæхимæ райста Республикæ Хуссар Ирыстоны Дунеон Сырх Дзуары Комитеты миссийы хъахъхъæныны хайады къухдариуæггæнæг Икуми Окиварийы. Уый ацы бæрнон бынаты йæ куыст фæци æмæ базонгæ кодта, йæ бынаты дарддæр чи кусдзæн, уый - Рафаэль Йосты.
Джиоты Мурат бузныджы ныхæстæ загъта Икуми Оки-варийæн йе 'мгуыстады тыххæй, æмæ сæрмагондæй банысан кодта Сырх Дзуары миссийы архайды ахадындзинад æбæрæгæй сæфтыты агурыны хъуыддаджы, æмæ баны-сан кодта, иумæйаг хъарутæй рæвдздæр архайд ахсджиаг кæй у ацы хъуыддаджы. Уый загъта Рафаэль Йостæн æнтыстыты фæндиæгтæ йæ дарддæры гуманитарон архайды.
Уынаффæ ма цыд æндæр гуманитарон фарстытыл дæр.

Республикæ Хуссар Ирыстоны Фæсарæйнаг хъуыддæгты министрады хъусынгæнинаг

6 апрелы Республикæ Хуссар Ирыстоны Фæсарæйнаг хъуыддæгты министр Цхуырбаты Къазбулат телефоны ныхас кодта Хæххон Хъарабахы Республикæйы Фæсарæйнаг хъуыддæгты министр Карен Мирзоянимæ.
Цхуырбаты Къазбулат Карен Мирзоянимæ ныхасгæнгæйæ, равдыста тыхстдзинад хæххон-хъарабахаг зонæйы ныхмæлæуды фæдыл. Министр йæ коллегæйæн фидарæй загъта, зæгъгæ, Хуссар Ирыстоны лæмбынæг сæ хъус дарынц уавæрмæ, æмæ ныфсы ныхæстæ арвыста Хæххон Хъарабахы адæмæн. Уымæй дарддæр ма банысан æрцыд, кæй хъæуы бæрндзинад æмæ фидардзинад равдисын, цæмæй уавæр ма расайа уымæ, æмæ ныхмæлæуд аирвæза хъусдарды бынæй æмæ ауæрæх уа. Уый та æркæнид æнæхъæн регионы æндыгъддзинадмæ.

Рæхджы йæ хуыз скалдзæн Къостайы уынг дæр

55555.pngИнвестпрограммæйы фæлгæтты нæ горæты цы уынгтæ арæзт æрцыдысты æмæ абон цæстæнгас сæхимæ чи здахынц сæ аив арæзтæй, уыцы уынгтæм та ноджыдæр бафтдзысты ног уынгтæ. Уыдонæй сæ иу у Хетæгкаты Къостайы уынг. Къоста ирон адæмы сæрыстырдзинад кæй у, табуйаг нын кæй у, уымæ гæсгæ дызæрдыггæнæн нæй, ацы уынг ноджы аивдæр æмæ рæсугъддæрæй кæй сæрттивдзæн, ууыл. Æмæ йе схæрзарæзт кæнын канд йæ цæрджытæн нæ уыдзæн æхсызгон, фæлæ йыл бонизæрмæ цы бирæ цæуджытæ цæуынц, уыдонæн дæр. Уымæн æмæ æрмæст йæ ном зæгъынæй дæр зæрдæ хуры фарсмæ абады.
Куыд иннæ арæзтцæуæг уынгты, афтæ ам дæр куыстытæ райдыдта «Водоканал». Ацы уынджы дæр коммуникацион хæххытæ ивд никуы æрцыдысты сæ сырæзтæй фæстæмæ. Базæронд сты æмæ дзуапп нал лæвæрдтой сæ домæнтæн. Ныр сæм æрæв-нæлдтой аразынмæ, раивтой куыд доны, афтæ канализацион хæххытæ дæр. Доны хæтæлтæн сæ диаметр у 160 мм. бæрц. Фадыджы прораб Цхуырбаты Юри куыд зæгъы, афтæмæй доны æмæ канализацион хæххытæ иугонд æрцыдысты хæдзæрттæм дæр æмæ йæм ныр дон рауагътой Сталины уынгæй. Дон Хетæг-каты Къостайы уынгæй ацыдис Ирæтты уынгмæ дæр æмæ дзы ныр ифтонг сты дыууæ уынджы цæрджытæ дæр. Ныртæккæ ма донуадзæн куыстытæ «Водоканал»-ы кусджытæ æххæст кæнынц Хетæгкаты Къостайы уынджы фæзилæны. Уыдон дæр баиу кæндзысты доны ног хæххытæм. Кусджытæ иууылдæр сты бынæттон, кусынц æнæзæрдæхудтæй. Архайынц арæхстгай сæ куыст бакæныныл, газы æмæ рухсы хæххытæ куынæ бахъыгдарой, афтæ. Уымæн æмæ сæ куыст кæрæдзийыл баст у.

Аудæм нæ иумæйаг хæдзар - нæ горæтыл

Нæ горæт кæй рæзы æмæ рæсугъд кæны, уый абон нал у зын рахатæн. Ацы бæллиццаг хабарыл иутæ кæнынц цин, аннæтæ та, раст цыма, уыдон ацы горæты нæ цæрынц, уыйау ын кæнынц фыдаудæн митæ. Ацы æмæ æндæр фарстыты тыххæй нæ уацхæссæг фембæлд æмæ ныхас кодта Цхинвалы горæты цæрæнуатон-коммуналон хæдзарады управленийы хистæр Тыбылты Геннадимæ.
- Октябры уынг ахæм рæсугъд хуыз куы райста, уæдæй фæстæмæ уынджы, уæлдайдæр та изæрыгæтты, фенæн вæййы бирæ адæм тезгъогæнгæ. Æз дæр дзы фæтезгъо кæнын арæх æмæ ныридæгæн, куыд æндæртæ, афтæ æз дæр нæ æмбæстæгтæй иуæй-иуты митæ æмæ ахастытæм бамæстджын вæййын. Уынджы цæрджытæй бирæтæ сæ акомкоммæ газонтыл сарæзтой бетонон ахизæнтæ, сæвæрдтой сыл дуртæ, æндæр алыгъуызон æрмæджытæ. Хъуыддаг дарддæр афтæ куы цæуа, фæткхалджытæн ныхкъуырд лæвæрд куы нæ уа, уæд, гæнæн ис æмæ ацы уынг йæ аив хуыз фесафа. Цахæм мадзæлттæ исдзыстут ахæм фæткхалджыты ныхмæ æмæ кæд?

Иудзинад æви иухуызондзинад

Кæддæриддæр адæмы раздзæуджытæ тырныдтой адæмы æмæ бæстæйы хъомыс фæфылдæр кæнынмæ, æмæ уый сæраппонд пайда кодтой æппæт амæлттæй дæр. Уыцы хъуыддаджы та æппæты стырдæр нысаниуæг ис иудзинадæн.
Уый афтæ у, фæлæ алы раздзог æнæхин æмæ рæстаг нæ вæййы, æмæ уыдонæй иуæй-иутæ адæмы иудзинады хъуыды баивынц æндæр æнгæс æмбарынадæй, уымæн æмæ, цæмæй адæмыл паддзахиуæг кæнай, уый тыххæй сын хъуамæ æххæст сæрибардзинад, иудзинады бар ма радтай… Ахæм у сæ хъуыды залым паддзæхтæн. Уыдонæн фаг нæ вæййы адæмыл, бæстæтыл паддзахиуæг кæнын, хъуамæ адæмы зонд æмæ хъуыдыйы цы ис, уый дæр сын зындгонд уа, цæмæй сыл сæ бар цæуа. О, фæлæ искæйы хъуыды базонын тынг зын у, растдæр зæгъгæйæ та йын нæй базонæн, кæд æмæ дын уый йæ зæрдæ йæхæдæг нæ байгом кæна, уæд. Уæдæ залым цы сараздзæн адæмы йæ дæлбар бакæныны сæраппонд? Байтаудзæни сын йæхæдæг сæ зæрдæты йæхи мыггаг, æмæ йæ ахæм хуызы байтаудзæни, цæмæй йæ адæм райсой цингæнгæйæ. Уый фæстæ ма йын цы зонын хъæудзæн, сæ зæрдæйы цы хъудыдытæ æмæ фæндтæ ис, уыдон! Уыйадыл иудзинады æмбарынад истæмæй баивын хъæудзæн, йæхи æнгæс, йæхи халдих куыд уа.

«Поэзи - мæ сагъæсты æргъæу галуан»

dzugaev.JPGÆвæццæгæн, сфæлдыстадон адæймаджы лæгæй-лæгмæ зонай, сæйраг уый нæу, сæйраг у йе сфæлдыстадимæ базонгæ уæвын. Фыссæгæн йæ удыхъæд, йæ миддуне базонæн ис йæ уацмысты руаджы дæр. Дзугаты Георги, Нафи, Бестауты Георги, Дзуццаты Хадзы-Мурат, Джыккайты Шамил æмæ бирæ æндæр курдиатджын фысджытæ цы адæммæ уой, уыдон чысыл нымæц æмæ мæгуыр не сты. Арæх фехъусæн вæййы ахæм ныхæстæ, Дзугаты Георги, дам, æрмæст йæ поэмæтæ «Бындзыг» æмæ «Уарзт» куы ныффыстаид, уæд-дæр йæ ном баззадаид ирон литера-турæйы классикæй. Уыцы ныхасыл разы дæн æз дæр. Хорз æй хъуыды кæнын, уæлдæр кълæсты, ацы поэмæтæ цы чингуыты уыдысты, уыдон куыд раскъæф-баскъæф кодтам æмæ сæ кæрæдзийæн куыд кастыстæм. Абоны онг дæр, «Бындзыг» кæсгæйæ, мæ цæссыг нæ уромын, «Уарзт»-ы амындтытæ та зондзонæн уыдысты бирæ æрыгон чызджытæн.
Поэт, прозаик, публицист, драматург, тæлмацгæнæг, Хетæгкаты Къостайы æмæ бирæ литературон премиты лауреат Дзугаты Георги рох нæу йæ адæмæй. Стыр кад ын кæнынц Иры дзыллæтæ. Уый та ныр дæр рабæрæг, 7-æм апрелы фыссæджы 105 азы юбилейы кадæн Дзæуджыхъæуы центрон библиотекæйы цы мадзал арæзт æрцыд, уымæй дæр. Бацæттæ йæ кодта Цæгат Ирыстоны культурæйы сгуыхт кусæг, амынд библиотекæйы бæстæзонæн хайады сæргълæууæг Дзугаты-Мурасты Риммæ. Изæрмæ æрбацыдысты фысджытæ Ходы Камал, Дасохты Музафер, Джусойты Нафи, Агънаты Гæстæн, Соттиты Риммæ, ахуыргонд Цыбырты Людвиг, Хуссар Ирæй йæ фырт Дзугаты Къоста, Парламентон комитеты сæрдар, фыссæг Гæбæраты Юри, Георгийæн йæ хæрæфырттæ Басаты Левæ æмæ Батраз, йæ иннæ хæстæг æмæ къабæзтæ, мыггаджы минæвæрттæ, йе сфæлдыстадæн табугæнджытæ, скъоладзаутæ… Мæскуыйæ сæрмагондæй ссыд Георгийы чызджы чызг Катауты Маринæ.

Бæрæгбон, кæцы бæрæг кæны нæ тугæй арæзт паддзахады хæдбардзинад

259-6.jpgХуссар Ирыстоны историйы ахсджиагдæр бæрæгбонтæй иу у нæ паддзахады сæйраг закъон — Конституцийы бæрæгбон.
1990 азы 20 азы Республикæ Хуссар Ирыстоны хæдбардзинад куы расидтысты, уæд райдыдтой кусын паддзахадон органтæ æмæ паддзахадон атрибуттæ саразыныл — райст æрцыдысты Республикæ Хуссар Ирыстоны Герб, Тырыса æмæ Гимн. Цыппæрæм ахсджиаг къахдзæф та уыд Конституци райсын.

Цæр, дидин æфтау, Ленингоры район

DSC03568.JPGНæ республикæмæ Олег Говоруны кусæгон балцы дыккаг бон райсомæй РХИ-йы Президент æмæ мæскуыйаг уазæг сæ фæндаг акодтой Ленингоры районмæ. Семæ ма уыдысты Говоруны æмбæлццæттæ, нæ республикæйы Хицауады Сæрдар Хъуылымбегты Доменти, Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард, йæ хæдивæг Цхуырбаты Зæлинæ, РХИ-йы Культурæйы министр Остъаты Мадинæ æмæ республикæйы разамынады æндæр бæрнон кусджытæ. Банысан кæнын хъæуы уый æмæ ацы дæрддаг район куыд Мæскуыйы, афтæ республикæйы сæрмагонд хъусдарды бын кæй ис. Афтæ кæй у, уымæ гæсгæ йæ Мæскуыйæ æрцæуæг бæрнон кусджытæ æнæбабæрæггæнгæ нæ фæвæййынц. Хæрзæрæджы та ам кусæгон балцы уыдис РХИ-йы Хицауады Сæрдар Хъуылымбегты Доменти. Уыдон фæцымыдис кæнынц район куыд æндидзы, куыд скъуыддзаг цæуынц, йæ цæрджытæ тынгдæр цæуыл тыхсынц, уыцы проблемæтæ.

Олег Говорун бабæрæг кодта арæзтцæуæг объекттæ

govorun.jpg5-æм апрелы нæ республикæмæ кусæгон балцы æрцыд Хæдбар Паддзахадты Æмхæларады бæстæтæ, Республикæ Абхаз æмæ Республикæ Хуссар Ирыстонимæ социалон-экономикон æмгуыстады фæдыл Уæрæсейы Федерацийы Президенты управленийы хистæр Олег Говорун. Йемæ ма уыдысты йæ хæдивæг Денис Травин æмæ æндæр бæрнон кусджытæ.
Райдианы уыдон бацыдысты Республикæ Хуссар Ирыстоны Президент Тыбылты Леонидмæ. Кусæгон балцы рæстæджы уыдон дзырдтой, æрæджы Уæрæсейы Федераци æмæ Хуссар Ирыстоны президенттæн цы фембæлд уыд, уый фæстиуджытыл. Дыууæфарсон æмгуысткæнынады цы къорд фарстытыл дзырдæуыд, уыдонæй сæйрагдæртæ уыдысты Хуссар Ирыстоны социалон-экономикон рæзты фарстатæ.
Олег Говорун загъта: «Уæрæсейы Федерацийы Президент стыр хъусдард здахы, 2016 азæн Хуссар Ирыстоны социалон-экономикон рæзтæн ахъазгæнæг Инвестицион программæ реализаци куыд цæуы, уыцы фарстытæм».

Фембæлд Уæрæсейы Федерацийы Президенты Управленийы хистæр Олег Говорунимæ

IMG_1882.JPGРХИ-йы Президент Тыбылты Леонид фембæлд Хæдбар Паддзахадты Æмхæларады бæстæтæ, Абхаз æмæ Хуссар Ирыстонимæ социалон-экономикон æмгуыстады фæдыл Уæрæсейы Федерацийы Президенты управленийы хистæр Олег Говорунимæ. Уый республикæмæ æрцыд кусæгон балцы.
Фембæлды рæстæджы дзырд цыдис Уæрæсемæ Хуссар Ирыстоны Президенты æрæджыйы балцы фæстиуджытыл, афтæ ма социалон-экономикон рæзты инвестпрограммæ куыд æххæст цæуы æмæ арæзтадон-æндидзынгæнæн куыстытæ куыд цæуынц, уыцы фарстытыл.
«Уæрæсейы Президент Владимир Путинимæ нæ фембæлды рæстæджы уынаффæ цыд бирæнымæц фарстытыл æмæ дзы рахастæуыд æвæрццаг фæндæттæ. Абон мах дарддæр кусæм нæ республикæйы æндидзынгæнæн æмæ æвæрццаг размæцыды фарстытыл. Фидарæй мæ уырны, ацы аз дæр иннæ азтау кæй уыдзæн æнтыстджын», — загъта Тыбылты Леонид.

RSS-материал