Nog adres

Адæм, кæрæдзи уарзгæйæ цæрут!

Уæззау фыдæвзарæнтыл — хæдбардзинад банымайыны бонмæ

Августы 26-æм рухс боныл — нæ хæдбардзинад нын Уæрæсе куы банымадта, уыцы боныл — нæ адæм райзæрдæйæ, цины æнкъарæнтимæ куы æмбæлынц æмæ йæ æхсызгонæн куы мысынц, уæд æнæрымысгæ нæ бавæййынц, уыцы бонæй бæрцæй дыууæ къуырийы раздæр цы æнæрцæугæ, бауырнæн дæр кæмæн нæй, уыцы трагикон цауты дæр. Уыдон уыдысты, æгас дунейыл чи айхъуыстысты, уыцы 2008 азы августы бонтæ.
Августы хæст, ам, Цхинвалы, гуырдзыимæ арæнгæрон хъæуты æмæ, æгæрыстæмæй, Дзауы районы цæрджытæй дæр бынаты чи баззадысты, уыдонæй кæмæн дæр сæ удтыл, сæ нуæрттыл рацыдис. Хæст иу уыд, фæлæ йæ алчи йæхи цæстæй уыдта, алкæуыл йæхирдыгонау æндæвта, алкæмæн йæхи хъизæмæрттæ хаста.

НЫМАД ПАДДЗАХАДЫ ÆНДИДЗЫНАД

2008 азы августы хæст нын «бынæн» цы ныууагъта, уый – пырх горæт æмæ арæнгæрон хъæутæ, бирæнымæц удызиæнттæ æмæ æвдæрзт удтæ… Цы удызиæнттæ ныл æрцыд, нæ удтæ цы бавзæрстой, уыдонæн баххæстгæнæн нал ис, пырх, дæрæн цы æрцыдис, уыдон цадæггай æндидзыд цæуынц. Бæрцæй æртæ азы рацыд, фæлæ нæ горæт йæ хуыз зынгæ фæивта. Сыгъд æмæ пырх цы хæдзæрттæ æрцыдысты, уыдоны бынæтты, иу стæмтæй дарддæр сырæзтысты ног, райдзаст, хæрзарæзт хатæнтимæ хæдзæртты. Уыдонæй бирæты ныридæгæн цæрынц сæ хицæуттæ, иннæтæ та сты эксплуатацимæ радтынæввонг.

ХÆДБАРДЗИНАДЫ ЕГЪАУ НЫСАНИУÆГ

ААдæймаг сæрибар, хæдбар паддзахады куы цæра, уæд уый амонды нысан у. нæ республикæйы æмбæстæгтæ æхцонæн сулæфыдысты, Стыр Уæрæсе нын нæ хæдбардзинад куы банымадта, уæд. Цины уылæнтæ хъазынц нæ цæсгæмттыл, зæрдæ æхсызгондзинады æнкъарæнтæй байдзаг, ахæм цау куы фехъуыстам, уæдæй фæстæмæ. Цы зæрдæйы уагимæ æмбæлынц ацы хъæлдзæг бæрæгбоныл, стæй дарддæры царды йын цы нысаниуæг дæттынц, уыдæтты тыххæй сæ хъуыдытæ зæгъынц:
Мамиты Æхсарбег, фæллойы ветеран:

АЛЦЫ ДÆР АРАЗЫН ХЪÆУЫ ДОМÆНТÆМ ГÆСГÆ

22 августы Хицауады æмбырдгæнæн залы уыд радон æмбырд. Æмбырды куысты хайад райста Президент Кокойты Эдуард, афтæ ма республикæйы министрадтæ æмæ ведомствоты сæргълæуджытæ горæттæ æмæ районты администрациты къухдариуæггæнджытæ.

Хъæппæрис / Бузныг уе ‘рхъуыдыйæ, лæппутæ!

Цхинвалæй цæугæйæ Знауыр æмæ Мугутмæ фæндæгтæ кæм фæхицæн вæййынц, уым - Аунеуы хъæуы цур 1985 азы, Стыр Уæлахизы 40-азы бонмæ æвæрд æрцыд цыртдзæвæн.

«ТРЕНЕРЫ КУЫСТЫ ХЪУАМÆ УОН БИРÆ ÆНТЫСТДЖЫНДÆР»

Æрæджы йæ райгуырæн Цхинвалмæ æрцыд уæгъдибар хъæбысхæстæй фæсивæды ‘хсæн дунейы чемпион, дунеон турнирты уæлахиздзау, Уæрæсейы фæсивæдон æмбырдгонд командæйы хистæр тренер Лалыты Вадим. Уавæрæй спайдагæнгæйæ йæ афарстам æрæджы фæсивæы ‘хсæн цы дунеон чемпионат уагъд цыд, уым бæстæйы æмбырдгонд командæ, сæйраджыдæр та ирон хъæбысхæсты скъолайы минæвæрттæ сæхи куыд равдыстой, уый тыххæй, афтæ ма æндæр фарстытый дæр.
- Вадим, радзур ма нын , ирон спортсментæ сæхи куыд равдыстой фæсивæды ‘хсæн Дунейы чемпионаты?

БАВЗÆРСТА ХÆСТЫ ХЪИЗÆМÆРТТÆ

Æхсæв йæ сау пæлæз æрæтыдта. Цалдæр лæппуйы хæдзары дæлбазыр бакъул сты æмæ æнкъардæй сæ хуыссæг сæттынц. Цæмæн, уый сын зынгонд у. Ныр цалдæр азы гуырдзиаг экстремисттæ бырсынц сабыруарзаг ирон хъæутæм æмæ кæнынц сæ знагиуæгон архайд – нæ ауæрдынц марыныл, хæдзæрттæ судзын æмæ пырх кæнынл. Уæдæ ахæм сырдон митæ чи кæны, уымæй куыннæ хъуамæ хъахъхъæнай дæхи, стæй йын ныхкъуырд дæттын дæр æнæмæнг хъæуы.

МÆ СЫГЪЗÆРИН МАЙДАН…

Хорз у сыгъзæрин майдан, цы ма вæййы хуыздæр?! Æндæртæн нæ зонын, фæлæ мæнæн æцæг майдан у. Йæ рæстæджы йын кувгæ дæр акодтам. Æмæ мæм уæд, афтæ фæкасти, цыма йæ Хуыцау дæр банымадта аккагыл.
Абон дæр дис кæнын, сызгъæрин майданы мидæг куыд бирæ куыст, куыд бирæ фыдæбон бацыди. Цас рæстæг бахордта, цас! Майданæн йæ сæйраг архайæг кæд мæхæдæг дæн, уæддæр ын бындур мæ мад æмæ мæ фыд æрæвæрдтой. Сæ дыууæ дæр зынгæ ахуыргæнджытæ, сæ хъуыддаджы дæснытæ. Сæ иу амыдта гуманитарон предмет, иннæ та - техникон.

ЗЫНДГОНД ПОЛИГРАФИСТЫ ХЪЫСМÆТ

Фыццаг хатт Гасситы Афæхъойы фырт Викторы тыххæй фехъуыстон, иуæндæс азы мыл куы цыдис, уæд. Ахуыр кодтон 5-æм къласы Дзæуджыхъæуы 1-æм скъолайы. Уыцы рæстæджы мæм уыдис немыцаг трафейон къамисæн аппарат æмæ къамисыныл фæцалх дæн. Иу заман мæ къамисæн асаст. Тынг хъыг мын уыдис, фæлæ цы гæнæн уыд. Æрзылдтæн, Дзæуджыхъæуы цыдæриддæр къамисæн ательетæ уыд, уыдоныл, фæлæ мын мæ къамисæн чи сцалцæг кодтаид, ахæм адæймаг не ссардтон. Сагъæсы бацыдтæн, цы кæнон, зæгъгæ, æмæ радзырдтон уыцы хабар ме ‘мкъласонтæн.

ЛÆГГАД КÆНЫНЦ ХЪÆУУОН ЦÆРДЖЫТÆН

Алы ирон адæймаджы зæрдæ дæр, æвæццæгæн, фæриссы, куы ахæссы Хуссар Ирыстоны хъæутыл йæ цæст, уæд. Уыдон азæй-азмæ кæнынц æдзæрæгдæр. Уый та хорз хъуыддагыл дзурæг нæу, уымæн æмæ æнæ хъæутæ республикæйæн дæр уæвæн нæй. Афтæ кæй у сæ уавæр, уымæн бирæ аххосæгтæ ис. Фæлæ цадæггай сæ цæрджыты царды уавæртæ хъæуы хуыздæр кæнын, æрдарын хъæуы æппæт проблемæтæм, цæмæй æндидза цард хъæуты дæр.

Кæм ис бынæттон продукттæн балхæнæн?

Фæтк кæм нæй, цы хъуыддаджы нæй, æгæрыстæмæй, бинонты ‘хсæн дæр, уым хорзмæ æнхъæлмæ кæсæн бирæ ницæмæ ис. Нæ царды та хатт афтæ рауайы æмæ нæ кæмдæр, цыдæр хъуыддаджы фæфæнды фæтк æрæвæрын, фæлæ рауайы иннæрдæм æмæ уый равзæрын кæны æнæразыдзинад адæммæ.
Бирæ фыстæуыд æмæ дзырдæуыд, нæ горæты центры чи ис, уыцы Чысыл базар æмæ йæ алыварс территорийы тыххæй. Раздæр, советон дуджы, ацы базАр, куыд иннæ - Стыр базар кæй хонæм, уый - колхозон базартæ хуындысты æмæ уыдысты, колхозонтæ, ома, нæ хъæууон цæрджытæ се ‘ркæнгæ продукттæ кæм уæй кодтой, ахæм бынæттæ. Уæд нæ хъæуты уыд бирæ цæрджытæ, куыстой сæ зæххы фадгуытæ, дардтой фос æмæ алыгъуызон хъæууонхæдзарадон продукттæй ифтонг кодтой нæ иунæг горæт - Цхинвалы цæрджыты. Ифтонг нæ, фæлæ сын проблемæ уыдис сæ реализаци кæныны æмæ ма сæ Гуры базармæ дæр ластой.

/Ардбахæрд/ Иууыл бæрзонддæр хæс — Фыдыбæстæ хъахъхъæнын

Сабаты 13 августы Хуссар Ирыстоны столицæ Цхинвалы, Хъайтарты аллейæйы, Æнусон арты цур уыд Æфсæддон ардбахæрды цытджын церемони Хуссар Ирыстоны Гарзджын тыхты æвзонг хæстонтæ — 2011 азы уалдзæджы æрсидтонтæн. Цытджын мадзалмæ æрбацыдысты Республикæйы Президент Кокойты Эдуард, æвзонг хæстонты хиуæттæ, горæты цæрджытæ. Ардæм ма æрбацыдысты дунеон ахуырадон форум «Ирыстон-2011»-ы хайадисджытæ, кæцы уыд Ерцъойы цады цур æмæ йæ куыст фæцис 12 августы.
Цытджын церемонийы раныхас кодта Уæлдæр Сæйрагкомандагæнæг Президент Кокойты Эдуард.

Хицауады сæрдар бабæрæг кодта социалон нысаниуæджы объекттæ

Ацы бонты РХИ-йы Хицауады Сæрдар Вадим Бровцев азылд æмæ бабæрæг кодта нæ горæты социалон нысаниуæджы объектты цалцæггæнæн куыстытæ куыд куыд æххæст цæуынц, уый. Премьеримæ ма уыдысты горæты администрацийы сæргълæууæг Хуыгаты Герасим, Финансты министр Ирина Сытник æмæ æндæр бæрнон адæймæгтæ.
Вадим Бровцев фæуазæг «Мæскуыйаг» микрорайоны сывæллæтты рæвдауæндонмæ дæр. Йæ сæргълæууæг Битеты Фатимæ куыд банысан кодта, афтæмæй сывæллæтты рæвдауæндон кусы дыууæ мæйы, йæ кусджытæ æрвылбон дæр сты сæ куысты уæлхъус, фæлæ сæ сывæллæтты рæвдауæндонæн йæ авналæнтæ æмæ фадæттæ тынг цыбыр сты. Ифтонг нæу электрон рухс, дон æмæ хъæрмадæй. Афтæ ма стыр зындзинæдтæ æвзарынц транспорты аххосæй дæр. Сывæллæтты ныййарджытæ куыд банысан кодтой, афтæмæй сæм кæд цыбыр рæстæг изæры 5 сахаты онг куыста автобус, уæд та уымæй дæр ныр æнæхай фесты.

Ма фесафæм нацийы хæзна


«У иу æвзаг дæр а-дунейæн фаг,
Фæлæ нæ ивынц мады риу æндæрыл,
Мæлæн дын нæй, мæ фыдæлты æвзаг,
Кæд-ма æрбайсæфт хоры нæмыг мæры».
ХАДЖЕТЫ Таймураз

Не ‘взаг абон уæззау уавæры кæй ис, уый алчидæр æмбары, иу æнæзонд, дурзæрдæ ма уæд адæймаг, уый йедтæмæ.
2009 аз нæ республикæйы расидтæуыд ирон æвзаг æмæ литературæйы бындурæвæрæг, гениалон фыссæг, поэт, прозаик, драматург, публицист æмæ нывгæнæг Хетæгкаты Леуаны фырт Къостайы азæй. Уый цытæн нæ горæты уагъд цыдысты алыхуызон мадзæлттæ. Уый хорз хъуыддаг — ахæм мадзæлтты фæрцы мах фæдзурæм иронау.
Æвзаг у æхсæнадон фæзынд, уый рæзы дзæллæйы рæзтимæ иумæ, у, адæм кæрæдзиимæ цæй фæрцы дзурынц, сæ хъуыдытæ цæй цæй фæрцы æмбарын кæнынц, ахæм фæрæз.

ГÆРЗТÆХСÆНЫ ЛÆГГÆДТÆ

Рæстæджы фæивд йемæ бирæ ивындзинæдтæ æрхæссы. Уыдонæй иутæ æппæрццагæй бандавынц æмбæстæгтæ, æхсæнадыл. Фæлæ алы къуырццæвæнæй дæр кæй ис рахизæн, уый дæр зындгонд у. уый фæстиуæгæн иу кæнæ иннæ куыстуат, хæдзарады хъуыддæгтæ размæ акъахдзæф кæнынц, æвæрццагæй фæзынынц æмткæй адæймаджы æрвылбонон цардыл.

RSS-материал