Nog adres

Адæм, кæрæдзи уарзгæйæ цæрут!

Фыццаг дзæнгæрæг | Фаронæй фылдæр фыццагкъласонтæ

DSCN4974_0.jpg 1-æм сентябрь. Зонындзинæдты бон. Ацы бон нæ горæты скъоладзау фæсивæд хъæлдзæг æмæ рæсугъдæй, стыр цины æнкъарæнтимæ цыдысты сæ уарзон æмæ бæрæгбонвæлыст скъолатæм. Цингæнгæйæ æмбæлдысты сæ ахуыргæнджытæ æмæ æмкъласонтыл. Чъызгæ æмæ æнæуæндон къахдзæфтæй сæ ныййарджыты къухтыл хæцгæйæ цыдысты, ацы аз фыццаг хатт скъолайы къæсæрæй чи бахызт, уыцы сабитæ дæр.
Ахæм бæрæгбонон зæрдæйыуагимæ æнхъæлмæ кастысты æмæ æмбæлдысты сæ ахуыргæнинæгтыл нæ горæты 5-æм астæуккаг скъола æмæ йæ ахуыргæнджытæ дæр. Байдзаг ис йæ кæрт аив фæлыст скъоладзау фæсивæдæй, афтæ ма сын сæ бæрæгбоныл цин кодтой æмæ семæ æрбацыдысты сæ ныййарджытæ дæр.
Зонындзинæдты боны цытæн ацы скъолайы ахуыргæнинæгтæ æмæ ахуыргæнджытæн арфæ кæнынмæ æрбацыдысты нæ республикæйы Президент Кокойты Эдуард, РХИ-йы Хицауады Сæрдары хæдивæг ХЪуылымбегты Доменти, Ахуырад, зонад æмæ фæсивæдон политикæйы министр Джиоты Арянæ.

ДÆ РЫСТ ДЫН НОГ ЦАРДЫ ЦИН ФЕСАФÆД!

Сывæллон чызджы тынг фæндыд актрисæ суæвын æмæ ирон театры кусын. Уыцы-иу фын арæх УЫдта - ирон уæлæдарæсы сценæйыл лæууы, къухæмдзæгъд йæ хъустыл уайы, дидинджыты бастытæ къухты нал цæуынц, йæ сæрæй уæздан кувы табугæнджытæн. Уарзта зарын, кафын, æмдзæвгæтæ аивæй кæсын. Бурдзыкку, цъæхдзаст рæсугъд чызджы æнæхъæн сыхбæстæ, мыГГаг, æмгæрттæ уæлдай уарзт кодтой. Куысты рæстæджы фæллад нæ зыдта, ныййарджытæн коммæгæс хъæбулæй рæзыд, кæстæр хотæ æмæ æфсымæртæн та - стыр ныфс уыди.

НОГ АХУЫРЫ АЗÆЙ – НОГ СКЪОЛАЙЫ

Фыццæгæм сентябрь – Зонындзинæдты бон канд скъоладзаутæ æмæ ахуыргæнджыты бæрæгбон нæу, фæлæ ма у ныййарджыты, æмткæй æхсæнады бæрæгбон дæр. Афтæ уыд 1-æм сентябры Цхинвалы районы Тъбеты хъæуы ногарæзт скъолайы раз дæр. Нырма зæрин хур йæ тынтæй тынг не ‘рындæвта, афтæ скъолайы кæртмæ чыртæ-чыртæй цыдысты хъæубæстæ, цæмæй сæ зæрдæйы тавсæй бацин кæной хъæлдзæг æмæ райдзаст бæрæгбоныл. Æмæ уый æмбæрстгонддæр уыд.

ДЗЫРД ЦЫД АХУЫР – ХЪОМЫЛАДОН КУЫСТ ФÆХУЫЗДÆР КÆНЫНЫЛ

Уыд Цхинвалы районы ахуыргæнджыты августы конференци, 2010-2011 ахуыры азы бакæнгæ куысты, стæй дарддæр цы куыст бакæнын хъæуы, уыдæтты тыххæй лæмбынæг æрдзырдта районы адæмон ахуырады хайады сæргълæууæг Лолоты Барис. Уый куыд банысан кодта, афтæмæй ацæугæ ахуыры аз районы скъолаты нымæц уыд 12 æмæ сæ ахуыр та кодта 245 ахуыргæнинаджы. Зæгъын хъæуы уый, æмæ цæугæ семинар фыццаг кæй уыд Арцеуы астæуккаг скъолайы адæмон ахуырады кусджытæ æмæ скъолаты директорты хайадистæй.

Тымбыл фынг/ ÆВЗАДЖЫ ХЪЫСМÆТЫЛ - ЗÆРДÆРИС НЫХАС

Рагæй дзурынц Ирыстоны разагъды адæймæгтæ ирон æвзаджы уавæрыл, домынц ацы фарстмæ паддзахадон цæстæй кæсын, бæрнон къахдзæфтæ акæнын. Уымæн æмæ уыдон хорз æмбарынц национ æвзаджы сæфт нацийы сæфт кæй у. Вæййы афтæ æмæ фæлтæргай рауылæн кæнынц ирон æвзаг хъахъхъæныны, æнувыд ыл уæвыны, ма йыл уæлæхох кæнæм, уый тыххæй алыгъуызон мадзæлттæ, стæй та фæстæмæ ныхъхъус вæййæм. Фæлæ дзы абоны онг дæр ахæм нæма уыд, уавæр бындуронæй чи фæива.

ÆВЗÆРСТЫТЫ ХЪУАМÆ УА ФÆТК /Президент фембæлдис ЦÆК-ы кусджытимæ

Ацы бонты Президент Кокойты Эдуард фембæлд нæ республикæйы ног Централон Æвзарæн Къамисы скондимæ æмæ сын раарфæ кодта сæ къамис ногæй сæвзæрыны цытæн. «Мæн фæнды стыр бузныг зæгъын Централон æвзарæн къамисæн, уымæн æмæ уый у ахсджиаг æмæ вазыгджын республикон орган. Фæнды мæ уе ‘ппæтæн дæр зæгъын, цæмæй æнтыстджын уат уæ куыст. Смахæй уæ фылдæрмæ ис фæлтæрддзинад. Уæ куыстæн уын егъау аргъ скодтой Æхсæнадæмон цæстарджытæ æмæ Уæрæсейы Федерацийæ уæ коллегæтæ.

ФАДАТ УЫДЗÆН КУРДИÆТТÆ РАРГОМ КÆНЫНÆН

Сентябры мæйы æппæт радиостанцты дæр райдайы алæвæрдты ног рæстæг. Уый хынцгæйæ, радиосанц «ИР»-ы арæзт æрцыд ног алæвæрдты проект «Стъалыты ферттывд». Алæвæрды нысан у Хуссар Ирыстоны курдиатджын фæсивæды æргом кæнын, кæрæдзийæн сæ хуыздæр базонгæ кæнын. Уый уагъд цæудзæн радио æмæ телеуынынады комкоммæ эфиры конкурсы бындурыл, æрвылкъуыри дæр майрæмбоны 6 сахатыл ног хабæртты фæстæ сентябрæй майы мæймæ. Йæ хайадисджытæ ерыс кæндзысты ахæм номинациты, куыд аив кæсын, музыкалон инструменттыл искæцы ирон цагъд сæххæст кæнын æмæ юмористон инсценировкæты ахъазын.

УÆЛМОНЦ ЗÆРДÆЙЫ СФÆЛДЫСТАДОН КОМУЛÆФТ Фыссæг æмæ ахуыргонд Хозиты Барисыл сæххæст 55 азы

1990 азы Цæгат Ирыстоны Паддзахадон университеты ирон филологи æмæ журналистикæйы факультеты аудиторитæй иумæ ‘рбахызт бæрзонд, хæрзконд лæппулæг. Мах ног ахуыргæнæгмæ цымыдисæй нымдзаст стæм. Уый нын уайтагъд йæхи амонынмæ фæцис: « Хозиты Барис Раздены фырт. Æз уын амондзынæн ирон литературæ, ныр уал райдайæм адæмон сфæлдыстадæй». Уый фæстæ бонты нын Барис ирон адæмон сфæлдыстадæй ахæм цымыдисон лекцитæ каст æмæ йæм мах хъусынæй не ‘фсæстыстæм. Абоны онг дæр мæ нал фекрох, уæдмæ цы нæ зыдтон, уый нын Барис куыд амыдта, уый:

ДЫУУÆ СТЫР ЛÆДЖЫ ХÆЛАРДЗИНАД

Сæ рæстæджы хорз зонгæ уыдысты Махарбег æмæ Елбыздыхъо. Æмцахъхъæнтæ, иу азы гуырдтæ уыдысты сæ дыууæ дæр. Ирыстон уæд, 1881 азы, цæмæй зыдта йæ арвыл кæй фæзынд дыууæ æрттиваг стъалыйы. Фæйнæ дыууадæс азы сыл куы сæххæст, гъе уæд базонгæ сты. Уый тыххæй Махарбег фæстæдæр фыста: «Ирыстоны драматургийы бындурæвæрæг Брытъиаты Елбыздыхъоимæ æз фыццаг хатт базонгæ дæн 1893 азы Дзæуджыхъæуы реалон скъолайы, æз пансионы хистæр къласы куы уыдтæн, уæд».

Фыццаг дзæнгæрæг/ ÆНÆХИН ЦÆСТЫТЫ – ЦАРДЫ НЫФС

Абон рæсугъд, циндзинады бон у - ног ахуыры аз та райдыдта. Абон тынгдæр цин кæнынц, уыцы рæзгæ сабитæ, скъоладзау чи ссис, йæ къах фыццаг хатт скъолайы къæсæрæй чи бавæрдта, фыццаг дзæнгæрæджы зæлтæ чи фехъуыста. Абон цин кæнынц уыцы ныййарджытæ, фыццаг хатт хæдзарæй скъоладзау чи арвыста. Цин кæнынц ахуырдзаутæ иууылдæр, уымæн æмæ иу аз фæхъомылдæр сты, сабидугæй æвзонгадмæ феввахсдæр сты.
Цин кæны махæй алчи дæр, уымæн æмæ уыцы сабитæ, фыццагкъласонæй хистæркъласонмæ – иууылдæр сты нæ сабитæ, нæ къабæзтæ, иууылдæр нæ Фыдыбæстæ Ирыстоны хъæбултæ сты.

Августы хæст, августы уæлахиз

Хуссарирыстойнаг адæм сæ хæдбардзинадмæ фæндагыл цæугæйæ, цы хъизæмайраджы бонтæ æмæ æхсæвтæ фервыстой 20 азы дæргъы, уыдон, зæгъгæ, алы бон дæр кинолентæтыл истой, уæд сæ рауадаид ду

Нæ хæдбардзинад банымайыны 3 азы бонмæ/ ÆФСЫМÆР КÆМÆН ИС…

Къостайы зындгонд рæнхъытæ Къубалты Алыксандр æмæ йæ кадæг «Æфхæрдты Хæсанæ»-йы тыххæй лæууынц нæ зæрдыл. 1899-æм азы рухæны мæйы 7-æм бон Херсонæй Цæлыккаты Аннæмæ фыста: «Кубалова, к сожалению, я не знаю - видел его только раза два. Судя по его «Æфхæрдты Хæсанæ», я не вижу в нем тихой вдумчивости в смысл и цель жизни и поэзии. И это не потому, что он еще молод, - нет!» Фæлæ-ма нын афтæ зындгонд у æндæр хабар - Къостайы тыххæй Джусойты Нафи зæгъы: «Йæ иу фыстæджы афтæ фыссы, зæгъгæ, Дзæуджыхъæумæ куы ныццæуон, уæд-иу мæ размæ рацæут æмæ мын декламаци кæнут «Æфхæрдты Хæсанæ»-йы кадæг.

Равдыст/ ЦАРДЫ ХУЫЗТÆ - АХОРÆНТЫ ДУНЕЙЫ

Хуссар Ирыстоны ацы азы августы фæстаг бонты цы бæрæгбонон мадзæлттæ арæзт æрцыд, уыдонæй, мæнмæ гæсгæ, нывгæнæг Фæрниаты Ростикы персоналон нываивадон равдыст ахсы зынгæ бынат, уымæн æмæ иннæ мадзæлттæ, ома, концерттæ, фембæлдтæ, футболон матчтæ аивгъуыдтой, нывгæнæджы куыстытæ феныны фадат та алкæмæн дæр ис суанг сентябры фыццаг бонты онг.

Бæрæгбонон æмбырд/ ÆНУСТÆМ ЗÆРДЫЛДАРÆН БОН

25 августы Цхинвалы Профцæдисты залы уыд бæрæгбонон æмбырд республикæйы хæдбардзинад банымайыныл æртæ азы кæй сæххæст, уый цытæн. Ацы залмæ æрæмбырд сты республикæйы æхсæнады минæвæрттæ.
Хуссар Ирыстоны адæмы номæй, Республикæ Хуссар Ирыстоны Президент æмæ Хицауады номæй Вадим Бровцев арфæйы ныхæстæ загъта Уæрæсейы Федерацийы Президент Дмитри Медведевæн, Хицауады Сæрдар Владимир Путинæн, Уæрæсейы Федерацийы æппæт адæмæн «ахæм раст, вазыгджын, фæлæ ахсджиаг уынаффæйы - Республикæ Хуссар Ирыстоны суверенитет банымайыны тыххæй».

НЕ СТЫРДÆР БÆЛЛИЦ СÆХХÆСТЫ БОН

Абон æртæ азы сæххæст Уæрæсейы Федераци нын нæ хæдбардзинад куы банымадта, уыцы ахсджиаг боныл. Историйы цалх æнæрынцойæ зилы, рæстæджытæ æмæ дугтæ дæр йемæ æмдзу кæнынц. Ирыстоны хуссар хайыл иу æмæ дыууæ хатты не скодта мылазон рæстæджытæ. Гуырдзыстоны хицауад дзæвгар хæттыты хъавыд ирон дзырд æмæ ирон фарн лæджы бабын кæнынмæ. Æмæ йын кæд уый не ‘нтыст, уæддæр нын бонæй-бонмæ нæ туг æхсныфæй нуæзта. Дзæвгар азтæ фæцыд Хуссар Ирыстон йæ хæдбардзинад банымайыны бонмæ. Йæ цардбæллон хъæбултæй дзæвгар æрхастой сæ сæртæ нывондæн сæ фыдæлты уæзгуыты сæрвæлтау.

RSS-материал