Nog adres

Адæм, кæрæдзи уарзгæйæ цæрут!

/ФОРУМ/ НЫРЫККОН ПАДДЗАХАДЫ АРÆЗТАДÆН – ЭФФЕКТИВОН ЭКОНОМИКÆ

2011 азы 20 сентябры Республикæ Хуссар Ирыстоны столицæ горæт Цхинвалы уагъд æрцыд фыццаг уæрæсейаг-хуссарирыстойнаг форум «Республикæ Хуссар Ирыстон: эффективон экономикæйы руаджы нырыккон паддзахад саразын», кæцы организаци æрцыд «Евразиаг иртасынæдты институт»-ы рæзты фонд, Уæрæсейы Федерацийы Президенты Администраци æмæ нæ республикæйы Президенты Администрацийы æххуысæй. Форумы куысты Уæрæсе æмæ Хуссар Ирыстонæй хайад райстой 300 адæймагæй фылдæр – политиктæ, паддзахадон органты минæвæрттæ, амалиуæггæнджытæ, эксперттæ, журналисттæ.

ÆМГАРЫ МЫСГÆЙÆ

Нырма адæймаджы уæнгтæн æхцондзинад чи хæссы, ахæм хъарм дымгæ йæ хъæбысы акæны Хуриты Гивийы ингæн æмæ, цавæрдæр, æрмæстдæр æрдз йæхæдæг кæй зоны, ахæм узæлд ыл кæны йæ хуыздæр хæларау – «иунæгæй дæ нæ ныууадздзынæн»-ы ныфсытæ йын æвæры, йæ хъусы йын цыдæртæ асусу-бусу кæны, чи зоны йын йæ хæлæртты зæрдæйы маст, кæй йæ мысынц, иунæг бон дæр ын кæй нæ рох кæнынц йæ рухс фæлгондз, уыдæттæ йын адзуры, æмæ та йæ фæндаг адарддæр кæны, æрбайсæфы æдзæм уæлмæрды… Стæй та – ногæй æмæ ногæй…

Форум/ ГУМАНИТАРОН ФАДЫДЖЫ ÆМГУЫСТАД

20 сентябры, республикæйы Хæдбардзинады боны бæрæгбонон мадзæлттæй дарддæр Цхинвалы ауагъдæуыд ахсджиаг кусæгон фембæлдтытæ дæр. Республикæ Хуссар Ирыстоны экономикæйы рæзтæн баххуыс кæныны нысанæн «Евразиаг иртасынæдты институты» Рæзты фонды хъæппæрисæй Хуссар Ирыстоны Профцæдисты хæдзары ауагъдæуыд Фыццаг уæрæсейаг-хуссарирыстойнаг экономикон форум. Уыцы форумы фæлгæтты ауагъд æрцыдысты цалдæр тымбыл фынджы. Уыдонæй иу уыд ахæм темæйыл «Уæрæсейаг-хуссарирыстойнаг гуманитарон тыгъдад: проблемæтæ æмæ перспективæтæ».

Химæрайст/ УАЗÆГ – ХУЫЦАУЫ УАЗÆГ

20 сентябры Республикæ Хуссар Ирыстоны хæдбардзинад расидыныл 21 азы сæххæсты бон нæ республикæйы уагъд цыд фыццаг уæрæсейаг-хуссарирыстойнаг форум. Йæ куысты хайад райсыны тыххæй Хуссар Ирыстонмæ æрцыд стыр делегаци уæрæсейæ йæ сæргъ Уæрæсейы Федерацийы Президенты Администрацийы къухдариуæггæнæг Сергей Нарышкин, афтæмæй.

Уазджытыл нæ республикæйы къухдариуæгад Президент Кокойты Эдуарды сæргълæудæй цытджын æгъдауæй сæмбæлдысты Хицауады хæдзары раз.

Тугъанты Махарбег — 130-азы | Байгом стыр нывгæнæджы равдыст

Цхинвалы байгом стыр ирон нывгæнæг Тугъанты Махарбеджы нываивадон равдыст. Хуссар Ирыстоны Нывгæнджыты цæдисы сæрдар Цхуырбаты Тамерлан загъта, зæгъгæ, равдысты уæвæг нывтæ гуырдзиаг агрессийы фæстæ уыдысты Цæгат Ирыстоны, Дзæуджыхъæуы. Ныртæккæ сæ æрластой, Тугъанты Махарбег цæрæн æмæ кусæн бынатæн цы горæт равзæрста, удуæлдай лæггад кæмн фæкодта, уыцы горæтмæ — Цхинвалмæ. «Ацы хæзнатæ сты æппæт ирон адæмы исад, — зæгъы Тамерлан. — Махарбеджы нывты ис йæ æнæкæрон стыр курдиаты хъомысджын цæстынгас эпикон нартты цардмæ. Фæнды мæ, цæмæй ацы шедеврты фæрцы нæ сабитæ, нæ адæм иууылдæр хуыздæр æмбарын райдайой нæ адæмон эпосы тæмæссаджы кадджытæ ».
Республикæйы Бон нысан кæнынæн ма ацы бонты Цхинвалы байгом хуссарирыстойнаг нывгæнджыты равдыст.
Уæдæ фæтагъд кæнут равдыстыты залмæ, ахæм фадæтæй куыннæ хъуамæ спайда кæна адæймаг!
ДАМБЕГТИ Иринæ

РЕСПУБЛИКÆЙЫ ÆМБАЙ

Хуссар Ирыстоны хæдбардзинады расидыны бон нæ республикæйы æппæт цæрджытæн дæр ссис иумиаг бæрæгбон æмæ йæ алчидæр бахъуыды кодта йæхирдыгонау. Бирæтæн ма ссис сæхи царды дæр зæрдылдаринаг бон. Цхинвалы районы Сарабукъы хъæуы цæрджытæ Кокойты Роберт æмæ Цъæхилты Светæйæн 20 сентябрь ссис дывæр бæрæгбон. Уыцы бон æрыгон бинонтæ фæфылдæр сты, рухсмæ сын фæзынд дыккаг хъæбул, се ‘ртæаздзыд фыртæн та - чысыл æфсымæр.

ФÆЛЛОЙЫ УЫНЫ ЙÆ АМОНД

Куыройы къуту - мæ къуту…
Зарæджы ацы ныхæстæ зæрдыл æрбалæууынц, куыройы фыдты æнæрынцой уынæр хъустæ куы ацахсынц, уæд. Цахæмдæр æхцондзинад фæхæссы адæймаджы уæнгтæн йæ хъæлæба, йæ куыст. Нал сты раздæрау афтæ арæх куырæйттæ, цыма рæстæджы иувæрсты фæхъуызынц, афтæ нæм кæсы.

ФЫД ÆМÆ ФЫРТ (Тугъанты Махарбеджы райгуырдыл 130 азы бонмæ)

Дунейы ис, уæларвмæ кæй систой, Ахæм нывгæнджытæ æмæ сæ рæнхъы лæууы не стыр нывгæнæг. Бирæтæй та ноджы уæлдæр лæууы. Фæлæ, хъыгагæн, чысыл нацитæ цæсты нæ ахадынц, сæ хайбавæрд æмæ сæ ном уæрæх дзыллæтæ нæ фæзонынц. Æз ныртæккæ нæ дзурдзынæн Махарбегæн йе стыр нысаниуæгыл, уый иттæг хорз зыны йæ диссаджы нывтæй. Мæн фæнды æрдзурын Махарбег æмæ йæ фырт Енверы кæрæдзиимæ ахастытыл, стыр нывгæнæджы иунæг фыртимæ мын цы хæлардзинад уыдис, ууыл.

ИРОН ÆВЗАГ САГЪÆССАГ ЦÆМÆН ССИС?

Фæстаг рæстæджы æвзаджы фарстытæм нæ æхсæнады уæлдай стырдæр хъусдард здæхт цæуы. Мадæлон æвзаг бахъахъхъæнын æмæ йæ рæзын кæнын ссис нæ паддзахады ахсджиагдæр хæстæй сæ иу. Уымæн æмæ не “взаг куынæуал уа, уæд нæхæдæг дæр куыд наци, афтæ нал уыдзыстæм. Уымæ гæсгæ, фæстаг азты цæуы бирæвæрсыг куыст, цæмæй нæ мадæлон æвзаг махыл ма банцайа, фæлæ йæ дарддæр ахæццæ кæнæм, цæмæй йæ нæ рæзгæ фæлтæр уарзой, зоной, æмæ йыл дзурой.

Централон æвзарæн къамис кæны ахсджиаг куыст

Куыд зонæм, афтæмæй йæ куыстмæ активонæй æрæвнæлдта республикæйы Централон æвзарæн къамис. Йæ куыст æмæ архайды фæдыл нын Æвзарæн къамисы сæрдар Плиты Беллæ афтæ радзырдта: «Абоны бонмæ Централон æвзарæн къамис, сæйраджыдæр, регистраци кæны, инициативон къордтæ президентмæ цы кандидаттæ раразмæ кæнынц, уыдон. 13 сентябрмæ ЦÆК срегистраци кодта 11 инициативон къорды. Уыдонæй 7 райстой регистрацион бæлвырдгæнæнтæ къухфыстытæ æмбырд кæныны баримæ.
Коцты Аланы инициативон къорд 12 сентябры æрбахастой мин къухфысты æмæ уыцы документаци ныртæккæ цæуы бæрæг».

Спорт | Дунейы чемпионат

Туркаг горæт Стамбулы райдыдта Дунейы чемпионат спортивон хъæбысхæстæй. Ерысты фыццаг бон грекъаг-ромаг хъæбысхæстæй турниры бронзæ майдан рамбылдта Тотраты Рустам. Уый архайдта 96 кг. уæзы категорийы. Рустам йæ тохтæ иууылдæр акодта бæрзонд æмвазадыл. Æрмæст дæр 1/4 финалы фæхæрд болгайраг богал Эллис Гурийæн. Рустам фыццаг рæстæджы рамбылдта 5:0 хыгъдæй, фæлæ стæй фæхæрд дыууæ рæстæджы, 04, 0:2. 3-аг бынат бацахсыны тохы Тотраты Рустам рамбылдта египетаг тыхджын хъæбысæйхæцæг Мохаммед Абделфатахы æмæ ссис дунейы чемпионаты бронзæ майданы хицау. Рустам ацы æнтысты фæрцы Уæрæсейы æмбырдгондæн æрхаста олимпион лицензи. "Ныр 2-аг хатт мæхи рæдыды тыххæй фæхæрд дæн Гурийæн. Уый размæ Европæйы чемпионаты дæр æй æмбылдтон, фæлæ уæд дæр гуымир рæдыд сарæзтон æмæ фæхæрд дæн. Кæй фембылды дæн, уым аххосджын дæн æрмæстдæр мæхæдæг",- ахæм комментаритæ радта йæ архайдæн Рустам.

Кафты дæсны (зынгæ ирон кафæг Цыбырты Владимирыл сæххæст 80 азы)

Ирон культурæйы кафт, куыд зарæг, афтæ ахсы иуыл ахсджиагдæр бынат. Æмæ диссаг нæ уыд 1938 азы Хуссар Ирыстоны нæм кæй байгом зард æмæ кафты паддзахадон ансамбль «Симд». Уæдæй нырмæ рацыд 70 азæй фылдæр æмæ уыцы азты дæргъы йæ сконды сæ дæсныйад æвдыстой бирæнымæц курдиатджын кафджытæ, кæцытæ дисы æфтыдтой сценæмæкæсджыты канд Ирыстоны нæ, фæлæ ма Уæрæсейы æмæ бирæ æндæр бæстæты.

ТÆХУДЫ ИСКУЫ НÆ ГОРÆТ ДÆР АФТÆ СЫГЪДÆГÆЙ КУЫ ФЕНИН!

Алы сæрд дæр мæн æмæ мæ чысыл æфсымæры нæ ныййарджытæ акæнынц денджызы былмæ. Афтæ уыд ацы аз дæр. Баулæфыдыстæм Краснодары крайы поселок Архипово-Осиповкайы. Мæн ацы азæй тынгдæр никуы фæндыд нæ горæтæй ацæуын. Кæд-иу иннæ азты тынг зынтæй ацыдтæн денджызы былмæ, æмæ-иу фæстæмæ та тагъд кодтон мæ райгуырæн горæтмæ æмæ ме ‘мбæлттæм, уæд ацы аз афтæ нæ уыд. Уымæн æмæ тынг бафæлмæцыдтæн нæ цъыф æмæ чъизи уынгты цæуынæй. Къæвда бонты-иу скъоламæ цæугæйæ мæ дзабыртæ куы кæм ныссагъдысты куы - кæм.

Дзырдæппарæн / ÆНУСОН ÆУУÆНК ÆВИ СЫНДЗÆХГÆД ХÆЛАРДЗИНАД?..

Абон мах - сабийæ зæрондмæ, дзурæм арфæйы ныхæстæ Уæрæсе æмæ уырыссаг адæмы адресыл. Мах нæ доны къусæй дæр кувæм, бынтон скуынæгæй нæ чи бахызта, уыцы стыр Уæрæсейæн. Стæй æрмæст хæстон æххуысы кой нæ кæнæм, ссæдз азы дæргъы нын Уæрæсе куынæ æххуыс кодтаид æмæ кæнид, уæд цæмæй æмæ куыд цардаиккам?

ÆФСЫМÆРДЗИНАД ГОРÆТТЫ ДÆР ХЪÆУЫ

Ацы бонты нæ республикæмæ æфсымæрон Цæгат Ирыстонæй фæуазæг делегаци Дзæуджыхъæуы горæты администрацийы сæргълæууæджы фыццаг хæдивæг Бæззаты Димитры сæргълæудæй. Цытджын уазджытыл зæрдиагæй сæмбæлдысты горæт Цхинвалы администрацийы къухдариуæгад. Хуыгаты Герасим æмæ Бæззаты Димитр лæмбынæг æрдзырдтой Ирыстоны сæйраг горæты администрацитæн æмгуыстады къабазы абоны онг цы бантыст, ууыл æмæ ныфс бавæрдтой дарддæр дæр æмгуыст æмæ æмархайд кæй кæндзысты.

RSS-материал