Nog adres

Адæм, кæрæдзи уарзгæйæ цæрут!

Æмбырд Президентмæ/ БАРВÆТК ХЪУАМÆ ХЪАХЪХЪÆД ЦÆУА

Республикæйы Президент Кокойты Эдуарды сæргълæудæй ауагъд æрцыд радон æмбырд. МинистАрдты сæргълæуджытæ президенты лæмбынæг базонгæ кодтой къуырийы дæргъы æрцæугæ цаутимæ. Президент стыр бузныг загъта Мидхъуыддæгты министрадæн республикæйы барвæтк хъахъхъæд кæйцæуы, уый тыххæй. «Афтæ ма мæ фæнды банысан кæнын, кæй нæм ис, Цæгат Кавказы алыхуызон субъектты æмбæстæгтæ чи сты, ахæм. Уадз, алчидæр сæ æвзарæт йæхи мидæггагон проблемæтæ. Хуссар Ирыстоны закъон æмæ хицауиуæгады ‘хсæнлæгтæ нæ хъæуы.

ÆНУВЫД ХЪОМЫЛГÆНÆГ

Скъолайы къæсæрй цы æнæхин саби бахизы, йæ уарзæгой уд кæй æвджид бакæны, йæ алы фезмæлд æмæ сныхасмæ дæр цыбæлæй кæмæ фæкæсы æмæ фæхъусы, уый ахуыргæнæг у. Ææвзонг фæлтæр хъуамæ исой фаг зонындзинæдтæ, уой æппæтварсонæй дæр цæттæ. Уыдонмæ та, фыццаджыдæр хауынц йæ хæрзæгъдау, скъолайы царды активон хайад исын, хистæртæн кад кæнын, дæхицæй кæстæртæн бахъуыды рæстæджы сæ уæлхъус æрбалæууын æмæ æндæртæ. Уыцы хæс йæхимæ чи исы, дугæн аккаг фæлтæр хъомыл кæнынмæ йæ гæрзтæ чи рабæтты, уый та, фыццаджы-фыццаг ахуыргæнæг у.

Дзырдаппарæн/ ЦЫ НОМÆЙ ДЗУРÆМ НÆХИМÆ?

Газеты ис Республикæ Хуссар Ирыстоны Хицауады уынаффæ Республикæ Хуссар Ирыстоны паддзахадон арæны сæрты хатырты бындурыл ахизыны бар кæмæн ис, уыдоны тыххæй уынаффæ. Уынаффæйы бæрæг нæу, кæцы арæны – ирон-гуырдзиаг æви ирон-уырыссаг арæны. Фæлæ хъæуты равæрд æмæ нæмттæм гæсгæ дзырд, æвæццæгæн, цæуы ирон-гуырдзиаг арæны сæрты хизыныл.

СПОРТ/ Футбол

Футболæй РЦИ-Аланийы чемпионаты фæлгæтты Цхинвалы «Спартак» цыппар боны дæргъы акодта æртæ хъазты æмæ æрæмбырд кодта 6 очкойы. Фыццаг уал фембæд Чиколайы командæимæ. Цхинвайлæгтæ сæхи равдыстой хорз æмæ рамбылдтой 4:2 хыгъдæй. Цхинвайлæгтæй пуртитæ бакъуырдтой Пухаты Руслан, Джиголаты Сослан, Хуыгаты Дмитри æмæ Кокойты Иосиф.

Фембæлд/ ИС ÆВИ НÆЙ ФÆСТИУДЖЫТÆ ЖЕНЕВÆЙЫ ДИСКУССИТÆН?..

27 сентябры нæ республикæмæ кусæгон балцы æрцыдысты Фæскавказы стабилондзинад æмæ æдасдзинады фæдыл Женевæйы дискусситы æмсæрдæрттæ.
Делегацийы сконды уыдысты: ЕÆÆО-йæ æмсæрдар Гмедриус Чекуолис, Евроцæдисæй раздæры æмсæрдар Пьер Морель, ИНО-йæ æмсæрдар Атти Турунен, ЕÆÆО-йæ Раса Остраускайте, Евроцæдисæй къамисы кусæг Тьери Беше æмæ ИНО-йæ лигъдæтты хъуыддæгты фæдыл уæлдæр къамисариаты управленийы уæнг Кристофер Биервиз.
Евроцæдисæй ног æмсæрдары хуызы дискусситы хæдразмæ фембæлды хайад райста Филипп Лефор.

ЦХИНВАЛЫ УЫДЗÆН КИНОФЕСТИВАЛЬ

Стыр киноцау рæхджы уыдзæн нæ республикæйы сæйраг горæты. Хъуыддаг уый мидæг ис, æмæ 2006 азæй фæстæмæ рæзгæ фæлтæрæн арæзт Æппæтуæрæсеон кинофестиваль «…надцатилетние», кæцыйы организатор у актер, режиссер сценарист æмæ фыссæг Валерий Приемыховы Хæрзаудæн фонд, традицион æгъдауæй вæййы Мæскуыйы. Фæлæ ацы аз, октябры фæстаг бонты, йæ фысым суыдзæн Цхинвал. Уый у стыр культурон мадзал.

НЫХАС ÆВЗÆРСТЫТЫЛ, ДАРДДАРЫ ХÆСТЫЛ

Республикæ Хуссар Ирыстоны Президент Кокойты Эдуарды сæргълæудæй уагъд æрцыд æрвылкъуырион хыгъдон æмбырд.
Республикæйы сæргълæууæг æмбырды райдиан бузныг загъта республикæйыл 21 азы сæххæсты боны цытæн бæрæгбонон мадзæлтты æмæ фыццаг уæрæсейаг-хуыссарирыстойнаг хъуыддагон форум организацигæнджытæ æмæ хайадисджытæн.
Къуырийы дæргъы æрцæугæ цауты фæдыл хыгъд сарæзтой: Мидхъуыддæгты министр Уалыты Валери, Генералон прокуроры хæдивæг Кокойты Эльдар, Уæлдæр тæрхондоны сæрдар Быценты Ацæмæз, Арбитражон тæрхондоны сæрдар Плиты Анатоли æмæ Юстицийы министр Дыгъуызты Тамаз.

3 G - МОБИЛОН ИНТЕРНЕТЫ ÆРТЫККАГ ФÆЛТÆРЫ НÆМ ФÆЗЫНД


Нæ дуджы уæлдай тагъддæр рæзынц бастдзинады фæрæзтæ. Уый мах, Хуссар Ирыстоны цæрджытæ, дæр хатæм нæхиуыл. Уымæн ног æвдисæн ссис, 3 G-йы мобилон интернеты æртыккаг фæлтæр нæм кæй фæзынд. Ацы цау æрцыд 20-æм сентябры республикæйы хæдбардзинад расидыны бон æмæ йæ девиз уыд «Сæрибардзинады ног æнкъарæнтæ», зæгъгæ. Ацы инновацион технологийæ, ома, 3 G-ЙЫ ныридæгæн пайда кæнынц дунейы 75 бæстæйы.

КУСЫНЦ ЫЛ СЫНДÆГГАЙ

Хæрзвадат фæндаг æххæст кæны шофырты, афтæ бæлццæтты домæнтæ дæр. Хъыгагæн, уый фадат та нырма нæ республикæйы æмбæстæгты фылдæр хайæн нæй, уымæн æмæ автомобилон фæндæгтæ, зæгъæн ис, æмæ сты бынтон мæгуырау уавæры. Уыдонæй иу Цхинвалæй Знауырмæ фæндаг, кæцыйы дæрддзæг у 30 километры.

АИВАД СÆРЫСТЫР УÆ СТÆМ, ЛАНÆ ÆМÆ ВАЛЕРИ!

Æвдæм хатт Цæгат Ирыстоны уыд зындгонд уæрæсейаг бард Юрий Визборы ном мысæн зарæджы фестиваль «Цъæйаг вальс». Къуырийы дæргъы альпинистон лагерь «Цъæй»-ы уагъд æрцыд цымыдисон мадзæлттæ: алыхуызон номинациты сæ дæсныйад æвдыстой автортæ-зарæггæнджытæ, фестивалы архайджытæ æмæ уазджытæ арæзтой концерттæ, бардон жанры мэтртæ мастер классты рæстæджы æвзонг авторты зонгæ кодтой сфæлдыстадон сусæгдзинæдтимæ.

/Фыстæг редакцимæ/ Рухс фидæн æнæ кусгæйæ, æнгом уæвгæйæ,аразæн нæй

Ирон адæм сæрыстыр цы фыдæлтæй сты, уыдон бирæ хъизæмæрттæ бавзæрстой. Бирæ тох фæкодтой, бирæ хъизæмæрттæ бавзæрстой, уæззау, Фæлæ цымыдисон фæд ныууагътой сæ фæстагæттæн. Мах, сæ байзæттаг, æнусты дæргъы цæмæ бæллыдыстæм, уыцы сæрибардзинад нæ къухы бафтыд Стыр Уæрæсейы фæрцы, æмæ сæ бузныг стæм. Фæлæ, хъыгагæн, нæ ирон адæмы ‘хсæн фæзынд, йæ «базыртæ» хауд кæмæн сты, кусынæй тæрсгæ чи кæны, хъару, сæрæндзинад равдисынæй чи тæрсы, ахæмтæ.
2008 азы 26 августы УФ Президент Дмитри Медведев нын банымадта нæ республикæйы хæдбардзинад, фæлæ дзы цæрын нæ зонæм. Цардмæ раст зондахаст кæмæн ис, уыдоны дæр æхцаджынтæ зыгъуыммæ кæнынц æмæ не ‘хсæн хæствæллад стыр зындзинæдтæ чи бавзæрста æмæ ныры онг дæр йæ уавæртæ кæмæн нæ фæхуыздæр сты, уыдоны фыдракæндтыл дæр ардауынц.
Не ‘хсæн ис бирæ цыргъзонд, хъаруджын адæймæгтæ, кæцытæн сæ бон у нæ аргъæутты хуызæн рæсугъд зæххыл æрттивгæ хæдбар республикæ саразын.

Спорт | «Спартак» — фæуæлахиз

Футболæй РЦИ-Аланийы чемпионаты фæлгæтты хъазты Цхинвалы «Спартак» уазæгуаты 4:3 хыгъдæй рамбылдта Октябры поселочы командæйы. Хъазт фæцис 4:3 хыгъдæй. Фембæлды фæстаг минутты онг хыгъд уыд æмдых 3:3, фæлæ цхинвайлаг Бибылты Юрийы арæхсджын хъазты фæрцы, кæцы бакъуырдта 4-æм пурти, Спартак фæуæлахиз. Цхинвайлæгты скондæй ма расгуыхт Хуыгаты Дмитрий, уый хорз сæххæст кодта иууæндæсметрон цæф.
«Ацы хъазты æндæр æмæ æндæр аххосæтæм гæсгæ хайад нæ райстой нæ сæйраг хъазджытæй цалдæрæй», — зæгъы командæйы тренер Хъазиты Алан. — «Фæлæ уæддæр æвзæр нæ хъазыдыстæм. Æрмæст нæ хъахъхъæнджыты радыдтыты тыххæй чысыл ма хзъуыд æмæ очкотæ фесæфтаиккам. Мæ хъазджытæй мæ уæлдай тынгдæр фæнды рахицæн кæнын Бибылты Юрийы, кæцы ацы фембæды бакъуырдта 3 пуртийы æмæ бакуыста иууæндæсметрон цæф».
Радон хъазт «Спартак» акæндзæн 28-æм сентябры «Чикола»-имæ.

Дунейы Кубокы уæлахиздзау

Поэзи | Хъарæг Шамилыл

Мæн тынг фæндыд æппæт дунейы уарзын,
Хæлар мæ фæндыд алкæмæн уæвын,
Толстой, Шекспир, Къоста, Хайам, мæ дарддæр -
Æппæт дунейы иумæйаг хæрзтæ.
Лгмæ нæ сеппæт ахуыр кæнынц уарзын.
Фæлæ зæххыл ис цавæрдæр тыхтæ:
Дæрæн кæнынц рæсугъддзинад,
Æфтауынц хъарм къонатыл арт,
Сæхи æмæ сæ сыхаджы нæ уарзынц,
Рæстдзинад æмæ уарзтæн сты æзнаг...
Æппæт дуне куы цыдаид мæ тæртты,
Æрбахъæбыс æй кодтаин, бæргæ...
Хуымæтæг уарзтæй уыд мæ хъару уьрзын
Æмæ фæцардтæн уыцы уарзтимæ...
Кæдмæ?
Цæмæй фиды мæнгард дуне мæ уарзтæн?!

I

Сыхаг сыхагæн алкæд у æнцой.
Æмгар æмгары цинæй цæры, зон.
Æнхъæлдтон афтæ. Цардыстæм æнгом.
Нæ хицæн кодтам хион, йе ирон.
Æппæт фæсивæд иу биноитау уæд
Нæ ахуыры фæндагыл уыд æвæрд.
Студентты цард — дзæнæтон бæстæ уыд
Æмæ нæм мур дæр ницы хæрам зынд.
Хуыздæр бынæттæ уыдонæн. Уæдæ,
Цы ма акæнæм сыхæгтæн хуыздæр?
Уадз искæд бон ысбуц кæной дæу дæр,
Фæлæ гадзрахаг разынди уæддæр.
«Хорз ма фæу æмæ ма ссар фыд» —

КЪУХТÆ БАФЫСТОЙ ХЪУСЫНГÆНИНАГЫЛ

Æрæджы нæ Республикæмæ кусæгон балцы æрцыд ЧЫСЫЛ паддзахад Тувалуйæ делегаци.
Тувалу у сакъадахон паддзахад Сабыр океаны астæуккаг хайы.
Делегацийы сæргъ лæууыд паддзахады Хицауады Сæрдар Вилли Телави. Уазджытыл Хицауады хæдзары раз цытджын æгъдауæй сæмбæлдысты республикæйы къухдариуæгад Президент Кокойты Эдуарды сæргълæудæй.
Кокойты Эдуард химæрайсты рæстæджы стыр бузныг загъта дарддзæг паддзахады делегацийæн Хуссар Ирыстонмæ сæ балцы фæдыл. Хуссар Ирыстон, зæгъгæ, кæддæриддæр цæттæ у, ахæм бæрзонд уазджытæ райсынмæ æмæ ахастытæ æндидзын кæнынмæ.

ÆНУСТÆМ ЦЫТЫ АККАГ БÆРÆГБОН

Республикæ расидыны бæрæгбон 20 сентябры æрвыл аз дæр нысан цæуы цытджын уавæрты. Уыцы нысаниуæгджын бон нæ Республикæйы дзыллæйад бæрæгбонвæлыстæй æрбацæуы нæ горæты сæйраг фæзуатмæ.
Ацы аз нæ бæрæгбоны цытджын парады хайад райстой Уæрæсейы Федерацийæ экономикон форумæ æрцæуæг делегаци уæрæсейы Федерацийы Президенты Администрацийы къухдариуæггæнæг Сергей Нарышкины сæргълæудяй.

RSS-материал