Nog adres

Адæм, кæрæдзи уарзгæйæ цæрут!

Конкурс / «СТЪАЛЫТЫ ФЕРТТЫВД» АГУРЫ КУРДИÆТТÆ

Æвзонг адæймагæн йæ курдиат райхæлын кæнынæн хатт бирæ ницы фæхъæуы. Хъæуы æрмæстдæр æмбæлон рæстæджы æмбæлон фадæттæ саразын. Уымæ гæсгæ раст бакодта радиостанц «Ир» республикæйы культурæйы министрад æмæ фæсивæдон политикæйы фæдыл управлениимæ иумæ кæй бацæттæ кодтой егъау проект «Стъалыты ферттывд», зæгъгæ.

9 ОКТЯБРЬ - Хъæууон хæдзарады кусæджы бон/ НÆ ЗÆХХ БÆРКАДХÆССÆГ КУЫ УАИД!

Æрвылаз дæр октябры дыккаг хуыцаубоны нысан цæуы хъæууон хæдзарады æмæ хъæууонхæдзарадон продукттæ кæронмæ куыстгæнæг сæудæджерады кусджыты бон. Ацы аз уый нысан æрцыд 9 октябры. Ацы бæрæгбоны мах кад кæнæм, æрмæст быдырты æвæллайгæ куыст чи кæны, уыдонæн нæ, фæлæ ма нын бирæ алыгъуызон хæлцадон продукттæ цæмæй нæ фынгыл уой, ууыл чи кусы, уыцы кусджытæн дæр.

Спорт / ФУТБОЛ

Футболæй 2012 азы Европæйы чемпионатмæ бахауыны тыххæй Уæрæсейы æмбырдгонд командæ æвзарæн хъазты 1:0 хыгъдæй фæуæлахиз Словакийы æмбырдгондыл. Фембæлды 70-æм минутыл иунæг иу пурти бакъуырдта ирон футболон скъолайы хъомылгæнинаг Зæгъойты Алан. Хъазты фæстæ Уæрæсейы æмбырдгонд командæйы тренер Дик Адвокат куыд загъта, афтæмæй хъазты фыццаг æмбисы фæстæ хъавыд Аланы баивын. «Аланæн фембæлды фыццаг хай йæ хъазт нæ цыд æмæ йæ уый тыххæй хъавыдтæн баивынмæ. Фæлæ 2-аг æмбисы йæ архайд фæрæвдздæр кодта, æмæ йын пурти бакъуырын дæр бантыст», - загъта Дик Адвокат.

АРФÆ - ПУТИНÆН

Республикæ Хуссар Ирыстоны Президент Кокойты Эдуард арфæйы фыстæг арвыста Уæрæсейы Федерацийы Хицауады Сæрдар Владимир Путинмæ йæ райгуырæн боны сæраппонд.
Фыстæджы сæрмагондæй дзырдæуы:
«Цытджын Владимир Владимиры фырт!
Республикæ Хуссар Ирыстоны разамынды, адæмы æмæ мæхи номæй кадыл нымайын зæгъон Дæуæн иууыл зæрдæбындæр арфæтæ Дæ райгуырæн боны сæраппонд. Бæрзонд паддзахадон бынæтты Дæ удуæлдай куысты азты Ды Уæрæсейы адæммæ раздæхтай стабилондзинад æмæ сомбоныл æууæнкдзинад, сæ бæстæйы æмæ йæ историйы тыххæй сæрыстырдзинад.

ЗÆРДÆХСАЙГÆ МАШИНÆЙЫ РÆМУДЗÆН ÆРМÆГ

5-6 октябрмæ æхсæвы æртæ сахатмæ æввахс нæ горæты Сталины уынджы кæрон бирæуæладзыгон хæдзары цур ссардæуыд зæрдæхсайгæ автомашинæ «Нива». Фæдагурæн органты кусджытæ басгæрсты рæстæджы машинæйы ссардтой рæмудзæн æрмæджытæ: детонатор, хæлæн æрмæг пластит, кæцы фидар уыд магнитмæ æмæ хæтæлтæм иугонд æртæ мобилон телефоны. Ацы æрмæджытæ баиу кæнгæйæ арæзт цæуы рæмудзæн æрмæг.
Ацы автомашинæ уыд оперативон агуырды. Йæ хицау у УФ-йы уæгъдибар хъæбысхæсты сæйраг тренер Тедеты Дзамболаты фыд Илья.

Хъæууон хæдзарады кусæджы бон / «ФАТ» ТЫРНЫ ЙÆ НЫСАНМÆ

Иугæр хъуыддаджы бæрны бацыдтæ, уæд йе ‘ххæст кæнынмæ хъуамæ уай цæттæ. Уый æмбары Цхинвалы районы фермерон хæдзарад «Фат»-ы сæргълæууæг Битарты Гамлет æмæ йæ куыстмæ дары бæрндзинады ахаст. Афтæ кæй у, уымæн сын ис азæй-аз хуыздæр æнтыстытæ.

Хъомылад / БАМБАР ДÆ СЫВÆЛЛОНЫ

Саби куыд рæзы, афтæ бинонты аудинæгтæ æмæ проблемæтæ серьезондæр кæнынц. Тагъддæр байрæзын кæй фæнды, уыцы сывæллæтты сæ фæлдзæуæн кары куыд бахизын хъæуы рæдыдтытæй, ууыл сæ сæртæ ныййарджыты иу æмæ дыууæ фæлтæры нæ цъæл кæнынц.

СПОРТ / Футбол

Уæрæсейы фыццаг къорды фæлгæтты уыдысты радон туры хъæзтытæ футболæй. Дзæуджыхъæуы «Алани» уазæгуаты æмдыхæй 1:1 хыгъдæй ахъазыд Воронежы «Факел»-имæ. Хъазты дæргъы «Алани» архайдта бирæ хуыздæр, фæлæ дзæуджыхъæуккæгтæн цы бирæ гæнæнтæ уыдис ныхмæлæууæг командæйы кулдуары пурти бакæнынæн, уыдонæй спайда кодта æрмæстдæр Зелая, кæцы хыгъд байгом кодта 65-æм минутыл. Фæстæдæр хъазæн фæзæй тæрхонгæнæг «Факел»-ы хъазæджы куы арвыста, уæд «Алани»-йы футболистты гæнæнтæ пурти бакъуырынæн ноджы фæфылдæр сты.

Геноцид | Дуне базондзæн рæстдзинад

Гуырдзыстон 2008 азы Хуссар Ирыстонæн цы æвирхъау хæст расидт, уыцы хæсты рæстдзинад æмбæхсынц Гуырдзыстоны фарсхæцджытæ. Уымæн æмæ сæ Гуырдзыстон хъæуы политикон, стæй хæстон хъæзтыты плацдармæн. Иннæмæй та сæ уымæн нæ хъæуы рæстдзинад, цæмæй ма раргом уой сæ сау хъуыддæгтæ — Гуырдзыстоны хæстон æрмæджытæй уыдон ифтонг кодтой.
Фæлæ, ирон æмбисонд зæгъы: теман голладжы нæ сусæг кæны. Уый — теман, уæдæ куыд хъуамæ басусæг уа ахæм хæсты рæстдзинад, кæцы нынкъуысын кодта æнæхъæн дуне, расайдта стыр политикон ивындзинæдтæ. Кæд ныгуылæн гуырдзиаг фашизмыл гамхуд скæныныл архайдта æмæ архайы, уæддæр разынд ахæм тыхтæ, кæцытæ сæ хæсыл банымадтой рæстдзинады сæрыл сдзурын. Уыдонæй сæ иу у Германы æмбæстаг, цхинвайлаг сиахс Хайнц Эмерер, кæцы хæсты хæдфæстæ фыста политиктæм, периодикон мыхуыры редакцитæм. Дæлдæр дзы мыхуыр кæнæм цалдæр фыстæджы. Бузныг зæгъæм Джиоты Марияйæн, уый фæрцы нæм æрбафтыдысты.

Нæ удварны хæзнатæ/ КÆМ ДÆ, ИРОН ФÆНДЫР!

Фæндыр. Куыд æсызгон у зæрдæйæн æрмæст йæ иу ской дæр. Адæймаджы буар цыдæргъуызон хъыдзы бакæны, йæ амæлæттаг мыртæ хъустæ куы ацахсынц, цæсгом худгæхур фесты, уæнгтæ сæхиуыл схæцынц, цæстытæ цинæрттывд фæкæнынц. О, фæндыр ирон адæмæн у, æнусыты дæргъы сæ зæрдæйы цинтæ æмæ хъæгтæ кæй фæрцы радæттынц, ахæм æгæрон тых. Æнæхъуаджы нæ фыста поэт Чеджемты Æхсар: «Ирон фæндыр нын баззади фыдæлтæй. У махæн та нæ хæзнаты хуыздæр».

ТУЛГÆ ДУРЫЛ ХЪУЫНА НÆ ХÆЦЫ?

Æппæлыны коймæ арæх адæймаджы зæрдыл æрлæууынц нæхи Къостайы ныхæстæ: «Адæм æмхуызон кæм не сты æппæлынмæ! Дзурынц, æвзæр, дам, æппæлы йæхицæй, Хорзæй фæзæгъынц, æппæлы йæ туджджынæй, Чи та – йæ фыдæлтæй, чи та – йæ чындзæй…»
Куыдфæнды сæ нымай – иу дæр сæ сæрразилыны аккаг нæу. Къоста дæр уый тыххæй кæны сæ кой. Фæлæ, уæддæр, фыдæлты кой хорзæй æрымысын азымаг нæу. Уæлдайдæр, не ‘мбисæндты рæстдзинадыл куы дзурæм, уæд. Фæлæ сæм, ома, азымхæссæг азым не ‘рхæсдзæн?

КÆСТÆР ХЪÆБУЛ

Æвзонг бинонтæн фыццаг сывæллон куы фæзыны, уæд сын хионæй, зонгæйæ, сыхагæй алкæйы цæст дæр бауарзы ирон адæммæ фыдæлтæй фæстæмæ цы рæсугъд арфæйы ныхæстæ баззадысты, уыдон – уæ ноггуырд дæр цæринаг уæд, кæнæ та уæ ноггуырд авды хистæр фæуæд, зæгъгæ.

Спорт

Штангæ
Хорз бæрæггæнæнтæ равдыстой цхинвайлаг штангисттæ Цæгат Ирыстоны чемпионты 18 азы онг кæуыл цæуы, уыцы спортсменты ‘хсæн. 105 кг. уæзы категорийы 1-аг бынат бацахста Кæсæбиты Алыксандр, 62 кг уæзы категорийы та аккаг нымæлæууæг нæ разынд Æрсойты Иналæн. Ерысты 2-аг æмæ 3-аг бынæттæ та бацахстой Джиголаты Сæрмæт æмæ Джиоты Владислав. Спортсменты ерыстæм бацæттæ кодтой тренертæ Тасойты Олег æмæ Кæсæбиты Инал. Тасойты Олегы ныхæстæм гæсгæ, уый райгондæй баззад йæ хъомылгæнинæгтæй. «Уæлдай тынгдæр мæ фæнды рахицæн кæнын Æрсойты Инал æмæ Джиголаты Сæрмæты. Уыдон нырма дыккаг хатт исынц хайад ахæм ерысты, æмæ сын кæд фæлтæрдзинад нæ фаг кæны, уæддæр тынг хорз равдыстой сæхи», — загъта Тасойты Олег.

ДЗЮДО

Байгом прокуратурæйы ног бæстыхайы

Æрæджы цытджын уавæрты байгом нæ республикæйы Генералон прокуратурæйы ног цалцæг бæстыхай. Бæстыхай ис нæ горæты Тугъанты Махарбеджы номыл уынджы. Бæстыхай цалцæг цыд дæргъвæтин рæстæджы æмæ ныр прокуратурæйы кусджытæн уыдзæн хæрзвадат уавæртæ кусынæн.
Ногцалцæг бæстыхаймæ бахизæны сырх лентæ цытджын æгъдауæй алыг кодтой РХИ-йы Хицауады Сæрдар Вадим Бровцев æмæ Генералон прокурор Хуыгаты Таймураз.

RSS-материал