Nog adres

Адæм, кæрæдзи уарзгæйæ цæрут!

Презентаци/ «ИРЫСТОНЫ ФЫСДЖЫТÆ»

-0536.jpg15-æм апрелы та æвзæнгты республикон библиотекæ хъæз-дыг уыд уазджытæй. Уыцы бон уым презентаци уыд, æрæджы рухс чи федта, уыцы чиныг «Ирыстоны фысджытæ»-йæн. Чиныджы аразджытæ сты Бибуаты Иринæ æмæ Хъазиты Мелитон. Презентацимæ æрбацыдысты РХИ-йы Парламенты национ политикæ, культурæ, дин, ахуырад, зонад æмæ дзыллон информацийы фæрæзты фæдыл комитеты сæрдар Гæбæраты Юри, РХИ-йы Культурæйы министры хæдивæг Дзеранты Джульеттæ, ацы министрады библиотекæты куысты фæдыл сæйраг специалист Дриаты Нателæ, фыссæг Плиты Феликс, филологон зонæдты кандидат, доцент Биазырты Аллæ, нæ горæты скъолаты ирон æвзаг æмæ литературæйы ахуыргæнджытæ, Анахарсисы номыл республикон библиотекæйы директор Кокойты Валерия, горæтон централон библиотекæйы директор Прокопенко Ирæ, нæ горæты 2-æм ас-туæккаг скъолайы æмæ гимнази «Рухс»-ы ахуыргæнинæгтæ.
Мадзал бацæуæн ныхасæй байгом кодта æвзæнгты республикон библиотекæйы директор Тототы Ленæ: «Бузныг зæгъын сымахæн, абон рæстæг кæй ссардтат æмæ нæ бæрæг-бонмæ кæй æрбацыдыстут, уый тыххæй. Хуыцау зæгъæд æмæ ахæм хорз мадзæлттæм цы æмбырд кæнæм иууылдæр. Бузныг, абон презентаци цы чиныгæн ис, уый аразджытæн». Уый фæстæ ныхасы бар радта Гæбæраты Юрийæн:
«Уæ ног бынаты кусын æмæ цæрынæй бафсæдут. Мæнæ цы чиныджы тыххæй æрæмбырд стæм, уый тыххæй та æппæты фыццаг бузныг зæгъын, чи йыл бафыдæбон кодта, уымæн - Хъазиты Мелитонæн. Ирыстоны фысджытæ сæ кæрæдзи æнæуый дæр зонынц, фæлæ йæ хорздзинад уый мидæг ис æмæ ацы чиныг сæйраджыдæр хъæуы, Ирыстоны истори чи иртаса, Ирыстоны фысджытыл чи фысса, литературон куыст чи кæна, уыдоны. Уымæн æмæ дзы ссарæн ис алы фыссæджы биографийæн дæр. Стæй ма дзы сæйраг хорз уый ис æмæ кæй сты алфавитмæ гæсгæ нæ, фæлæ кармæ гæсгæ. Мæнмæ гæсгæ мыхуыры хъуыддагæн йе 'гъдау афтæ у æмæ алыхатт дæр вæййы алфавитмæ гæсгæ, фæлæ иугæр ныхас цæуы Ирыстоны фысджытыл, уæд афтæ хуыздæр у, уымæн æмæ ирон адæммæ ранымад алфавитмæ гæсгæ нæ уыд, фæлæ хистæрæй кæстæрмæ.

Фестиваль-конкурс/ «ÆГАС ДУНЕ - ТЕАТР»

IMG-20160418-WA0015.jpgФыссæг, рухстауæг, ирон драматургийы бындурæвæрæг Брытъиаты Елбыздыхъойы цытæн 17-æм апрелы нæ горæты Профцæдисты хæдзары уагъд æрцыд I-æм Республикон фестиваль-конкурс "Æгас дуне - театр". Хайад дзы райстой нæ горæты æмæ районты астæуккаг скъолаты хæдархайгæ къордты хайадисджытæ-ахуыргæнинæгтæ.
Мадзал сорганизаци кодта Республикæ Хуссар Ирыстоны Республикон Адæмон сфæлдыстады центр. Ацы центр ныр æртæ аз уадзы алыгъуызон мадзæлттæ.
Мадзал амыдтой Цоциты Никъала æмæ Гуыцмæзты Галинæ. Уыдон раарфæ кодтой æрæмбырдуæвджытæн æмæ сæ базонгæ кодтой жюрийы уæнгтимæ: жюрийы сæрдар - Культурæйы министры хæдивæг Дзеранты Джульетæ, РХИ-йы аивæдты сгуыхт архайæг, РХИ-йы сгуыхт ахуыргæнæг, сывæллæтты аивæдты скъолайы директор - Æлборты Æх-сæртæг, Адæмон сфæлдыстады республикон центры сæргълæууæджы хæдивæг - Дамбегти Иринæ, РХИ-йы адæмон артист, вокал æмæ хоры жанры фæдыл адæмон сфæлдыстады республикон центры методист - Гуыцмæзты Георги, Республикон Адæмон сфæлдыстады центры сæргълæууæг, РХИ-йы Культурæйы сгуыхт архайæг - Гуыцмæзты Ельзæ.
«Нæ организаци кæд æртæ азы размæ сырæзт, уæддæр махæн бантыст бирæ бакусын. Сорганизаци кодтам: бинонты коллективты фестиваль, национ хореографийы фестиваль «Хонгæ кафт», нывты равдыст «Хуссар Ирыстон-2014 аз», декоративон аивады равдыст, зонадон конференци ахæм темæйыл: ирон фольклористикæ, адæмон хъæзтытæ æмæ тезгъоты актуалон фарст.

Зынгæ ирон композиторы мысгæйæ

alborov.pngÆлборты Феликсы райгуырдыл сæххæст 80 азы

Йæ райгуырæн бæстæ æмæ йæ радтæг адæмæн цæстуарзон лæггад чи бакодта, йæ диссаджы курдиаты фæрцы ирон аивад æмæ культурæ фæхъæздыгдæр кæныныл æвæллайгæйæ чи архайдта, уыдонæй сæ иу уыд нæ адæмы уарзон композитор, æхсæнадон архайæг, Уæрæсейы Композиторты цæдисы уæнг, Хетæгкаты Къостайы номыл паддзахадон премийы лауреат, Г. Свиридовы номыл цытджын майданы кавалер, Республикæ Хуссар Ирыстоны, РЦИ-Алани æмæ ГССР-ы аивæдты сгуыхт архайæг Æлборты Шалвайы фырт Феликс.
Зындгонд композитор, ирон адæмон зарджыты æмбырдгæнæг, зынаргъ у алы ирон адæймагæн дæр. Æлборты Феликс йе сфæлдыстадон фæндагыл цæугæйæ, бындуронæй иртæста фольклор - ирон адæмы музыкалон культурæ, сæрмагондæй куыста ирон традицион музыкалон инструментты фарстатыл, сæ равзæрд æмæ сæ пайдакæнынад музыкæйы. Уый йæ уацмыстæй дзæвгар фæхъæздыгдæр кодта ирон музыкалон аивад.
Зындгонд композитор Æлборты Феликс райгуырд Цхинвалы 1935 азы сентябры мæйы. Ивгъуыд азы йæ райгуырдыл 80 азы кæй сæххæст, уый цытæн Цхинвалы музыкалон ахуыргæнæндон 15-æм апрелы бацæттæ кодтой æмæ ауагътой мысæн музыкалон концерт.

Хицауады Сæрдар Хъуылымбегты Доментийы хæстæ рæстæгмæ йæхимæ райсдзæн йæ хæдивæг Тъехты Алан

«Президент Тыбылты Леониды бардзырдмæ гæсгæ Республикæ Хуссар Ирыстоны Хицауады Сæрдар Хъуылымбегты Доментийæн лæвæрд æрцыд улæфты æмгъуыд 2016 азы 15 апрелæй 30 апрелмæ», - фехъусын кодта Президент æмæ Хицауады пресс-службæ.

Банысангонд æмгъуыды дæргъы РХИ-йы Хицауады Сæрдары хæстæ æххæст кæндзæн РХИ-йы Хицауады Сæрдары хæдивæг Тъехты Алан.

Пухаты Эрик: «Мах æнæмæнг сараздзыстæм æппæтдæр ирон адæмы геноциды амæттæгты нæмттæ сæнусон кæныны тыххæй»

РХИ-йы Хицауады Сæрдары хæдивæг Пухаты Эрикы къухдариуæгадæй уагъд æрцыд, 1920 азы Гуырдзыстоны Демократон Республикæйы рдыгæй хуссайраг ирæтты ныхмæ цы геноцид арæзт æрцыд, уый мемориализацийы фæдыл къамисы рабадт (дарддæр Къамис).
Уынаффæ кæуыл цыд, уыцы фарстытæй сæйрагдæр уыд 2016-2017 азты ауадзинаг мадзæлтты фæдыл Къамисы нывæст.
Куыд зонæм, афтæмæй уый арæзт æрцыд ивгъуыд аз июны мæйы Президент Тыбылты Леониды барамындмæ гæсгæ, геноцид смемориализацийы программæ сплан кæнын, бацæттæ æмæ йæ сæххæст кæныны нысанæн (дарддæр геноцид).
Аивгъуыйгæ æмгъуыды дæргъы фидаргонд æрцыд Къамисы сконд. Уырдæм бацыдысты Хицауады уæнгтæ, зонадон æмæ æхсæнадон архайджытæ, сфæлдыстадон интеллигенцийы минæвæрттæ, бæлвырдгонд æрцыдысты куысты сæйраг фæдыздæхæнтæ, арæзт æрцыд архайды сæйраг нывæст.
Æмбырд байгом кæнгæйæ, Пухаты Эрик банысан кодта, зæгъгæ, Хуссар Ирыстонæн стыр трагикон цаутæй нысангонд чи æрцыд, ссæдзæм æнусы фыццаг æртыккаг хайы, уыцы цаутæ хъуамæ æнусонгонд æрцæуой, æмæ ма куыд æмбæлы, афтæ æрцæуой сахуыргонд дæр.

Хуссар Ирыстоны æрæвнæлдтой Уæлахизы парадмæ цæттæ кæнынмæ

РХИ-йы Хъахъхъæнынады министрады сæрмагонд сконд æрæвнæлдтой Уæлахизы Парадмæ репетицитæм, кæцы уагъд цæудзæн 9 майы горæт-хъайтар Цхинвалы, Стыр Фыдыбæстæйон хæсты советон адæмы уæлахизы 71 азы сæххæсты цытæн.
Парадон къордтæ æмæ æфсæддон оркестры цæттæгæнæн куыст цæуы æрвылбон дæр 13 апрелæй фæстæмæ Уæрæсейы Хъахъхъæнынады министрады 4 æфсæддон базæйы плацыл.
Парады генералон репетици хæстон техникæйы хайадистæй ацæудзæн г. Цхинвалы Театралон фæзуаты 7 майы.
Æфсæддон парады хайад райсдзысты РХИ-йы Мидхъуыддæгты министрады, Паддзахадон æдасдзинады комитеты арæнгæрон службæйы, Уæлвæткон уавæрты министрады, Уæрæсейы Федерацийы хъахъхъæнынады министрады, РХИ-йы æмæ УФ-йы Арæнгæрон управленийы дæлхæйттæ.

ХИПУ-йы делегаци уыдис Мæскуыйы Паддзахадон университеты кусæгон визитимæ

1111.jpegЛомоносовы номыл Мæскуыйы паддзахадон университеты Уæрæсейы Федерацийы Паддзахадон Думæйы сæрдар Сергей Нарышкин æмæ ХПÆ-йы бæстæты сæйрагдæр уæлдæр ахуыргæнæндæтты ректорты хайадистæй æрцыдис Хуссар Ирыстоны паддзахадон университетæн къорд ахсджиаг цауы.
Къухтæ æрфыстæуыд Мæскуыйы паддзахадон университет æмæ ХИПУ-йы 'хсæн æмгуысткæнынады тыххæй бадзырдыл. Бадзырдыл къухтæ æрфыстой Мæскуыйы паддзахадон университеты ректор Виктор Садовничий æмæ Хуссар Ирыстоны паддзахадон университеты ректор Тедеты Вадим.
Бадзырды ис 11 пункты, уыдоны 'хсæн: зонæдты кандидат æмæ зонæдты докторы зонадон къæпхæнтæ бахъахъхъæнын, бацæттæ æмæ организаци кæнынæн ахъаз кæнын; иумиаг зонадон-практикон æмæ зонадон-методикон симпозиумтæ, конференцитæ æмæ æндæр ма-дзæлттæ организаци кæнын æмæ ауадзын; иумæйаг зонадон иртасæнтæ ауадзын; лекцитæ кæсынæн ахуыргæнджытæ æмæ зонадон кусджыты кæрæдзимæ хонын; ахуырадон-зонадон æмæ æндæр дунеон программæтæ, конкурстæ æмæ æндæр проектты иумæ хайад исын æмæ а.д.
Виктор Садовничий æрæмбырд-уæвджытæн фехъусын кодта Уæрæсейы Ректорты цæдисмæ Тедеты Вадимы райсыны тыххæй æмæ йын радта æмбæлон бæлвырдгæнæн.
Афтæ ма ХИПУ-йы ректор хайад райста университетты Евроазиаг ассоциацийы советы рабадты куысты, цыран Тедеты Вадимæй дарддæр хайад райстой сæйрагдæр уæрæсейаг ахуыргæнæндæтты ректортæ, афтæ ма Беларуси, Казахстан, Азербайджан, Сомихстон, Хъыргъызтан æмæ æндæр бæстæты сæйрагдæр паддзахадон университетты къухдариуæггæнджытæ.

Арæзтадон куыстытæ сты сæ тæмæны

IMG_0455.JPGНæ республикæйы сæйраг горæты уынгтæ иугай сæ хуыз ивынц хуыздæрырдæм. Хæрзарæзт æмæ æндидзыд æрцыдысты Цхинвалы централон уынгтæ. Ныртæккæ æрæвналæдуыд ноджы цалдæр уынджы арæзтадмæ. Арæзтадон-цалцæггæнæн куыстытæ сæ тæмæны сты Горькийы уынджы дæр.
Уынг æндидзыд цæуы 2015-2017 азтæн Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты. РХИ-йы Арæзтад, архитектурæ æмæ цæрæнуатон-коммуналон хæдзарады министры хæдивæг Гæбæраты Вадим нын афтæ загъта: «Ныртæккæ Горькийы уынджы куыст цæуы донуадзæн æмæ канализацион хызæгтæ сæвæрыныл. Куыстытæ æххæст цæуынц нырыккон технологитæм гæсгæ. Объекты кусы 4 бригадæйы, 12 кусæджы, техникæйæ сæм ис дыууæ экскаваторы, иу бульдозер æмæ дыууæ уæзласæн «КамАЗ»-ы. Куыстытæ æххæст кæны паддзаха-дон унитарон куыстуат «Водоканал».

Бригадир Дзадтиаты Вадим нын загъта: «Кæд нын боныгъæдтæ нæ къух саразой, уæд дыууæ къуырийы æмгъуыдмæ æппæт куыстытæ дæр æххæст æрцæудзысты кæронмæ æмæ уый фæстæ «Дорэкспострой» æрæвналдзæн уынджы хæрзарæзтадмæ.
Финанскæныны хъуыддаджы нын проблемæтæ нæй, куыстытæ цæуынц графикмæ гæсгæ. Уыцы иурæстæджы ма нæ кусджытæ кусынц Гаглойы фырты уынджы донуадзæн æмæ канализацион хызæгтæ раивыныл».

Сæ хайбавæрд хæссынц нæ хæстæфхæрд горæт срæсугъд кæнынмæ

DSC_2604.JPGНæ уарзон, хæстæфхæрд горæтæн сындæггай гас кæнынц йæ уæззау хъæдгæмттæ. Кæд нырма бирæ хæдзæртты æмæ уагдæттыл зынынц хæсты уæззау фæдтæ, уæддæр ахæм бæс-тыхæйтты нымæц къаддæрæй къаддæр кæны. Уырны нæ, æввахс рæстæджы сæ хъæдгæмт-тæ кæй байгас уыдзысты уыдонæн дæр. Æцæг нæ республикæйы цæрджытæй йæ хъæбулты, йæ хиуæтты чи фесæфта хæсты рæстæджы, уыдоны зæрдæйы хъæдгæмттæ никуы байгас уыдзысты, фæлæ уæддæр цард дарддæр кæны, афтæ у æрдзы хъуыддаг.
Бонæй бон фылдæр кæны нæ горæты хæрзарæзт уынгты нымæц. Нæ уарзон, хæстæфхæрд горæт йæ хуыз ивы нæ цæстыты раз, бæрæг фæрæсугъддæр. Ивгъуыд дыууæ азы цалцæг æрцыдысты бирæ уынгтæ, афтæ ма 2015 азы хæрзарæзт æрцыд Октябры уынг дæр. Ацы уынджы фæцæйцæугæйæ адæймаг йæхи фæхаты цыма кæмдæр стыр горæты фæцæуы, афтæ. Уынг афтæ тынг рафидыдта æмæ ссис нæ горæ-ты цæрджыты уарзондæр уынгтæй сæ иу. Куыд боныгон, афтæ изæрыгæтты дæр Октябры уынджы змæлы бирæ адæм. Изæ-рыгæтты дзы фæтезгъо кæныц куыд æвзонг, афтæ хистæр кары адæймæгтæ дæр. Иудзырдæй, иу цъус рæстæг ма æмæ нæ горæт æрцахсдзæн йæ кæддæры рæсугъд хуыз. Æппæт уыцы хорздзинæдтæ арæзт æрцыдысты æмæ цæуынц нæ республикæйы Президент Тыбылты Леониды 'руаджы. Рох кæнын нæ райдыдтой нæ горæты уынгтæ дыууæ-æртæ азы размæ цы æдзæллаг уавæры уыдысты, уый. Мæнгæй йæ Республикæ Хуссар Ирыстоны фыццаг Президент Цыбырты Людвиг «Леонид-аразæг» куынæ схуыдта, мыййаг.

Афоныл фидæм фиддонтæ

Цæрджытæ газ æмæ рухсы фиддонтæ куыд æмбæлы, афтæ кæй нæ фидынц, ууыл. Республикæйы электроэнерги æмæ газифтонгады службæтæ цæрджытæн бæргæ бамбарын кæнынц фиддонтæ афоныл куынæ фидой, уæд хицæн кæй æрцæудзысты ацы лæггæдтæ, фæлæ, хъыгагæн, бирæтæ сæ ницæмæ дарынц.
«Абонент, кæцытæн газæй пайдагæнгæйæ сæ фиддонтæ систы 5 мин сомæй фылдæр хицæн æрцæудзысты газы хаххæй», - зæгъы газы службæйы директоры хæдивæг Тадтаты Филипп.
Фæлæ уый æнæнхъæлæджы ма хъуамæ уа абонентæн, уымæн æмæ цалынмæ ацы службæйы кусджытæ газ нæ ахицæн кæнынц, уæдмæ контролер бафæдзæхсы бинонты сæ фиддонтæ æгæр кæй сбирæ сты. Уый фæстæ сæм бацæуы официалонæй гæххæтт дæр. Дæс бон куы рацæуы уыцы хъусынгæнинагæй, уæд газы службæйы кусджытæн бар ис абонентæн æрдзон газ ахицæн кæнын.

Мысæн мадзал хъайтары цытæн

WP_20160415_004.jpgДзауы районы Гуфтайы астæуккаг скъолайы коллектив алыварсонæй дæр архайы сæ ахуыргæнинæгтæн сæ зонындзинæдтæ æнæвгъау бацамонын æмæ сæ царды раст фæндагыл бафтауынмæ. Уыимæ ма скъолайы ахуыргæнджытæ æмæ ахуыргæнинæгтæ алыхатт дæр цытджын æгъдауæй банысан кæнынц алыгъуызон бæрæгбонтæ, ауадзынц мысæн изæртæ фæмардуæвæг хъайтарты тыххæй дæр.
14-æм апрелы Гуфтайы астæуккаг скъолайы уыд мысæн изæр гуырдзиаг агрессорты къухæй фæмардуæвæг Михайленко Александры (Сашæ) ном æрæмысыны тыххæй. Мысæн мадзалмæ фæхуыдтой хъайтары мад Лалыты Хадизæты, йæ цардæмбал æмæ йæ фырты, афтæ ма мадзалмæ æрбацыдысты Дзауы районы администрацийы ахуыры хайы сæргълæууæг Битеты Мария, скъолайы ахуыргæнджытæ æмæ ахуыргæнинæгтæ, Сашæйы хæлæрттæ.
Мадзал бацæуæн ныхасæй байгом кодта скъолайы организатор Тедеты Ингæ. Уый æрдзырдта ирон хæрæфырты цардвæндаджы тыххæй. «31 марты уый банысан кодтаид йæ 56 азы райгуырæн бон. Уый райгуырд 1960 азы Украинæйы горæт Светловодскы. Фæстæдæр йæ мад, цхинвайлаг чызг Лалыты Хадизæт фæстæмæ цæрынмæ æрыздæхт йæ райгуырæн Цхинвалмæ.

Йæ мæт æмæ сагъæстæ - радтæг адæмыл

Тугъанты Батырбеджы райгуырдыл сæххæст 150 азы

Нæ фыдæлтæй буц æмæ сæрыстыр кæй стæм, бирæ адæмтæ нæ хуыздæр уыдоны фæрцы кæй базыдтой, уый абон быцæуаг никæмæнуал у. Уымæн æмæ уыдон сæхи алы къабазы дæр равдыстой ныфсджын æмæ хъæбатырæй, æрхъуыдыджын æмæ зондджынæй. Хорз æмæ стыр фæд ныууагътой ирон литературæйы дæр. Сæ уацмысты ирдæй æвдыст цыдысты рæстæджы домæнтæ, йæ аразинаг хæстæ. Æппынæдзух тох кодтой тыхст æмæ мæгуыр ирон зæхкусæг адæмы бартыл, æлдары дуг ныппырх кæныныл.
XVIII æнусы кæрон цы фысджытæ фæзынд, уыдоны 'хсæн уыд Тугъанты Батырбег. Æцæг у, Батырбеджы фыццаг адæм куыд фыссæг, афтæ нæ базыдтой, фæлæ сæ бартыл тохгæнæгæй. Батырбег райгуырд Цæгат Ирыстоны Дур-Дуры хъæуы 1866 азы. Мæнгæй нæ фæзæгъынц, адæймаджы æвзыгъддзинæдтæ, дам, хæрзчысылæй фæбæрæг вæййынц. Чысыл Батырбеджы цур-иу чи алæууыд, хуыздæр æмæ-иу æй фылдæр чи базыдта, уыдонæй-иу алчи дæр рахатыд сабийæн йе 'взыгъддзинæдтæ. Уыд адæмуарзаг, уарзта рæстдзинад, æппынæдзух архайдта газеттæ, чингуытæ, фыссæн дзаумæттæ æмæ æрмæджытимæ.

Интервью/ ЦÆМÆЙ ИРЫСТОНЫ АРВ УА РАЙДЗАСТ

Адæмы, ахуырады, Фыдыбæстæйы чи хъæуы, ахæм чиныг рухс куы фена, уæд уый æрмæст удыбæстæ нæ, фæлæ нацийæн цинхæссæг зынгæ цау у. Æмæ ахæм бæрæгбонхæссæг чингуытæ фæстаг рæстæджы Ирыстон не 'взæрмæбæлджыты фыдæнæн уыны фылдæрæй-фылдæр.
Уыцы чингуытæм æнæдызæрдыгæй хауы Хъазиты Мелитоны цалдæртомон зонадон куыст «Ирон литературæйы истори».
Ацы бонты райстам чиныджы 4-æм том æмæ йын ЦГЪОЙТЫ Аринæ бахатыд йæ автормæ, цæмæй нын сдзуапп кæна, нæ газеткæсджыты чи цымыдис кæнынц, ахæм цалдæр фарстæн.

- Мелитон, ацы чиныг фыццаг ахæм бафæлвæрд нæу, фæлæ нын цыбыртæй куы радзурис, ирон аив литературæйы истори ахуыр кæнын куыд райдыдтам, уый тыххæй.
- Мах хъуамæ сæрыстыр уæм нæ нывæфтыд литературæйæ. Æппæт Кавказы адæмты литературæтæй ирон литературæ хауы иууыл хъæздыгдæртæм, кæд æм цæрæнбонты, куыд фембæлы, иннæ адæмтæ сæ аивад æмæ фысджытæн хъулон митæ куыд фæкæнынц, махмæ ахæм æркаст никуы уыдис, уæддæр.
Паддзахад йæ адæмимæ фæцæуы размæ. Æнæ сæ кæрæдзи сын фидæн нæй æмæ йыл æнæраны хъуыды кæнын дæр нæ хъæуы. Раст афтæ сты литературæ æмæ йæ истори дæр. Литературæ куы уа, куы рæза, уæд йæ истори, абон уа æви сом, уæддæр йемæ ма цæуа размæ, уый гæнæн нæй.

Президент Тыбылты Леониды арфæ Мамсыраты Таймуразæн йæ гуырæнбоны цытæн

Цытджын Таймураз Дзамбеджы фырт!
Айс иууыл хуыздæр арфæтæ дæ гуырæнбоны сæраппонд.
Фæлтæрд къухдариуæггæнæг, райгуырæн бæстæйы æцæг патриот, ды Фыдыбæс-тæйæн аккагæй лæггадгæнгæйæ, тырнынад æмæ профессионализмæй басгуыхтæ æмæ скодтай дæхицæн авторитет канд Уæрæсейы нæ, фæлæ ма æндæр бæстæты дæр.
Хуссар Ирыстоны дæуæн кæнынц стыр цыт.
Æгæрон аргъ дын кæнынц, дыууæ æфсымæрон республикæйы баввахсдæр кæныны тыххæй цы тыхтæ хардз кæныс, уымæн.
Бафæнддзæн мæ дæуæн æнæниздзинад, æгæрон энерги æмæ Фыдыбæстæйæн лæггад кæныны бæрзонд хъуыддаджы стыр æнтыстытæ.

Тыбылты Леонид уыд Мюнхены филармони æмæ Мариинаг театры иугонд концерты уазæг

99999.pngАцы аз 11 апрелы Тыбылты Леонид уыд Мюнхены филармони æмæ Мариинаг театры иугонд концерты Уæрæсейы адæмон артист, Мариинаг театры аивадон къухдариуæггæнæг æмæ генералон директор Гергиты Валерийы хуындмæ гæсгæ. Уый уагъд цыди Чайковскийы номыл Мæскуыйы паддзахадон консерваторийы.
Концерты ма уыд Уæрæсейы Федерацийы Президент Владимир Путин, афтæ ма УФ-йы Хицауады уæнгтæ æмæ субъектты сæргълæуджытæ.
Концерты фæстæ фембæлды Тыбылты Леонид æмæ Гергиты Валери уынаффæ кодтой иукъорд фарстытыл, уыцы нымæцы культурæйы фадыджы æмархайд, Республикæ Хуссар Ирыстоны æрыгон курдиатджын фæсивæдæн æххуыс кæнын æмæ 2016 азы Санкт-Петербурджы Мариинаг театры хайадистæй Ирыстоны бонтæ ауадзынимæ баст фарстытыл.
Бæстæйы сæргълæууæгимæ ма уыд Уæрæсейы Федерацийы Республикæ Хуссар Ирыстоны Уæлвæткон æмæ Æххæстбарджын минæвар Гасситы Знауыр.

RSS-материал