Nog adres

Адæм, кæрæдзи уарзгæйæ цæрут!

Дыууадæсæй сæ иу

Ереды трагедийыл сæххæст 25 азы

Рæстæг дугъон бæхау лидзы размæ æмæ нæ дарддæрæй дарддæр кæны гуырдзиаг-ирон ныхмæлæуды хъизæмайраг рæстæгæй. Райсом, 18-æм марты Ереды трагедийыл æххæст кæны 25 азы. 25 азы та цъус не сты, цæмæй ацы æбуалгъы трагедийы амæттæгты хиуæтты, зонгæты æмæ æппæт ирон адæмы зæрдæты хъæдгæмттæ байгас уыдаиккой, фæлæ та уыцы сырдон митыл ахъуыды кæнгæйæ, зæрдæ уæлдай рыст скæны æмæ та нæ уадултыл æруайынц судзгæ цæссыгтæ.
1991 азы ацы æнамонд уалдзыгон боны гуырдзиаг тугмондаг сырдтæ фыдмардæй амардтой æнæаххос дыууадæс лæппуйы, сæ аххосаг уыд, æрмæстдæр, ирæттæ кæй уыдысты, уый. Кæй зæгъын æй хъæуы, алкæуыл дæр сæ фæрыст æмæ абоны онг дæр риссы адæймаджы зæрдæ, фæлæ дзы мæ зæрдæ уæлдай рыст фæкодта Дыгъуызты Иосифыл (Важайыл), кæцыйы зыдтон лæгæй-лæгмæ. Уый уыд ме 'мбал Тедеты Заринæйы цардæмбал.

Бузныг, стыр бузныг алкæмæн дæр

Стæм адæймаг разындзæнис Хуссар Ирыстоны Уалыты Георги, Зассеты Георги (Гога) æмæ Хъоцыты Иосифы (Сосо) кой чи нæ фехъуыста фæстаг 11 азы, сæ æнкъард хъысмæтыл сын чи нæ фæрыст, ахæмтæ. Уыдонæн Гуырдзыстоны «рæстаг тæрхондон» цæрæнбонтæм ахæстоны фæбадын аскъуыддзаг кодта. Цæмæн?! Цæй тыххæй?! Æрмæстдæр, ирон туг кæй уыд се уæнгты, уымæн…
Гуырдзыстоны политикты амбицитæм гæсгæ та сæ ныхмæ хаст æрцыд мæнг аххосæгтæ, ома, дам, 2005 азы февралы мæйы Гуырдзыстоны, Гуры горæты центры, цы теракт арæзт æрцыд, уый мидæг азым æрцыдысты ацы æртæ лæппуйы. Гуырдзыстоны мидхъуыддæгты министрады мæнг хъуыдымæ гæсгæ, фæстæдæр ацы æртæ лæппуйыл æвæрд æрцыд ноджыдæр æндæр æмгъуызон æрымысæггаг чъизи хъуыддæгтæ æмæ уый ахоссæй уал уæззау азы фæфыдæбон кодтой.

Дæргъвæтин фæндаг райгуырæн къуыммæ

Хъоцыты Иосиф: «Мæн нæ уырныдта, кæй нæ ссæрибар кæндзысты».
Хъоцыты Иосиф цалынмæ Гуырдзыстоны ахæстонмæ нæ бахауд, уæдмæ йæ цард уыд иугъæдон. Цард йæхицæн сабырæй, хæдтулгæты хæйттæй бизнес кодта. Уæд Гуырдзыстонмæ фæндæгтæ сæрибар уыдысты. Йæ мад (дзæнæты бадæд) Гуырдзыстонæй уыд, уымæн хæстæджытæ цард Тбилисы хæдтулгæйы хæйттæ дæр уырдыгæй ласта æмæ сæ уæй кодта нæхимæ. Радон хатт та бадзырдта клиентимæ фембæлыны тыххæй, фæлæ йæ бæсты фембæлдмæ æрбацыдысты Гуырдзыстоны тыхон структурæты минæвæрттæ. Цы æмбарын ма йæ хъуыд, кæимæ бизнес кодта, уыцы гуырдзиаг æмбæстаг æй кæй «ауæй кодта». Райдианы уый æмбаргæ дæр нæ кодта, цæмæн æй æрцахстой, цы хъуыддаджы йæ азымджын кæнынц. «Гуырдзыстоны спецслужбæтæн уыцы рæстæджы сæ сценари фыст уыд, алкæмæн дæр наркотик æппæрстой, фæлæ æз æмбæрстон, уый æфсонæн кæй у. Развæлгъау тæрхон рахæссыны рæстæджы мын мæ аххосаг «Гуры æрцæугæ теракты фæдыл хъуыддаг» куы загътой, уæд фæдисау дæн. Цалынмæ теракт арæзт не 'рцыд Гуры, уымæй бирæ раздæр ме 'мбалимæ Тбилисы балхæдтам машинæ, фæлæ йæ фæстæдæр ауæй кодтам. Нæдæр æй зыдтон, теракты рæстæджы ацы машинæйæ кæй спайда кодтой. Уый тыххæй базыдтон, куы мæ фæазымджын кодтой, куыд теракты æмархайæг, афтæ, уæд. Æртæ бон раздæр та Гуырдзыстоны спецслужбæтæ дыууæ ирон лæппу Уалыты Георги æмæ Зассеты Георгийы æрцахстой, уыдон та теракт аразджытæ рахаудтой. Æз ацы лæппутæй иуимæ дæр зонгæ нæ уыдтæн» - дзуры Иосиф.

Йæ амонд фæллойы уыны

Цард рæсугъдгæнæг фæллойгæнæг у, быдыры куыстытæ кæна, æви заводы, фабрикты тæрхы фарсмæ куса, уæддæр. Уыдон аразынц царды æппæт хæрзиуджытæ.
Тохъмайты Хъазбегыл ныр 80 азы цæуы. Æмæ æппæт уыцы азты дæргъы уый баст уыд йæ райгуырæн зæхмæ, никуы дзы фæиртæст, афтæмæй йыл намысджынæй фæллой кодта æмæ абон дæр, йæ бон цас у, уымæй кусы, змæлы, йæ уæзæгæвæрд, куыстуарзаг къухтæй нæ хицæн кæнынц хъæууонхæдзарадон кусæнгæрзтæ.
Зын, уæззау дуджы райгуырд Хъазбег. Йæ сабидуг æрхауд ивгъуыд æнусы 30-æм азты кæронмæ, Стыр Фыдыбæстæйон хæсты тугкалæн азтæм. Ацы хæст Хъазбегæн бынтондæр йæ хъысмæт фæивта. Йæ фыд Владимир сæ хæдзардарæг, йæ цардæмбал Верæйы йæ æртæ æнахъом чызджы æмæ сæ иунæг фырт Хъазбегимæ ныууадзгæйæ, фæраст цы фыддæр знаджы ныхмæ тохмæ. Хæсты райдианы фыстæджытæ, ныфсæвæрæнтæ бæргæ фыста фронтæй, фæдзæхста йæ хъæбулты, фæлæ 1942 азы æрбаскъуыд уыцы фыстæджыты хал, æбæрæгæй фесæфт, ницыуал дзы райхъуыст.
Хъазбег базза

Иумæйаг ног къахдзæфтæ Абхазы Республикæимæ

Ацы бонты «Хæсты фæцæфуæвæг инвалид лæппуты фонд»-æй иу, Хуыгаты Денис афæндараст Абхазы Республикæмæ.
Хуыгаты Денис фæцæф 2008 азы, августы хæстон цауты рæстæджы. Ампутацигонд æрцыд æрыгон лæппуйæн йæ къах. Сарæзтой йын протез дæр. Фæлæ рæстæджы цыдимæ цадæггай протез баихсыд, лæппуйæн æвзарын кодта æнæкæрон зындзинæдтæ æмæ тухитæ. Куыд зонæм, афтæмæй протез ивынæн хъæуы самал кæнын æхцайы фæрæзтæ, квотæ райсынæн та ис йæхи фæткойтæ æмæ йæм хатт æнхъæлмæ кæсын бахъæуы дзæвгар рæстæг. Уый тыххæй та хъуыд амæлттæ агурын. Ивгъуыд аз 20-æм сентябры нæ республикæмæ цы уазджытæ æрцыдысты, Республикæйы бæрæгбон банысан кæныны сæраппонд, уыдон æхсæн уыд æфсымæрон Республикæ Абхазы хæсты фæцæфуæвæг лæппуты къорд дæр, сæ сæргъ Бадри Агра, афтæмæй. Уыдон хайад райстой цытджын церемонийы, стæй хуынд æрцыдысты «Хæсты фæцæфуæвæг инвалид лæппуты фонд»-мæ. Ам, лæмбынæг базонгæ сты, фонды куыст æмæ архайдимæ. Æмархайды фæдыл цалдæр бадзырды гæххæттыл къухтæ æрфыстой.

Тыбылты Леонид фембæлд æмæ раарфæ кодта ПТРК «ИР»-ы коллективæн

Президент Тыбылты Леонид раарфæ кодта Паддзахадон телерадиокомпани «Ир»-ы коллективæн, компанийы сырæз-тыл 22 азы кæй сæххæст, уый цытæн.
Бæстæйы сæргълæууæг фæуазæг телецентрмæ, цыран ныхас кодта кусджытимæ, цымыдис кодта сæ куысты уавæртæм, афтæ ма аккагдæр кусджыты схорзæхджын кодта паддзахадон хорзæхтæй Республикæ Хуссар Ирыстоны Кады грамотæтæй, Республикæ Хуссар Ирыстоны Президенты арфæйы фыстæджытæй æмæ «Республикæ Хуссар Ирыстоныл 25 азы сæххæсты цытæн» майдантæй.
ПТРК-йы коллективæн ма йæ профессионалон бæрæгбоны цытæн раарфæ кæнынмæ æр-бацыдысты Хицауады Сæрдары хæдивæг Пухаты Эрик æмæ Информаци æмæ мыхуыры паддзахадон комитеты сæрдар Гобозты Вячеслав.
«Бар мын раттут, цæмæй уын раарфæ кæнон ацы диссаджы бæрæгбоны цытæн, - ПТРК-йы коллективы раз йæ раныхасы загъта Тыбылты Леонид. - Æз хорз хъуыды кæнын, сæрæй, 24 азы размæ куыд уыди, уый, республикæйæн йæхи телеуынынад куынæма уыд, æрмæстдæр нæм радио куы уыд, уыцы рæстæджы арæзт æрцыд хæдбар телеуынынад, кæцы цасдæр рæстæджы фæстæ сси паддзахадон. Бузныг, уыцы уæззау уавæрты нæ телеуынынад чи скусын кодта, нæ уыцы лæппутæн».
Президент бузныджы ныхæстæ загъта телерадиокомпанийы ныртæ

«Хисæрмагонд ресурстæй эффективонæй пайда кæнын у Хуссар Ирыстоны экономикæйы æнтыстджын рæзты фæрæз»

РХИ-йы Хицауады Сæрдар Хъуылымбегты Доменти æмбырд ауагъта министрадтæ æмæ ведомствоты къухдариуæггæнджытæн цæмæй сконтроль кæна экономикон полити-кæйы хицæн фарстаты фæдыл хæслæвæрдтæ, кæцытæ фæстаг рæстæджы райстой фылдæр актуалондзинад. Сæйраджыдæр уыдон здæхт сты сæрмагонд экономикон потенциалæй эффективондæрæй спайда кæнынмæ.
Министрты кабинеты сæргълæууæг банысан кодта, зæгъгæ, æфсымæрон Уæрæсейы æххуысæй республикæ цадæггай лæууы йæ къæхтыл, социалон-экономикон процесстæй бирæтæ стабилон кæнынц, фæлæ, уыимæ иумæ банысан кодта, зæгъгæ, æппынæдзух æнхъæлмæ кæсын нæ хъæуы æддæрдыгæй æххуысмæ.
«Адæм æмæ Парламентмæ Президенты Ныстуаны паддзахады сæргълæууæг хъусдард аздæхта уымæ, зæгъгæ, афон у æвджидады зæрдæйы уагæй рахизын æмæ экономикæ аразын, сæрмагонд потенциалæй спайда кæнгæйæ. Хицауады раз æвæрд ис экономикæ сæндидзын кæныны хæслæвæрд, цы фадæттæ нын ис, уыдон хыгъдæй… Цыбыр æмгъуыдмæ саразын хъæуы лæмбынæг анализ экономикæйы системæйы æппæт къабæзты дæр, рабæрæг кæнын хъæуы уæвæг потенциал æмæ бакусын хъæуы дырыс фæндæттыл хъалонтæ æмæ æнæхъалон æфтиæгтæ фæфылдæр кæныны фæдыл», - загъта уый.

Дзыллон информацион фæрæзтæ æмæ дзыллон рекламæ, агитаци æмæ дезинформацийы фæрæзтæ. Майданы иннæ фарс

Цыфæнды цаутæн кæнæ тенденцитæн объективон аргъ кæнын хъæуы, алы ракурстæй сæм æркæс-гæйæ. Фæлæ реалон царды арæх вæййы бынтон æндæргъуызон. Арæх нын фæуынын кæнынц майданы иу фарс, уыимæ æппæт дæр фæаразынц, цæмæй ферох кæнæм, æндæр фарс дæр ма йын кæй ис, уый. Ахæм тенденциондзинадæй фæархайынц информацион ресурстæ, æхсæнады хъуыдыйыл æндавынæн кæцытæн ис алкæмæй фылдæр фадат.
Уым диссагæй æмæ тæссагæй ницы ис, уымæн æмæ, бæрæг куыд у, афтæмæй конфеты цъар цас рæсугъддæр у, уыйас ын фылдæр шанстæ ис йæ ауæй кæнынæн. Æцæгæй, развæлгъау иу хъуыддаг бамбарын кæнын хъæуы: иуварсондзинад уæз-зау фæстиуджытæм куынæ æркæна, уæд уый тæссаг нæу. Афтæмæй куыдфæндыйæ дæр, цалынмæ хъуыддаг аскъуыддзаг кæнай, уæд-мæ уал майданы дыууæ фарс сахуыр кæнын никуы уыдзæн æнæхъуаджы.
Бынтон æрæджы уæрæсейаг политологтæй иу, алыгъуызон информацион ресурсты позицитæн ха-рактеристикæ дæтгæйæ, загъта, зæгъгæ, фактон æгъдауæй уыдон иууылдæр дих кæнынц дыууæ хайыл: Дзыллон информацион фæрæзтæ æмæ Дзыллон рекламæ, агитаци æмæ дезинформацийы фæрæзтæ. Кæй зæгъын æй хъæуы, зонадон цæстæнгасæй ацы классификаци дызæрдыггаг у, фæлæ дзаумæтты реалон равæрдæй у дырыс (реалон рæстæджы).

17 март - Цæрджыты цæрæнуатон-коммуналон хæдзарады æмæ цардуагон лæггæдты кусджыты бон

АРФÆ
Цæрæнуатон-коммуналон хæдзарады æмæ цардуагон лæггæдты цытджын кусджытæ!
Æппæт зæрдæйæ мæ фæнды сымахæн раарфæ кæнын уæ профессионалон бæрæгбоны цытæн.
Сымах цы фадыджы кусут, уый архайд баст у æппæт организациты, куыстуæттæ æмæ уагдæтты цардархайды хорз фадæттæ саразынимæ. Алы хæдзары, алы бинонты хæрзæбон дæр бирæбæрцæй у цæрæнуатон-коммуналон хæдзарады бæстон куыстæй, уым цы адæм кусы, уыдон профессионализм æмæ бæрндзинадæй аразгæ.

Джиоты Мурат фембæлд Марат Кулахметовимæ

15 марты постконфликтон бæстонкæнынады фарстаты фæдыл Республикæ Хуссар Ирыстоны Президенты æххæстбарджын минæвар Джиоты Мураты Аппараты уыд фембæлд Уæрæсейы Федерацийы Фæсарæйнаг хъуыддæгты минæвар, Фæскавказы æдасдзинады фæдыл Женевæйаг дискусситы уæрæсейаг делегацийы уæнг Марат Кулахметовимæ.
Фембæлды рæстæджы дзырд цыд Женевæйаг дискусситы радон раундмæ цæттæгæнæн фарстатыл, афтæ ма Республикæ Хуссар Ирыстон æмæ Гуырдзыстоны 'хсæн паддзахадон арæны уавæры тыххæй.

РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНДТÆ

РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД
Республикæ Хуссар Ирыстоны паддзахадон хорзæхтæй схорзæхджын кæныны тыххæй
Намысджын фæллойадон архайды æмæ Сылгоймæгты дунеон бон 8 марты цытæн «Республикæ Хуссар Ирыстоны 25 азы банысан кæныны тыххæй» майданæй хорзæхджын æрцæуæд
Бесаты Ингæ Александры чызг - Републикæ Хуссар Ирыстоны Централон паддзахадон архивы архивтæ бæстон кæныны фæдыл хайады хистæр;
Бигъаты Лейлæ Григолы чызг - Республикæ Хуссар Ирыстоны Централон паддзахадон архивы документтæ æфснайын æмæ паддзахадон хыгъд ифтонг кæныны фæдыл хайады сæйраг специалист;
Хъуылымбегты Индирæ Германы чызг - Республикæ Хуссар Ирыстоны Централон паддзахадон архивы реставратор;
Тъехты Жаннæ Графы чызг - Республикæ Хуссар Ирыстоны Централон паддзахадон архивы зонадон-бæрæгуатон аппаратæй пайда кæнын æмæ документтæ публикаци кæныны хайады сæйраг специалист.

ФÆЛХАСГÆНÆГ КÆДДÆРИДДÆР РАСТ У

Æрвылаз дæр 15 марты нысан цæуы Фæлхасгæнджыты бартæ хъахъхъæныны дунеон бон. Нæ республикæйы фæлхасгæнджытæ арæхдæр цахæм проблемæтыл æмбæлынц, куыд хъæуы тох кæнын нæ фæлхасадон барты сæрыл, уыцы æмæ æндæр фарстатæн дзуапп дæтты РХИ-йы Фæлхасгæнджыты бартæ æмæ адæймаджы фæрныгад хъахъхъæныны къабазы хъусдарды фæдыл комитеты товарты гъæд æмæ фæлхасгæнджыты бартæ хъахъхъæныны фæдыл хайады хистæр Санахъоты Жаннæ.
- Жаннæ, фыццаджыдæр уал мæ фæнды дæуæн æмæ дæ коллегæтæн раарфæ кæнын уæ аивгъуыйгæ профессионалон бæрæгбоны сæраппонд.
- Бузныг дын. Фæлæ мæ фæнды фæбæлвырддæр кæнын, уый кæй у нæ иумæйаг бæрæгбон, уымæн æмæ мах иууылдæр стæм фæлхасгæнджытæ: æрвылбон дæр æлхæнæм товартæ, ныззаказ кæнæм бæрæг куыстытæ нæхи, нæ хæдзары, нæ бинонты хъуагдзинæдты тыххæй нын бакæнынц лæг-гæдтæ. 15 март нæ алкæмæндæр йæ зæрдыл æрлæууын кæны, махæн кæй ис бæрæг фæлхасадон бартæ, кæцытæ сæ хъахъхъæныны механизмтимæ иумæ фидар æрцыдысты «Фæлхасгæнджыты бартæ хъахъхъæныны тыххæй» РХИ-йы Закъоны æмæ йæ дæлзакъонон актты.
- Цахæм сæйрагдæр здæхтыты кусынц уæ хайады специалисттæ?

СÆЙРАГ ФАРСТ - АРÆНТÆМ ХÆСТÆГ ÆРЦÆУГÆ ЦАУТÆ

Хуссарирыстойнаг-гуырдзиаг арæныл Эргнеты хъæумæ æввахс уагъд æрцыд Инциденттæ ма æруадзын æмæ сæм хъусдард здахыны фæдыл Механизмты фæлгæтты радон фембæлд Хуссар Ирыстон, Гуырдзыстон, Уæрæсейы Федераци, ЕÆÆО æмæ Евроцæдисы Миссийы цæстдар-джыты хайадистæй.
Ацы фембæлды сæйраг нысан у Республикæ Хуссар Ирыстоны æмæ Гуырдзыстоны 'хсæн паддзахадон арæнтæм æввахс æрцæугæ цаутыл æрдзурын.
Хуссар Ирыстонæй делегацийы сæргълæууæг, РХИ-йы Президенты Паддзахадон уынаффæгæнæг Санахъоты Дауыт иформацион фæрæз-тæн куыд радзырдта, уымæ гæсгæ Механизмты фæлгæтты радон фембæлды дзырд цыд къорд фарстатыл. Банысанчындæуыд уый, æмæ фæстаг фембæлдæй фæстæмæ Гуырдзыстоны æмбæстæгтæ кæй фехæлдтой паддзахадон арæныл хизыны фæтк.

ХАЙДЖЫН СТÆМ СÆ ЛÆГГÆДТÆЙ

17-æм марты у, уыцы кусджыты бæрæгбон, кæцытыл мах æмбæлæм не 'рвылбонон царды дæр. Цæрджыты цардуагон лæггæдты кусджыты куыстыл баст у нæ царды комфортондзинад.
Советон Цæдисы рæстæджы Хуссар Ирыстоны цæрджыты цардуагон лæггæдты системæйы куыста 700 адæймаджы бæрц æмæ дзы абон та кусы æрмæстдæр 70 адæймаджы. Уый хыгъд ныртæккæ нæ горæты баконд æрцыдысты ацы системæйы хисæрмагонд салонтæ, куыд сæрæлвынæнтæ, афтæ косметикон салонтæ дæр.
Адæймагмæ афтæ кæсы, ома сæрæлвынæджы дæсныйад хуымæтæджы дæсныйад у, фæлæ уый бынтон афтæ нæу, хъуамæ клиентимæ иумиаг æвзаг ссара æмæ йын клиент та хъуамæ райгонд уа йæ лæггадæй.
Фæнды мæ, нæ горæты Хъайтарты уынджы сæрæлвынæн салон «Ника»-йы кусджыты хорз лæггæдты кой ракæнын. Салоны хицау у Багаты Маринæ. Скъолайы фæстæ уый каст фæцис Абхазы паддзахадон университеты хими æмæ биологийы факультет. Цалдæр азы куыста химийы ахуыргæнæгæй, фæлæ йæ зæрдæ æхсайдта чысылæй фæстæмæ цы дæсныйад уарзта, уымæ - сæрæлвынæг-стилисты дæсныйадмæ æмæ абоны онг дæр кусы ацы дæсныйадыл. Маринæ клиенттæм дары уæздан ахаст, сæмбæлы сыл мидбылхудгæйæ. Алы клиентмæ дæр ын ис сæрмагонд ахаст æмæ дзы уыдон дæр сты тынг райгонд.

Йæ куыст бæстон æмæ зæрдæмæдзæугæ

Рæстæмбис кары сылгоймаг бахызт нæ горæты Цардуагон лæггæдты бæстыхайы къæсæрæй. Ам, фыццаг уæладзыджы, къахыдарæс цалцæггæнæн æрмадзтæ ис æртæ, сæ иуæй дæр нæй рахъастгæнæн. Зоны се ппæты дæр, фæлæ комкоммæ фæраст, бахъуыды рæстæджы йæ дзабыртæ цалцæг кæнынмæ æдзухдæр кæдæм бахæссы, уыцы æрмадзмæ. Уым ыл мидбылхудтимæ, зæрдæйы хъарм ахастимæ сæмбæлд Тедеты Альберт, лæмбынæг æркæстытæ кодта, фæлхасгæнæг æм цалцæг кæнынмæ цы къахыдарæс балæвæрдта, уыдонмæ. Уый фæстæ йын бамбарын кодта, куыд сын ис фæхуыздæргæнæн, цас рæстæгмæ йын уыдзысты цæттæ æмæ уыцы зæрдиаг ныхæсты фæстæ сылгоймаг аздæхт бузныгæй. Ноджы дзы райгондæй баззад, йæ дзабыртæ бæстон æмæ зæрдæмæдзæугæ куыстæй куы рахаста, уæд, хъазгæмхасæн ма йын афтæ дæр бакодта, ногты хуызæн мын сæ скодтай, зæгъгæ. Æмæ афтæ æрвылбон дæр Тедейы фырт зæрдæхæларæй сæмбæлы, æххуысы тыххæй йæм чи æрбацæуы, уыдоныл. Уый фæстæ цæстуарзон æмæ лæмбынæг куыст бакæны йæ кусинæгтæ, ахæм архайдæй та фæлхасгæнæг кæддæриддæр баззайы разыйæ, сæ зæрдæ барухс вæййы, сæ дзабыртæ ахæм зæрдæмæдзæугæ хуызæй куы фенынц, уæд.

RSS-материал