Nog adres

Адæм, кæрæдзи уарзгæйæ цæрут!

Штабы рабадт | Тыбылты Леонид: Мах цадæггай хизæм æндидзынгæнæн этапæй республикæйы рæзты процесстæм

Куыд зонæм, афтæмæй ивгъуыд азæн Хуссар Ирыстоны социалон-экономикон рæзтæн ахъазгæнæг Инвестицион программæмæ хаст объекттæ реализаци æрцыдысты. Сæ реализаци кæныныл контроль кодта æмæ арæзтадон куыстытæ куыд цыдысты, уымæ йæ хъус дардта сæрмагондæй арæзт штаб. Штабы уæнгтæ уынаффæ кодтой, æндидзынады къабазы цы проблемæтæ æвзæрдысты республикæйы разамынады æмæ арæзтадон организациты раз, уыдоныл, сæ хъус дардтой, арæзтадон куыстытæ куыд цыдысты, уыдонмæ æмæ истой оперативон мадзæлттæ. Уыцы штаб ногæй йæ куыст райдыдта 2016 азæн Инвестицион программæ реализаци кæныны фæдыл. Фыццаг рабадт ын уыдис 19-æм марты. Йæ куысты хайад райстой Хицауады Сæрдар Хъуылымбегты Доменти æмæ йæ хæдивæг Тъехты Алан. Ардæм ма хуынд æрцыдысты профилон министрадтæ æмæ ведомствоты къухдариуæггæнджытæ, афтæ ма подрядон организациты минæвæрттæ дæр, цæмæй лæмбынæг æруынаффæчындæуыдаид Инвестпрограммæйы фæлгæтты арæзтцæуæг объектты куыстытæ куыд цæуынц, ууыл.

Президенты ныстуан æххæст кæнгæйæ дарддæр къаддæр цæуынц фæлхасадон кредиты процентон ставкæтæ

РХИ-йы Президент Тыбылты Леонид фембæлд РХИ-йы Национ бангы сæргълæууæг Зассеты Феликсимæ. Боны фæткы уыдис цæрджытæн кредитон процентон ставкæтæ фæкъаддæр кæныны фарст, афтæ ма, иумæйагæй сисгæйæ, Национ бангы архайдмæ хауæг фарстатæ дæр.
«Республикæйы адæммæ æмæ Парламентмæ мæ Ныстуаны фæндон бахастон, цæмæй республикæйы бангты къухдариуæггæнджытæ ноджыдæр лæмбынæг сахуыр кæной, кæй дæттынц, уыцы кредитты процентон ставкæты фæкъаддæр кæныны фадат, æз хъуыды кодтон цæрджыты царды æмвæзад фæхуыздæр кæныныл. Мах хъуамæ æмбарæм уый хæрзвадат уавæртæ кæй сараздзæн чысыл æмæ астæуккаг бизнес разæнгард кæнынæн, иумæйагæй сисгæйæ, нæ экономикæйы рæзтæн», — загъта уый.
Паддзахады сæргълæууæг банысан кодта, зæгъгæ, республикæйы цæрджытæн æххуыс кæныны нысæнттæн бангы совет райста уынаффæ радон хатт процентон ставкæ 18 процентæй 16,5 процентмæ фæкъаддæр кæнын ацы азы 1 апрелæй.
Тыбылты Леониды хæслæвæрдмæ гæсгæ 2012 азы бангтæ фæкъаддæр кодтой процентон ставкæтæ 24 процентæй 18 процентмæ.

Тыбылты Леонид: «Чысыл бæстæ гæнæн ис йæхи бахъахъхъæна æрмæстдæр хъомысджын æмцæдисонимæ»

Афæдзы размæ Уæрæсе æмæ Хуссар Ирыстон сæ къухтæ æрфыстой Æмцæдисад æмæ интеграцийы тыххæй бадзырдыл. Газет «Коммерсант»-ы специалон уацхæссæг Ольга Алленова ныхас кодта Хуссар Ирыстоны Президент Тыбылты Леонидимæ æмæ рабæрæг кодта, ацы бадзырдимæ республикæ йæ хæдбардзинад сафы, æви нæ.
— Афæдзы размæ Уæрæсе æмæ Хуссар Ирыстоны ’хсæн къухтæ æрфыстæуыд интеграцийы тыххæй бадзырдыл. Цахæм сты йæ фæстиуджытæ?

РХИ-йы Парламенты

17-æм марты уыд Республикæ Хуссар Ирыстоны Парламенты Президиумы рабадт. Рабадт уагъта РХИ-йы Парламенты Сæрдар Бибылты Анатоли.
Бибылты Анатоли Президиуммæ æркæсынмæ рахаста «Фæндагон змæлды фæтк халыны фæдыл административон æмæ уголовон бæрндзинады тыххæй» æмæ «Æфсæддон службæгæнджыты статусы тыххæй» Республикæ Хуссар Ирыстоны Закъонмæ ивындзинæдтæ æмæ баххæсткæнинæгтæ бахæссыны тыххæй" Республикæ Хуссар Ирыстоны Закъоны проекттæ, кæцытæ уынаффæ кæныны рæстæджы æрвыст æрцыдысты РХИ-йы Парламенты профилон комитеттæм кæронмæ сыл бакусыны тыххæй.

Фембæлд театр æмæ кинойы зынгæ актеримæ

РХИ-йы Президент Тыбылты Леонид йæхимæ райста театр æмæ кинойы уæрæсейаг актеры, РЦИ-Аланийы адæмон артист Цаллаты Вадимы. Фембæлды хайад райстой Культурæйы министр Остъаты Мадинæ æмæ УФ-йы РХИ-йы минæварады атташе культурæйы фарстаты фæдыл Владимир Сергеев.
Тыбылты Леонид бузныг загъта Уæрæсейы нæ республикæйы минæварады кусджытæн, минæвар Гасситы Зауырæн, сæ куысты æндæр приоритетондæр фæдыздæхтыты æмрæнхъ сæ хъус кæй дарынц уæрæсейаг тыгъдады культурæйы фарстатæм.
«Уый мæнæн у æхсызгон. Культурæйы фарстатæ махæн хъуамæ уой кæддæриддæр фыццаг бынаты. Республикæйы рæзы ног фæлтæр, кæцы разæнгардæй хъуамæ цæуа хисдæр кармæ. Ацы ран культурæ æмæ аивадæн ис скъуыддзаггæнæн нысаниуæг», — загъта Президент.
Уый ма куыд банысаан кодта, афтæмæй Хуссар Ирыстоны культурæйы къабазмæ здæхт цæуы стыр хъусдард æмæ загъта, зæгъгæ, Уæрæсеимæ афæдзы размæ Æмцæдисад æмæ интеграцийы тыххæй къухтæ цы бадзырдыл фыст æрцыдис, уымæ уæлæмхас сразыдзинæдтæй фыццаг уыд ацы къабазы сразыдзинад.

Цæллати Вадим: «Æз Ирыстоны нæ дих кæнын Цæгат æмæ Хуссарыл»

18-æм марты Хуссар Ирыстонмæ æрцыд Республикæ Цæгат Ирыстон-Аланийы адæмон артист Цæллати Вадим. Киноконцертон зал «Чермен»-ы уыд фантастикон фильм «Мафия»-йы премьерон равдыст, цыран зынгæ ирон актер Цæллати Вадим ахъазыд сæйраг ролы. Фæлæ уал уый размæ дзыллон-информацийы фæрæзты минæвæрттæн ауагъта пресс-конференци, цыран лæмбынæг радзырдта йæ актерон куысты тыххæй.
— Дзурынц, зæгъгæ, фæстаг рæстæджы ды фылдæр хъазыс æппæрццаг ролты.
— О, афтæ дзурынц, фæлæ уый бынтон афтæ нæу. Æртæ азы размæ кинофильм «Интерны»-йы, дохтыр-анестезиологы ролы куы ахъазыдтæн, уый фæстæ æххæст кæнын æвæрццаг ролтæ. Афтæ ма, æввахс рæстæджы рацæудзæн кинофильм «Райский уголок», цыран хъаздзынæн æвæрццаг ролы. Фылдæр мæ зыдтой куыд æппæрццаг ролты хъазæг, афтæ, фæлæ уымæ нæ кæсгæйæ мæ киномæкæсджытæ базыдтой кинофильм «Диверсант, конец войны»-йы, æвдыст цыд Уæрæсейы 1-аг каналæй, цыран уыдтæн æвæрццаг ролы — денджызон флоты хъайтар.
— Ды ахъазыдтæ бирæ ролты, дæ зæрдæмæ дзы æввахсдæр кæцы у?

Рæсугъд бæрæгбон «Сывæллæтты Чингуыты Къуыри»-йы цытæн

17-æм марты Сывæллæтты республикон библиотекæйы уагъд æрцыд рæсугъд, цымыдисон бæрæгбон. Ацы уагдоны кусджытæ нæ горæты 2-æм астæуккаг скъолайы ахуыргæнджытæ Къуылыхты Иренæ æмæ Кæркуысты Мзияйы ахуыргæнинæгтимæ цытджын æгъдауæй банысан кодтой «Сывæллæтты чингуыты къуыри»-йы бæрæгбон.
Мадзалмæ æрбацыдысты РХИ-йы Культурæйы министры хæдивæг Дзеранты Джульеттæ, ацы министрады библиотекæты куысты фæдыл сæйраг специалист Дриаты Нателæ, республикон централон библиотекæйы директор Кокойты Валерия, æвзæнгты республикон библиотекæйы директор Тъотъоты Ленæ, горæтон централон библиотекæйы директор Прокопенко Ирæ, сывæллæтты ныййарджытæ æмæ дзыллон информацийы фæрæзты минæвæрттæ.

Фидæны нывгæнджыты равдыст

Ирыстоны зæххыл бирæ курдиатджын кæстæртæ рæзы, уыдонæн сæ фылдæр сты аивады хуызтæм æвзыгъд. Ахæм курдиатджын сывæллæтты иу хай та иуранмæ æрбатымбыл кæны нæ горæты Колыты Аксойы номыл паддзахадон Аивæдты лицей. Ацы ахуыргæнæндоны фæлтæрд ахуыргæнджыты руаджы тынгдæр райхæлы сæ курдиат, базонынц аивады алыгъуызон сусæгдзинæдтæ. Уымæн та æвдисæн сты, сæ нæмттæ дардыл кæй ахъæр сты, куыд нæ республикæйы, афтæ Уæрæсейы горæтты æмæ фæсарæнты бирæ бæстæты. Алыгъуызон равдыстыты, фестивалты æмæ æндæр мадзæлтты хайад куы райсынц, уæд бацахсынц призон бынæттæ.
17 марты Колыты Аксойы номыл паддзахадон Аивæдты лицейы уагъд æрцыд нывкæныны студийы 2-æм æмæ 3-æм кълæсты ахуыргæнинæгты нывты равдыст, ахæм номимæ «Краски детства».
Æвзонг нывгæнджыты равдыстмæ æрбацыдысты сæ ныййарджытæ, ахуыргæнджытæ, Къостайыхъæуы скъолайы ахуыргæнинæгтæ сæ ахуыргæнæг зынгæ нывгæнæг Гæбæраты Барисимæ, РХИ-йы Ахуырады æмæ зонады министрады минæвар Джиоты Эльзæ æмæ æндæртæ.

Интервью | Хъодалаты Хансиат: «Журналистикæйы актуалондзинад ног технологиты æнусы ноджыдæр сырæзт»

Æрæджы Хуссар Ирыстоны Президент адæм æмæ Парламентмæ йæ Ныстуаны бафиппайдта Республикæйы журналистикæйы мæгуырау уавæр æмæ банысан кодта, кæй хъæуы æвæстиатæй ацы къабазы æмвæзадыл схæцын.
Ацы фарсты фæдыл Sputnik бахатыд ХИПУ-йы журналистикæйы кафедрæйы сæргълæууæг, РХИ сгуыхт журналист Хъодалаты Хансиатмæ, кæцы йæ интервьюйы æрдзырдта журналистикæйы факультеты æнæмæнгхъæуындзинадыл, иумиагæй Республикæйы журналистикæйы æмвæзадыл æмæ цы хъæуы саразын, цæмæй уавæр фæхуыздæр уа, уыдæттыл.
— Цæмæн равзæрстай журналистикæйы дæсныйад?
— Журналистикæ, фылдæрбæрцæй, у ахæм сфæлдыстадон дæсныйад, кæцыйæн сæрмагондæй равзарæн нæй. Гæнæн ис, иттæг хорз бæрæггæнæнтимæ каст фæуай журналистикæйы факультет, фæлæ æцæг журналист ма суай. Мæн уый зæгъын фæнды, æмæ сфæлдыстадон дæсныйады фæдыл куы цæуай, уæд дæм хъуамæ уа бæрæг æвзыгъддзинад равзаргæ фæдыздæхты.

Историон документы сырæзтæй рацыд иу афæдз

Иу афæдз рацыд, Республикæ Хуссар Ирыстон æмæ Уæрæсейы Федерацийы 'хсæн историон нысаниуæджы документ арæзт куы æрцыд, уымæй. 2015 азы 18 марты Республикæ Хуссар Ирыстоны Президент Тыбылты Леонид æмæ Уæрæсейы Федерацийы Президент Владимир Путин сæ къухтæ æрфыстой дыууæ бæстæйы 'хсæн Æмцæдисад æмæ интеграцийы тыххæй бадзырдыл. Ирон адæм куыд Цæгаты, афтæ Хуссары дæр æнусты дæргъы Стыр Уæрæсейы адæмимæ хæларæй цæрынц, рагæй сын уыдис æнгом, хæларадон ахастытæ, æмæ уыцы ахастытæй тынг буц уыдысты.
Фыццаг ирон минæварад Санкт-Петербургмæ æрцыд æмæ йæ дипломатон мисси æх-хæст кодта XVII-æм æнусы æмбисы. Ирон лæг йæхицæн кадыл нымадта Уæрæсейы æфсады службæ кæнын, Уæрæсейы сæрыл тохты активон хайад исын. Цыфæнды тохты, цыфæнды æндыгъд уавæрты дæр ирон адæймаг кæддæриддæр хъахъхъæдта Уæрæсейы интересты.

МЫСÆМ ÆМÆ СÆ МЫСДЗЫСТÆМ

Уыдысты дыууадæс -
Ирыстонæн дуаргæс.
Дыууадæс зынгхуысты…
Дыууадæс æлгъысты…
Дыууадæс!
Хъазиты Мелитон

Ереды трагеди Ирыстоны историйы иннæ трагедитау баззад уæззау мысинагæй. Ирыстоныл цы бирæ уæззау хабæрттæ æрцыд, уыдонæй иу у ацы трагеди. 25 азы размæ нæ цардхъом бæлццæттæ Ереды хъæуы баисты фыдхор знæгты амæттаг. Трагедийы амæттæгты рухс ном арыны цытæн Республикæйы къухдариуæгад сорганизаци кодта мысæн мадзæлттæ.
Республикæ Хуссар Ирыстоны Президент Тыбылты Леонид знон фембæлд ацы трагедийы амæттæгты хиуæттимæ. Фембæлды хайад райстой Хицауады Сæрдары хæдивæг Пухаты Эрик æмæ Цхинвалы районы администрацийы сæргълæууæг Плиты Алан. Бæстæйы сæргълæууæджы ныхæстæм гæсгæ, уæззау у, ахæм рæстæджы ныхас цæмæй райдайай, уый. Уыцы бон, зæгъгæ, нæ зæрдæты баззайдзæн уæззау мысинагæй.
«Ахæм мæлæт зын æмæ уæззау у æмæ адæймагыл уæззау фæд ныууадзы», - банысан кодта Тыбылты Леонид. Уый хорзыл банымадта æрвылаз дæр ацы бон трагедийы амæттæгты рухс ном кæй мысæм, уый æмæ банысан кодта, зæгъгæ, уымæй нæ ничи æмæ ницы рох кæны.

БИБЫЛТЫ Анатоли: Фыдгæнджытæ хъуамæ баййафой æфхæрд

Хуссар Ирыстоны ногдæр историйы фæрстыл бирæ трагикон цаутæ ис, фæлæ Ереды трагедийæн сæрмагонд бынат ис. Æмæ цасфæнды рæстæг ма рацæуа, уæддæр ферохгæнæн нæй, гуырдзиаг неофашисттæ 12 æнæазым хуссарирыстойнаг æмбæстаджы фыдмардæй куы амардтой, 1991 азы 18 марты, уыцы æбуалгъы хабарæн. Æгæрон цъаммар, æгъатыр фыдракæнд. Зæгъæн дæр нæй, уыдон æгъатыр хъизæмæрттæ æмæ удмарæн сахаты цы бавзæрстой, уымæн, бауромæн нæй се ‘ввахс адæм æмæ хиуæтты рыстæн. Уый у æппæт ирон адæмы трагеди. Нæй æмæ нæ уыдзæн ныббарæн, ацы фыдгæнд чи сарæзта, уыцы гуырдзиаг лæгсырдты тугхордзинадæн. Фыдгæнæг хъуамæ баййафа æфхæрд, æмæ йæ чи сарæзта, уыдон хъуамæ ссардæуа æмæ баййафой карз тæрхон. Мах хъуамæ нæ зæрдыл дарæм æппæт дæр, цæмæй нæ историйы фæрстыл ахæм тæссаг цаутæ ма-куыуал æруадзæм, цæмæй дунейы ахæм трагедитæ макуыуал æруагъдæуа.

Луганскы Адæмон Республикæйы Сæргълæууæг мæсæллæйы тел æрæрвыста Ереды трагедийы тыххæй

Цытджын Леонид Харитоны фырт!
25 азы размæ æрцыд Ереды трагеди, кæцы ссис адæймагады историйы трагикон цаутæй сæ иууыл тæссагдæр æмæ трагикондæртæй сæ иу - Хуссар Ирыстоны адæмы ныхмæ Гуырдзыстоны арæзт геноцид.
Саразгæ фыдракæнды уæззаудзинад адæмы зæрдæты банкъуыста, райхъал сæм кодта сæ протесты хъæлæс фæбæрзонддæр кæнын.
Æрцæугæ трагедийы тыххæй зын у дзурын. Уыцы трагеди судзгæ рыстæй ахизы нæ зæрдæты.
Куыд Донбассы адæм, афтæ Хуссар Ирыстоны адæм дæр æххæстбæрцæй сæхиуыл бавзæрстой агрессоры сырдон миты. Æнæаххосæй фæмард-уæвджыты нæмттæ цæмæй ма ферох уой, уый тыххæй сын сæ рухс нæмттæ ссарæм æрвылаз дæр.

ХЪУЫЛЫМБЕГТЫ Доменти: «Ног объекттæ ахъаз уыдзысты нæ æнæниздзинад хъахъхъæныны æмæ ахуырады кад фæбæрзонддæр кæнынæн»

Хуссар Ирыстоны социалон-экономикон рæзтæн ахъазгæнæг 2016 азы Инвестицион программæйы нысангонд мадзæлтты æхсæн цы медицинон объектты арæзтад ис, уыдон ахсынц сæрмагонд бынат æмæ сын ис стыр нысаниуæг республикæйы æнæниздзинад хъахъхъæныны рæзты хъуыддаджы, уыцы нымæцы сывæллæтты æнæниздзинад дæр.
Растдæр уыдонæй райдыдта Хицауады Сæрдар Хъуылымбегты Доменти йæ инспекцион азылд. Йæ кусæгон балцы ма йемæ уыдысты Цæрæнуатон-коммуналон хæдзарад, арæзтад æмæ архитектурæйы министр Зæгъойты Эдуард æмæ йæ хæдивæг Цхуырбаты Залинæ.
Ныртæккæйы республикон рынчындоны территорийыл сывæллæттæн цы бирæпрофилон рынчындон арæзт цæуы, уый хъуамæ уа, æмбал кæмæн нæй, ахæм. Уыцы ран бæрзонд квалификациджын медицинон æххуыс райсын сæ бон уыдзæн уыцыиу рæстæджы 73 рынчынæн. 6 800 кв. метры фæзуатыл техникон агъуыстытæй, иу, дыууæ, æмæ цыппарбынатон хатæнтæй æмæ операцигæнæнæй дарддæр ма ам уыдзысты бассейн, спортивон зал, æмбырдгæнæн зал.

Цæгат Ирыстоны

РЕСПУБЛИКÆЙЫ ФÆРНЫГАДÆН

Къуырцдзæвæны уавæрæй рахизын, республикæйы фæрныгадыл бафтауын, адæмы царды уаг фæхуыздæр кæныныл алы мадзæлттæй архайынц нæ разамынд. Алчидæр æй æмбары, нæ паддзахады разамынд йæ регионтæн раздæр куыд æххуыс кодта, ахæм фадат ын ныр нал ис, æмæ алчидæр хъуамæ амæлттæ кæна йæхæдæг. Алы республикæ дæр хæсджын у, цæмæй йæ куыстуæтты уд бауадза, райрæзын кæна экономикæ, йæ къахыл слæууын кæна хъæууон хæдзарад.

RSS-материал