Nog adres

Адæм, кæрæдзи уарзгæйæ цæрут!

Куадзæны 15-æм фестиваль уыдзæн майы

2e60c4d0d78d103f4ee006bc7aa218521.jpg15 Мæскуыйаг Куадзæны фестиваль уагъд цæудзæн стыр уырыссаг композитор Сергей Прокофьевы райгуырдыл 125 азы сæххæсты цытæн.
Фестиваль цæудзæн Первопрестольныйы майы фыццаг æмбисы 1-17 маймæ. Уый уагъд цæуы Мæскуыйы хицауады, УФ-йы культурæйы æмæ хъахъхъæнынады министрадты æххуысæй.
Фестивалы пресс-службæйы куыд фехъусын кодтой, афтæмæй мадзæлтты хайад райсдзысты Мариинаг симфонион оркестр Гергиты Валерийы разамындæй, афтæ ма ныры дуджы стыр музыканттæ, Чайковскийы номыл конкурсы фæуæлахизуæвджытæ, æгас дунейæ хуыздæр инструменталон æмæ хорон коллективтæ.
Фестиваль цытджын æгъдауæй байгом уыдзæн 1 майы, Куадзæны бæрæгбоны, Мæскуыйы консерваторийы Стыр залы.
Мариинаг театры симфонион оркестры ралæудтытæ райдайдзысты 29 апрелы æмæ цæудзысты 19 боны дæргъы Уæрæсейы 21 горæты - Тулæ, Орел, Смоленск, Владимир, Мæскуы, Казань, Екатеринбург, Магнитогорск, Пермь, Воткинск, Ижевск, Нижний Новгород, Липецк, Воронеж, Ростов, Сочи, Краснодар, Дзæуджыхъæу, Астрахань æмæ Саранскы.

Стыр Уæлахизы боныл æмбæлгæйæ/ ФИДÆНЫ ФÆЛТÆРТÆ СÆ ЗОНДЗЫСТЫ

2991_foto_N484_25.jpgНе 'ппæт дæр æй хорз зонæм, Стыр Фыдыбæстæйон хæст милуангай адæмæн кæй æрхаста мæлæт, цæссыг æмæ хъизæмар. Мингай æвзонг цардбæллон удтæн æгъатыр хъысмæт сæ амæндтæ æмæ бæллицтæ сæ хъуыры фæбадын кодта, схæццæ сын кодта сæ рæсугъд, тæхудиаджы цардвæндаг, сæ фидæны хуызджын нывæстытæ. Чидæриддæр бабын уыцы хæсты, кæйдæриддæр уыцы фыдхæст сахъатджынæй ныууагъта, сæрæгасæй чи æрыздæхт, уыдон иууылдæр сты æцæг хъæбатыртæ, сæ дуджы фæдисонтæ. Абоны амондджын царды тыххæй æнæм-сæр тохы размæ чи бырста, Берлинмæ чи ныххæццæ æмæ Стыр Уæлахиз чи æрхаста, уыдон айгæрстой абоны сабитæн æвыд фæндаг дидинæфтаугæ суинаг афонмæ.
«Ничи ферох, ницы ферох!» - 70 азæй фылдæр нæрыди æгас адæмты царды ацы девиз. Уый махæй алкæмæндæр уыд Стыр Фыдыбæстæйон хæсты фыдбылызтæ, æнамонддзинæдтæ æмæ туг - цæссыгæй амæхст æнусон, арф зæрдæйы хъæдгæмтты æвдисæндар. Уый нын абон дæр, уæлдайдæр та махæн, хуссарирыстойнæгтæн, нæ зæрдыл лæууын кæны, хæст мæлæтхæссæг кæй у, удхор æмæ цардхалæг кæй у; ирдæй нын æй равдыста, адæймаджы хъысмæтæн æгасæй дæр йæхи кæй схицау кæны æмæ йын йæ рæсугъд фæндтæ, хуызджын бæллицтæ масты амæттаг кæй фæкæны.
Нæ чысыл Ирыстоны иунæг хæдзар дæр нал баззад, ацы хæсты тых - морæхуыз рын - кæуыл нæ бандæвта æмæ дзы алкæмæн дæр йе 'ввахс хионы, хæстæджы мæрдты бæстæм чи нæ барвыста. Уыцы хæст абон дæр зыны дунейы бирæ бæстæты, Уæрæсейы горæтты, Иры горæтты, кæмтты, хъæуты, уынгты, паркты - 1941- 1945 азты хæсты чи фæмард, уыдонæн сæ цыртытæй, обелисктæй; уыдоны цыт æмæ кадæн уал азы дæргъы судзы Æнусон арт.

Бузныг сын зæгъынц сæ аудгæ ахасты тыххæй

Хуссар Ирыстоны сывæл-лæттæ бирæ зындзинæдтæ бавзæрстой 20 азы дæргъы гуырдзиаг-ирон ныхмæлæуды рæс-тæджы. Æппæт уыдæттæ хынц-гæйæ Республикæ Хуссар Ирыстоны къухдариуæгад, Ахуырады министрад æмæ йæ дæлбар уагдæттæ æппæт тыхтæй дæр архайынц нæ рæзгæ фæлтæры абоны æмæ фидæны рæсугъд царды тыххæй. Уымæ гæсгæ абон Хуссар Ирыстоны сывæллæттæн, ис хорз перспективæтæ сæ дарддæры царды. Æхсæнадæн нæ уыдзæн аккаг фидæн, кæд æмæ æмбæлон æгъдауæй нæ аудой сывæллæтты æнæниз-дзинадыл, сæ ахуырыл, сæ хъомыладыл. Сывæллæттæ æхсæнады хъуамæ сæхи æнкъарой хъахъхъæдгондыл, цæмæй тырной сомбоны сæ Райгуырæн бæстæйæн пайда æрхæссынмæ.

САГКАТЫ ВАЛЕРИЙЫ МЫСÆН ИЗÆР

24 апрелы горæт Цхинвалы спортивон клуб «Лига чемпионов» -ы ауагъдæуыд ирон эстрадæйы мэтр, маэстро Сагкаты Валерийы мысæн изæр.
Мадзалмæ хуынд æрцыдысты Республикæ Хуссар Ирыстоны Президент Тыбылты Леонид, Паддзахадон университеты ректор Тедеты Вадим, РХИ-йы культурæйы министр Остъаты Мадинæ, Сагкаты Валерийы æмкъай Джапаридзе Луиза, йæ хъæбултæ æмæ хъæбулы хъæбултæ, афтæ ма æхсæнады минæвæрттæ куыд Хуссар Ирыстонæй, афтæ Цæгат Ирыстонæй дæр.
Мадзал бацæттæ кодта дохтыр, зарæггæнæг, æхсæнадон архайæг æмæ Сагкаты Валерийы хорз æмгар Куыдзеты Игорь.
Райдайæны мадзаламонджытæ, курдиатджын фæндыр-дзæгъдæг Сæппиаты Зæлинæ æмæ РХИ-йы паддзахадон драмон театры актер Мамиты Григори раарфæ кодтой уазджытæн æмæ сæ базонгæ кодтой Валерийы цард æмæ сфæлдыстадимæ.

ТЫБЫЛТЫ Леонид: Республикæ Хуссар Ирыстоны цы референдум хъуамæ ауагъдæуа, уый тыххæй

1458741806_1458657605_leonid_tibilov.jpegРеспубликæ Хуссар Ирыстон у суверенон, хæдбар паддзахад, кæцыйы банымадтой Уæрæсейы Федераци æмæ æндæр паддзахадтæ.
Хуссар Ирыстоны хæдбардзинад нæ адæмы къухы бафтыд бирæнымæц уды зиæнтты æмæ хъизæмæртты аргъæй. Фæлæ ныр Стыр Уæрæсейы фарсхæцынадæй нæ адæмы историйы трагикон сыфтæ фæстейæ баззадысты æмæ ныр фæндвидарæй цæуæм сабырадон арæзтад æмæ размæцыды фæндагыл.
Бирæ азты дæргъы фашистон Гуырдзыстоны ныхмæ хуссарирыстойнаг адæмы сæрибаргæнæн тохты рæстæджы махæн нæ сæйраг, бындуройнаг идея уыд хæдбардзинад райсын æмæ Уæрæсейы Федерацийы скондмæ бацæуын.
Уыцы идеятæ бæрæг æрцыдысты, 1992 азы 19 январы Республикæ Хуссар Ирыстон цы референдум ауагъта, уый фæстиуджытæй.
Абон дæр ногæй республикæйы къухдариуæгады позици уыцы ахсджиаг фарстатæй дырысæй банысан кæнын хъæуы.
Уæрæсеимæ баиу уæвын хуссарирыстойнаг адæмы рагон, æнусон бæллиц у, кæцыйы нысан у йæ æдасдзинад сифтонг кæнынмæ тырнындзинад æмæ ирæтты цæгаттаг хаимæ æмæ æнæхъæн уæрæсейаг адæмимæ иууон паддзахадон-барадон тыгъдады баиу уæвын. 1992 азы 19 январы æппæтадæмон хъæлæсæппæрсты фæстиуджытæм гæсгæ, Уæрæсеимæ баиуы тыххæй Хуссар Ирыстоны адæмы фæндон у бæлвырд æмæ юридикон æгъдауæй фидар.

Штабы рабадт/ Арæзтадон куыстытæ - сæ тæмæны

sovechanie.jpgРХИ-йы Президент Тыбылты Леонид ауагъта 2016 азæн Хуссар Ирыстоны социалон-экономикон рæзтæн ахъазгæнæн Инвестицион программæ реализацийыл контролы фæдыл оперативон штабы рабадт. Йæ куысты хайад райстой министрадтæ æмæ ведомствоты къухдариуæггæнджытæ, горæты æмæ районон администрациты сæргълæуджытæ, Республикæ Татарстаны Президенты æххуысгæнæг Фарит Ханифов, афтæ ма республикæйы арæзтадон куыстыты чи архайынц, уыцы подрядон организациты минæвæрттæ.
Рабадты байхъуыстæуыд, уыйразмæ рабадты лæвæрдæрцæуæг хæстæ куыд æххæст æрцыдысты, уый тыххæй информацимæ.
Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард фехъусын кодта, цы бакуыстæуыд хæслæвæрдтæ сæххæст кæныны тыххæй, уый фæдыл. Йæ ныхæстæм гæсгæ донифтонгады æмæ канализацийы дихгæнæн хызæгты арæзтад нæ горæты 6 уынджы цæуы сфидаргонд æмгъуыдтæм гæсгæ æмæ фæуыдзысты 20 маймæ. Остъайы уынджы хæрзарæзтады фæдыл куыстытæ та фæуыдзысты 1 июнмæ.
«Куыстытæ цæуынц хорз темптæй, фаг кæнынц кусджытæ æмæ кусæг техникæ дæр», - загъта уый.
Цхинвалы администрацийы сæргъ-лæууæг хыгъд радта, республикæйы столицæйы æддейæ, сæрмагондæй рахицæнгонд бынатмæ арæзтадон брæттæ ласгæйæ цы проблемæтæ сæвзæрынц, уыдоны тыххæй. Уый банысан кодта, зæгъгæ, арæзтадон брæтты утилизацийы фæдыл фæтк халыны рæстæджы пайда цæудзæн иварон санкцитæй. Арæзтадон брæтты æнæсанкцион æгъдауæй халыны факттæ раргом кæнын æмæ фæтк чи халынц, уыдоны ныхмæ закъоны нысангонд мадзæлттæй спайда кæнынТыбылты Леонид бахæс кодта мидхъуыддæгты министрадæн.

Арфæтæ

Республикæ Хуссар Ирыстоны Президент Тыбылты Леонид раарфæ кодта Цæгат Кавказы Хъуыддæгты фæдыл Уæрæсейы Федерацийы министр Лев Владимиры фырт Кузнецовæн.
Арфæйы фыстæджы дзырдæуы:
«Цытджын Лев Владимиры фырт,
Айс мæ иууыл зæрдиагдæр арфæтæ дæ райгуырæн боны цытæн.
Хуссар Ирыстоны стыр аргъ кæнынц дæуæн нæ паддзахады социалон экономикон рæзты фарстытæм де 'гæрон цымыдис æмæ стыр хисæрмагонд хайбавæрды тыххæй.
Фидарæй мæ уырны, дæ хайадисты фæрцы Республикæ Хуссар Ирыстон æмæ Уæрæсейы Федерацийы æхсæн æмцæдисон ахастытæ дарддæр дæр кæй рæздзысты æмæ фидар кæндзысты нæ бæстæты адæмты хæрзиуæгæн.
Дæ райгуырæн боны дын мæ цæст уарзы фидар æнæниздзинад, æвидигæ хъару æмæ æнтыстытæ Фыдыбæстæйæн лæггад кæныны бæрзонд хъуыддаджы.
Республикæ Хуссар Ирыстоны
Пезидент ТЫБЫЛТЫ Леонид

«Зазхæссæн»-ы бæрæгбон - царды фидæны нысан

1461575549_img_7463.jpgЧырыстийы бæрæгбонтæ рагæй фæстæмæ Чырыстон диныл хæст адæмæн нысан кæнынц удварн, фарны тæгтæ бæттæг, бæллиццаг фидæн æмæ цард фидаргæнæг. Нæ фыдæлтæ æууæндыдысты Хуыцау æмæ зæдтыл, дзуæрттыл, дауджытыл. Бæрæгбонты руаджы-иу сæ уæззау цард зæрдæрухсдæр кодтой. Уымæ гæсгæ бæрæгбон гуырын кодта хорз цардмæ тырнындзинад. Алы адæймаг дæр архайдта, цæмæй Хуыцауы раз йæ уд уыдаид сыгъдæг, кæд-иу истæмæй йæ царды фæрæдыд, уæд-иу хатыр ракуырдта æмæ уымæй йæ тæригъæдтæ сыгъдæг кодта, кæрæдзимæ фыдæхы цæстæй чи каст, уыдон-иу уыцы бон бафидыдтой.
Бæрæгбонты руаджы тых кодтой царды зындзинæдтыл нæ фыдæлтæ, сæ зæрдæты-иу ныфс бацыд сомбоны цард кæй фæхуыздæр æмæ рогдæр уыдзæн.
Хуыцаубоны 24-æм апрелы Хуссар Ирыстоны Чырыстон адæм Мады Марæмы кувæндоны банысан кодтой «Зазхæссæн»-ы бæрæгбон.
Ацы ирд бæрæгбон у, адæмы 'хсæн мин азты дæргъы монон сыгъдæгдзинад чи тауы, ахæм бæрæгбон. Нæ адæм ацы бæрæгбон нысангæнгæ вæййынц уæлдай фæрндзинады æнкъарæнтимæ. Бæрæгбоны æрцыд нæ рагфыдæлтæ барстой æрдзы райхъалимæ. Аргъуан куыд амоны, афтæмæй ацы бон æмбæлы кæрæдзийæн арфæ кæнын. Чырыстон диныл хæст адæмы уырны, ацы бон дæ хæдзармæ зазы къалиу куы бахæссай, уæд уымæн уыдзæнис стыр тых. align="left" hspace="12"

Æппæтгорæтон æфснайæн зиу

img_0145.jpgГорæт Цхинвалы уагъд æрцыд æппæтгорæтон æфснайæн зиу, цыран нæ горæты администрацийы хæрзарæзтады комбинаты кусджыты æмрæнхъ хайад райстой республикæйы министрадтæ æмæ ведомствоты минæвæрттæ, Хуссар Ирыстоны паддзахадон университеты ахуыргæнджытæ, студенттæ, нæ горæты скъолаты ахуыргæнджытæ, ахуыргæнинæгтæ æмæ æндæртæ.
Æфснайæн зиуы архайдтой техникæйы 25 иуæджы. Сæйраг горæты микрорайонтæм фидаргонд уыдысты хæрзарæзтады комбинаты кусджытæ, кæцытæ зиуы хайадисджыты ифтонг кодтой æнæмæнгхъæуæг инвентарæй, афтæ ма сын æххуыс кодтой бырæттæ ласынæн дæр.
Æфснайæн зиуы хайад райста Республикæ Хуссар Ирыстоны Президент Тыбылты Леонид. Паддзахады сæргълæууæг ныхас кодта цæрджытимæ. Уый раарфæ кодта зиуы ха-йадисджытæн æмæ банысан кодта ахæм акциты уадзыны ахсджиагдзинад. «Нæ горæт алыхатт дæр кадджын уыд йæ сыгъдæгдзинад æмæ уазæгуарзондзинадæй. Мах хъæуы фæстæмæ ацы традицитæ раздахын. Ахæм мадзæлттæ уадзын та ахъаз кæндзæн алыварсонæй æндидзæн процессæн. Фæнды мæ раарфæ кæнын абон æфснайæн зиуы хайад чи райста æппæт уыдонæн, уæлдайдæр та скъоладзауæтæн. Нæ горæт азæй азмæ ивы йæ хуыз, сыгъдæгдæр кæны. Хъуыды кæнын афтæ æмæ æппæт цæрджытæ дæр хъуамæ сæ хайбаврæд хæссой нæ иумæйаг хæдзары сыгъдæгдзинадмæ æмæ фæтк æрæвæрынмæ. Уый тынг ахсджиаг у», - банысан кодта Президент.

Цыртдзæвæнтæ хъахъхъæныны бон банысан кодтой рæсугъд æрдзы хъæбысы

img_0005.jpgЗнауыры районы Тигъуайы хъæуы ис архитектурæйы рæсугъддæр цыртдзæвæнтæй сæ иу - Тигъуайы аргъуан.
Историон зонæнтæм гæсгæ аргъуан сарæзта 1152 азы паддзах Давид-аразæджы чызг, кæцы моймæцыд уыд ширваншах Стыр Минучихр III-мæ, фæлæ йæ цардæмбалы амæлæты фæстæ уый раздæхт чырыстонадмæ, сарæзта ацы аргъуан æмæ дзы уыдис моладзан.
Растдæр ацы диссаджы рæсугъд бынаты РХИ-йы культурæйы министрады цыртдзæвæнтæ хъахъхъæныны хайад аскъуыддзаг кодта радон цæугæ конференци ауадзын, ацы хатт Знауыры районы архитектурæйы цыртдзæвæнтæ хъахъхъæныны проблемæйы фæдыл.
Цыртдзæвæнтæ æмæ историон бынæттæ хъахъхъæныны дунеон боны цытæн мадзалы хайад райстой РХИ-йы культурæйы министры хæдивæг Дзеранты Джульеттæ, цыртдзæвæнтæ хъахъхъæныны хайады хистæр Табуты Нелли, Алайнаг епархийы иерей фыд Симон, зонад-иртасæн институты директор Гаглойты Роберт, ацы институты кусджытæ уыдон нымæцы Мæргъиты Ирбег, культурæйы министрады кусджытæ, студенттæ, районы разамынад æмæ йæ цæрджытæ.
Фембæлды хайадисджытæ федтой аргъуаны бæрзонд бæстыхай, ныхас кодтой, йæ хъус æм чи дары, уыцы кусæг Доменти Лацибидзеимæ, кæцы бирæ азты дæргъы хъахъхъæны ацы историон цыртдзæвæн.
Конференцийы фылдæр хай ацыд гом арвы бын, аргъуаны æхгæд кæрты. Кæд чысыл уазал боныгъæд уыдис, уæддæр студенттæ æхсыз-гонæй хъуыстой хъæздыг архитектурон бынты тыххæй хистæрты раныхæстæ æмæ докладтæм.
Мадзал байгом кодта Дзеранты Джульеттæ. Уый банысан кодта ахæм мадзæлттæ уадзыны ахсджиагдзинад.

Фæндæгтæм - уæлдай хъусдард

dorogi.JPGФæндæгтæ сты царды дадзинтæ, адæм æмæ транспорты змæлд ифтонггæнæг.
Нæ уацы цы автотранспортон фæндаджы кой ракæнынмæ хъавæм, уый у иуфарсон фæндаг - дыууæ автотранспортон иуæджы куы сæмбæлынц, уæд хатт фæтыхсынц шофыртæ. Цæмæй кæрæдзийæн фæндаг радтой, уый тыххæй хъæуы фæсвæд ахизын æмæ фæсвæд ахизын та фæзын вæййы, уымæн æмæ фæндаг у нарæг .
Нæ дзырды сæр абон у Джеры коммæ фæндаджы æдзæллаг уавæрыл. Фæндæгтæ дæр æдзух домынц бирæ хъусдард. Уыцы хъусдард хъуаг сты ацы коммæ сæйраг фæндаг æмæ стæй дарддæр хицæн хъæутæм фæндæгтæ. Джеры коммæ сæйраг фæндаг бирæ бынæтты у проблемон автотранспорты змæлдæн. Уæлдайдæр къæвда бонты - проблемон та уымæн ссис æмæ кæм цадбадæн ссис, кæм дзы сырæзт обаутæ, кæм та дзы цъыфы ныгъуылынц хæдтулгæты цæлхытæ (уый къæвда боны). Ахæм уавæры ис Сау Дзуармæ æввахс бынæтты (æххуысгæнæг уæт не 'ппæтæн дæр).
Иуныхасæй, ацы комы цæрджытæн ныртæккæ сæ хъасты фыццаг у фæндæгты уавæр. Уымæн æмæ хъæууон цæрæгæн фыццаградон у. Цæмæй хъæуы дæр уавæртæ æмæ цæрынæн хорз фадæттæ саразай, дæ зæрдæ райа - уыцы хъуыддæгты фæндæгты уавæрæн ис стыр нысаниуæг.
Зымæджы митуардтыты рæстæджы Цхинвалы районы администраци куыдфæндыйы цæстæй нæ каст ацы комы цæрджыты домæнтæм æмæ цалдæр хатты митæй сыгъдæг æрцыд фæндаг, цæмæй ма фæтыхстаиккой æнæ фæндагæй. Уымæ гæсгæ сæ ныфс ис æмæ ныр дæр æнæ-хъусдардæй нæ баззайдзæн сæ домæн, æмæ уавæр рараст кæныныл бацархайдзысты æмбæлон службæтæ.

Сатихъары хъæуы цæрджыты риссаг фарстытæ

DSC04300.JPGЦхинвалы хъæутæй сæ иу - Сатихъар дæр æндæр хъæутау архайы æмæ тырны рæстæгимæ æмдзу кæнын.
2008 азы Сатихъары хъæу уыд проблемон, уымæн æмæ арæн кодта гуырдзиаг хъæу Ксуисимæ. Цалдæр азы Сатихъары хъæуы цæрджытæн республикæимæ рæстмæ бастдзинад нæ уыд фæндаджы аххосæй. Практикон æгъдауæй, цæмæй Сатихъарæй горæтмæ рацыдаид адæймаг, уый тыххæй хъуыд Джермæ ссæуын, Джерæй - Църумæ æмæ стæй та, Дзауæй Зары хъæдыл цы фæндаг цыд, ууылты горæтмæ æрбафтын. Радон хæстон агрессимæ æнхъæлмæ кæсыны уавæры уыдысты адæм цалдæр азы, фæлæ уæддæр никуы ныууагътой сæ хъæу. 2008 азæй фæстæмæ Уæрæсейы арæнхъахъхъæнджыты фæрцы æрцыд сабырад, æмæ ныр, стабилондзинад гаранти æнкъаргæйæ, сатихъайрæгтæн дæр хуыздæр-æрдæм ивы сæ цард.
Æндæр хъæутау уыдонмæ дæр уагъд æрцыд дон, арæзт æрцыд медпункт, ис сæм ас-тæуккаг скъола, бон дыууæ хатты хъуамæ цæуа горæтæй рейсон автобус. Фæлæ хъæуы цæрджытæ иууыл тынгдæр цæмæй тыхсынц, уый у æгуысты проблемæ. Суанг 1986 азмæ областы стырдæр хъæууон хæдзарадон объектыл нымад цыд Сатихъары колхоз, къухдариуæг ын кодта, фæлтæрдджын кусæг æмæ куысты стыр практикæ кæ-мæн уыд, ахæм бынæттон цæрæг Уалыты Отар. Уый куыд зæгъы, афтæмæй уыцы азты колхоз дардта 1 мин стуры. Зымæгмæ уыдонæн холлаг никуы æлхæдтой, цы сæрвæттæ уыд колхозæн, уым-иу колхозонтæ сæхæдæг æрцæттæ кодтой холлæгтæ. Колхоз 1989 азы ссис паддзахадон хæдзарад, фæстæдæр та йын къухдариуæггæнæгæй урæд æрцыд Уалыты Отар æмæ ногæй бавнæлдта, 39 гектары чи уыд, ахæм дыргъдон ногæй «раудæгас» кæнынмæ. Дыргъдæттæ цалдæр азы æнæхицауæй кæй аззадысты, уымæ гæсгæ бæлæстæн сæ 70% уыдысты хус. Нал уыд хæдзарадæн техникæ, фæлæ цыбыр рæстæгмæ фæлтæрд къухдариуæггæнæг фæстæмæ паддзахадон хæдзарадмæ æрбаздæхта, хицæн адæймæгты къухты цы техникæ уыд, уыдон. Цыбыр рæстæгмæ куыстгонд æрцыд 48 гектары бæрц зæхх, цы ДТ-75, Т-16, МТЗ-80 техникæ уыд сæ къухы, уый фæрцы. Ам тыд цы тыллæг райстой, уымæй балхæдтой электротелтæ 3,600 метры. Хъæуы цæрджытæ сæхи тыхтæй ныссагътой цæджындзтæ æмæ ауагътой хъæумæ электроны телтæ. Дыргъдонæй иу афæдз æркодтой 250 тоннæйы бæрц алыгъуызон дыргътæ. Уыцы æх-цайы фæрæзтæй æлхæд æрцыд, цы техникæйæ ма уыдысты цух, уыдон. Иу цыбырдзырдæй, паддзахадон хæдзарад уыд цæрдхъом. Фыста паддзахадмæ фиддонтæ дæр.

Ауагътой акци «Цъæх дуне»

DSC05965.JPGУалдзæджы рæсугъддæр мæй апрелы 22-æмбоны нысан цæуы Зæххы дунеон бон. Ацы бон, æвæццæгæн æнæхъуаджы нысан нæ цæуы. Уымæн æмæ адæймаг цæры зæххыл, цыдæриддæр ыл зайы æмæ уæвынад кæны, уыдонæй кæны пайда, афтæ ма зæххы бынæй дæр къахт цæуынц бирæ æнæмæнгхъæуæг æрмæджытæ.
Куыд æй зонæм, афтæмæй зæхх та аив фæлыст у нæ рæсугъд æрдзы руаджы. Фæлæ, хъыгагæн, абон куыд уынæм, афтæмæй нæ алфæмблай æрдзмæ уазал цæстæй кæсынц бирæтæ, æгъатырæй цагъд цæуынц хъæдтæ, марынц хъæддаг цæрæгойты, чъизи кæнынц хъæдты, быдырты æмæ цæугæдæтты.
Ацы нысаниуæгджын бон дæр уымæн райдыдтой нысан кæнын. Кæд ацы бон бирæ æнусты размæ Америкæйы райдыдтой фыццаг нысан кæнын, уæддæр уый апарахат бирæ бæстæтыл æмæ ныр нысан цæуы уæрæхæй.
Нæ республикæйы дæр азæй-азмæ ацы бæрæгбон банысан кæнынц хуыздæр. Йæ нысан та у, цæмæй не 'хсæнад, хицæн адæймæгтæ дæр сæ хъус хуыздæр æрдарой зæххы æмæ æрдзы проблемæтæм. Рæзгæ фæлтæры дæр цæмæй цайдагъ кæной æрдз хъахъхъæныныл, ма цæгъдой цæрæгойты, сæ хъус дарой, сæ алфæмблай цы цæуы, уымæ.
Ацы бæрæгбоны традицимæ гæсгæ адæм базилынц сæ кæртытæм, уынгтæм, ныссадзынц бæлæстæ, дидинджытæ æмæ æндæр алыгъуызон зайæгойтæ. Уагъд ма фæцæуынц ноджы бирæ цымыдисон мадзæлттæ дæр.

Баззадысты сæ райгондæй

Ivan.jpgПаддзахадон кино-концертон зал «Чермен»-мæ æрбацыд бирæ адæм. Залы иу афтид бынат дæр нал баззад. Уыдон се 'ппæт дæр, кæй зæгъын æй хъæуы, æрбацыдысты хорз концерт фенын æнхъæлцау æмæ сæххæст сæ бæллиц.
Адæмы йе сфæлдыстадон изæрмæ æрхуыдта Цхинвалы №2 музыкалон скъолайы ахуыргæнæг Сиукъаты Тамерлан. Тамерланæн йæ ацы хъуыддаджы стыр æххуыс бакодта Хуссар Ирыстоны Културæйы Министрад, йæ сæргълæууæг Остъаты Мадинæйы хъæппæрисæй. Ам ма банысан хъæуы уый дæр, æмæ фæстаг рæстæджы Культурæйы министрад аразы æппæтдæр, цæмæй Хуссар Ирыстоны адæм хайджын уой царды би-рæ хорз миниуджытæй, сæ уæззау æмæ тыхст бонтæ сæ ферох уой тагъддæр.
Концерты хайад райстой Цæгат Ирыстон-Аланийы адæмон артист, зарæггæнæг Дауыраты Эдуард æмæ артист зарæггæнæг Кусаты Михаил. Уыдон æр-мæст сæ зардæй нæ барухс кодтой залы уæвджыты зæрдæтæ, фæлæ ма сценæйыл сæ цымыдисон инсценирæвкæтæй дæр.
Концерты хайад райстой Колыты Аксойы номыл паддзахадон аивæдты лицейы зарæггæнджыты къорд «Асин» æмæ дыккæгæм музыкъалон скъолайы ахуыргæнинæгтæ. Концерты уыдысты æмæ цалдæргай зарджытæ акодтой Тадтаты Аманда æмæ Дзигойты Маринæ. Ацы дыууæ æвзонг зарæггæнæджы сæ зарджытæ афтæ хорз сæххæст кодтой, æмæ сæм адæймаг цал хатт фæнды ма байхъуса, уæддæр ма йæ фæнддзæнис байхъусын. Сæ ахæм хорз зарды тыххæй сын залы уæвджытæ бузныджы æнкъа-рæнтæ æвдыстой дæргъвæтин къухæмдзæгъдæй.
Сæ зарджытæ хорз сæххæст кодтой бынтон æвзонг артисттæ Зассеты Сослан æмæ Къæбулты Янæ. Цалынмæ Янæ «Ария Лауретты»-йы нæ сæххæст кодта, уæдмæ Тамерлан афтæ: «Хорз адæм, ныр та сымах базонгæ уыдзыстут, сомбоны стыр ныфсæвæрæн кæмæй ис, Гергиты Валери, Джиоты Вероникæ æмæ æндæр ирон зындгонд артистты æмрæнхъ чи балæууа, ахæм, æвзонг зарæггæнæг Къæбулты Янæимæ». Ныр дæр та Тамерланы ацы ныхæстæ æнæхъуаджы нæ фесты. Янæ йæ зарæджы сæххæст кодта иттæг хорз, залы бадджыты къухæмдзæгъд нал фæуд кодта бирæ рæстæг.

Президент ауагъта æмбырд æвæгæсæг сывæллæтты хъомылады фарстыты фæдыл

SOVECHANIE.JPGÆнæрæстмæ бинонты сывæллæтты хъомыл кæныны проблемæтыл дзырд цыди Президент Тыбылты Леонидæн Æнæниздзинад хъахъхъæнын æмæ Ахуырады министрадтимæ, стæй горæт Цхинвалы администраци æмæ Республикæйы ба-радхъахъхъæнæг органтимæ.
Æмбæлон службæтимæ ацы æмбырд Президент ауагъта, 21 апрелы ПТРК «Ир»-ы эфиры ног хабæртты цы сюжет равдыстæуыд, уый фæдыл. Уыцы ран дзырд цыди æнæрæстмæ бирæсывæллонджын бинонты тыххæй, цыран ис дзидзидай сывæллон дæр. Æнахъомты хъуыддæгты фæдыл горæты службæтæ ныййарджытæй ахастой сывæллæтты, уымæн æмæ уыдон уыдысты æнæркаст æмæ антисанитарон уавæрты.
Президент банысан кодта, зæгъæ, кæд республикæйы ахæм бинонтæ бирæ нæй, уæддæр ацы фарст у лæмбынæг æркæсын æмæ æмбæлон комплексон фæндæттæ рахæссыны аккаг.
«Мах традицион æхсæнады цæрæм, æмæ ахæм цаутæ иугæйттæ кæд сты, уæддæр æхсæнады расайынц карз æнкъарæнтæ, - загъта уый. Мах хъуамæ аскъуыддзаг кæнæм, цы саразын хъæуы, уый, кæд ис, сабитæ æнæркастæй кæм зайынц, æмæ рæстæгæй-рæстæгмæ сæ цардæн тæссаг чи у, ахæм æвзæр уавæртæ кæм сæвзæры, ахæм æнæрæстмæ бинонтæ, уæд».
Æнахъомты хъуыддæгты фæдыл органты кусджытæ банысан кодтой, зæгъгæ, республикæйы æмбæлон хъусдарæг орган кæй нæй, уый аххосæй ацы хæдзары сывæллæттæ арæх бахауынц, се нæниздзинад æмæ сæ удæн дæр тæссаг уавæрты, уымæн æмæ сæ ныййарджытæ арæх кæнынц фыднозт, сабиты та ныууадзынц æвæгæсгæй.
«Сæрмагондæй ацы конкретон бинонты 'хсæн сывæллæттæ ахæм фыдаудæн уавæрты бахауынц арæх, фæлæ республикæйы сæрмагонд хъусдарæг органтæ кæй нæй, уый аххосæй махæн нæ бон нæу ныййарджытæн сæ бартæ айсын, сывæллæтты байсын, кæд сывæллæтты рæстæгмæ ракæнæм, æмæ ныййарджыты та бæрндзинадмæ æркæныныл архайæм, уæддæр», - банысан кодта г. Цхинвалы Мидхъуыддæгты управленийы æнахъомты æхсæн фæткхалæнтæ ма руадзыны æмæ æруромыны хайады хистæр Гатайты Лали.

RSS-материал